منتديات سبيع الغلباء - قصيدة الشاعر/ سعد بن سعيد بن نوار السبيعي في الشيخ/صحن بن غنيم السبيعي

[poem=font="Simplified Arabic,3,black,bold,normal" bkcolor="black" bkimage="backgrounds/2.gif" border="ridge,4,gray" type=1 line=0 align=center use=ex num="0,black"]
[B]بسم الله االرحمن الرحيم[/B]

السلام عليكم ورحمه الله وبركاته.

هذه القصيدة للشاعر /سعد بن سعيد بن نوار الملحي السبيعي

في الشيخ/ صحن بن غنيم بن شويه السبيعي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سلام الله على من وقفته تخضع لــهــا الــــوقـــفـــات=سلام الله على من بان صيته وارتفع شأنه

سلام ما يساق الا علــى شيـــوخ الــعـــرب بالــــذات=على القصر الكبير الي محله وسط سلـطانه

وعلى قصر بني ساسه على الامـــجـــاد والــعــادات= على قصر فتح للي حداه الوقــــت بيبـانه

على قصر الاماره والوفا والــطيــب والــهـــامــــات=مجالسه الكبيره من هل الوقفات مليانـــه

بناه الي عرف بالطيب والوقفـــات والـــفـــزعـــات= أبو بندر صحــن نبراس تمجيدي وعنوانه

ابا امدح حضرته والمدح لـــه وقتـــه ولــــه حـــزات= قصيده ما تقال بحضرة بن غنيم غلطانه

نجيله والمصايب عندنا تبلش بـــهـــا الـــســاحــات=وياخذها بصدر وسع نجد وسع ريضانه

نــحبــه مانحبـــه نــزبــنـه لاكــبـــرت الـــقـــالات= وتنطحنا الرحابه والبشاشه بين حجانــه

عــلى بـيتـه يـرودون الــرجـال وتكبـر الـهقــوات=من الاقراب والاجناب واصحابه وعدوانه

اشــوفــه بالـمكــارم كــن حــاتم باـلوطن مـامات=واشوفه بالتواضع كثروا أصحابه وعربانه

تـعـودنـا يــســامحنــا عــلى الــزلات والغلطـــات=ولا يسمـع كلام الي يشـيل الكذب بلسانه

أبـوبنـدر إلـيــا راحت سـوالـيف الـرجـال اشــتات=ســوالـيفـه تكف الهرجه الي مالها خانـــه

نطــول بطـولتــه لطــال عــودنــا عـلـى الطـولات= وتشوقنا على نضم القصايد وسط ديوانـــه

عسى عمره طـويـل ويحــفظه ربي من العــثرات=سنام المجد واصل المجد راس المجد واركانه

سلايل من ثنى دون الركايــب وانقــذ الــهــزلات=اليا طاح الحصان ولابقا الا السرج وعنــانه

هذولا طيبهم من وقت عاد ومن زمــان فــــــــات=هذولا فزعت الـتوحيد والاســلام واعـوانــه

معا صقر الجزيرة ناصروا وسلومــهــم عســـرات= يجــي رجــالـهم لاعـاهـد الـرجـال ماخانه

مشوبا الوجه الابيض ماحصل في عهدهم بوقات=وعلى أيديهم تمكن داعي الاسلام في اوطانه

تحت ضل العلم في نجد يـوم القلـــوب افــوات=وراء ذاك الزعـيـم الـي لشوفه نـجـد ولهانـه

عطوه العهد وامضو معه في الصولات والجولات=يبيعون النفيس ويرخصون العمــر وأثمانـــه

وفــاهــم لايزال ويذكــرون بسـاعــه الشـدات= وعلمهم للوطن وإرضاء الله المعبود سبـحانـه

سلام الله على ابن غنيم أبوبندر صحن بالذات= وعلى بندر من عياله وعلى ناصر من أخوانه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وســــــــــــلامــــتكم[/poem]