منتديات سبيع الغلباء - قصيدة مساجله بين محسن الشمري وسعد قاسي السبيعي

قصـيـدة محـسـن الشـمـري

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
ياعيال هـزن خاطـري بالتماثيـل = وكلـن يعبرعـن مشاعراحساسـه
سـلام منـا للرجـال المشاكيـل = ابي امدح الطيب على طيب ساسه
لبـو محمـد نرسلـه بالتفاصيـل = مـن لابتـن يشوقنـي قـو باسـه
قبيلـة لـه بالفعايـل محاصـيـل = سجل لهاالتاريـخ يـوم الفراسـه
سبيع يوم ان الفعايل علـى الخيـل = خيالهـم بالفعـل تعـتـز نـاسـه
يا سعد يفدونـك رجـال مساهيـل = اللـي سوالفهـم عليهـم قمـاسـه
اهل النقيلـي والعلـوم المهازيـل = واكرم الطيب عن اهـل البلاسـه
لشرواهم اول ماتصـب الفناجيـل = واليوم كلن حشمتـه مـن لباسـه
ومن زادماله صار يرجح له الكيل = ومن قل ماله قيـل مابـه وناسـه
وش عاد لو هو من خيار الرجاجيل = وعنده على طيب المعاني حماسـه
وشرواك له يالعرف نظره وتعديل = والعرف لوهو ثوب يطلع مقاسـه[/poem]

رد سعد بن قاسي السبيعي

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يامرحبا واعـداد وبـل المخاييـل = واعداد غصـن ركـزوه لغراسـه
للي يسوق الطيب فعل ومراجيـل = محسن ولد حمدان والصعب داسـه
من لابة شجعـان ذباحـة الحيـل = شمـر فعايلهـا اتـدرس ادراسـه
عند القبائل فعلها ابين مـن سهيـل = عدوهم يشرب مـن المـر كاسـه
يذللـون الصـعـب الله تذلـيـل = وافعالهـم تذكـر بحـره ويباسـه
يا محسن الدنيـا عليهـا غرابيـل = بذت خفى الصاحي وزادت عماسه
اشوف وانت تشوف بليـا درابيـل = قام الثعل والبـوم يلعـب براسـه
قامت تصافق بين حبـل ومحابيـل = والكـل منـهـم دارع فالدنـاسـه
دنيـا كفـى الله شرهـا للمهابيـل = والا سديد الـراي قلـت اجناسـه
الشعر ضيف الناس من جيل لاجيل = والجيـل الاول مايضيـع مساسـه
واليوم ضاع وشفت بعض التهاويل = هـذاك يلعبـه وهـذاك حـاسـه
صار المدح للي فلوسـه مزاميـل = لو كان هيس وعايـش بالخساسـه
ومن قل مالـه لـو مامـده بخيـل = مايمدحونـه ماكلـيـن الطفـاسـه
ومن كثر ماله وحسبته من الخابيل = قولوا عساه ياناس يعلـن إفلاسـه
الطيـب مايخفيـه قـول ولاقيـل = يرسي ولاهمـه وريـر البساسـه
وختامها عـز ومعـزه ومراسيـل = ولاهمنـا ياذيـب طبـاخ فـاسـه[/poem]
وسلامتكم / اخوكم سعد السبيعـي

وناقل الموضوع :شحيفان بن ملفي:8430-003-04-1062: