يا بوي انا محتار فأشيا كثيره&&بنشدك عنها وابغى الجواب
 

هذه القصيده للشاعر /عائض ابن محمد الغثيمي المديري:
وقد قالها وهو في السادسةعشر من عمره :
اما با النسبه الى رد والده فلا يحضرني الان كاملاً ولكن سوف أحاول البحث عنه في القريب العاجل انشاالله :وتقبلو تحياتي؛؛؛؛




[poet font="Simplified Arabic,6,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
يا بوي انا محتار فأشيا كثيره=بنشدك عنها وابغى الجواب
لحيث انا جاهل وابا من يفيدني=والخط ما يقرا بلا كتّـاب
الأوله بيتي لياجيت بارفعه=ورفعت عمدانه بدون اطناب
هو يرتفع وللاّ تهدم جوانبه=وأخر على راعيه شقا وعذاب
والثانيه طيري ليا ضف ريشه=واهوى على الصيده بلا مخلاب
هو لاصفق بالكف يقدر يصيبها= وللاّ يعود مخطيٍِ ما صاب
والثالثه ليا كِسر جاه ابن عمي= وجاني يصيح ويندب الأصحاب
حاديه قومِ ذابحينِ دخيله= ومن عقب ستره جا بدون ثياب
أنا أتغاضى عنه كني ما شوفه= واقول يامسكين سف تراب
والّلا ا نثني دونه وفادي بروحي= لا هازهم ولد الذليل وهاب
والرابعه اليا جاني رفيقي = في ليلة ضلما ومعه اجناب
أنا اتعذر منه واعقد له النضر= واقول باح الما مغير اصراب
والّلا اذبح الحايل واهنيه با العشا= واشب ناري وارفع المشهاب
واردم حطبها لين كلِ يشوفه= والرزق ما يأتي بدون اسباب
والخامسه جاري لياجار بالخطا= أما اجنبي والاّ من الاقراب
أنا اجزي السيّه بسيّه ومثلها= واقول انا ابو زيد وانت ذياب
والّلا مثل صبر المهادي وجاره= لين الموفق يقلع المنساب
والسادسه لا شفت عذرى جميله= تضحك مع الجهال والشياب
أنا ليا من جيتها ادخل عندها= واقول خشيني وصك الباب
والّلا اتعداها وجنّب طريقها= وادرى على نفسي من الأنشاب
يا بوي جاوبني على ما ذكرت لك= والمرجله كلِ لها طلاب
أما طلع نجمي على ما يطيبلك= والّلا هفا عقب الطلوع وغاب
يالله دخيلك لاتردي نصيـبي= يا رازقِ خلقه بدون احساب
وختامها مني صلاة على النبي = اعداد ما ينشي من السحاب
[/poet]

لا هنت أخوي / المديري
وصح لسان الشاعر
وقصيدة طيبة ونريد رد والده الله لا يهينك

الله يرحمه كان رجالن طيب المديرى

والله يبيح ولده المديرى ويسكنه الجنه كان رده طيب

والله يبيح اللى رد على هذى المشاركه السبيعى الغازى كان مغير يدوج فى المنتدى ما عنده شغل

والله الله يسكن موصاحى الجنه هو صحيح شوى مرجوج مير الله يرحمه ويرحم جميع المسلمين :rolleyes:

[SIZE=5]ارحب يالمديري
بيض الله وجه ابوك وجدك ولا تبخل علينا من قصائد الوالد (والجد) وترى نبا منك بعد

لاتعذر بني عمك والقصيده فعلا لها معنا وحكمه وهذي قصايد رائعه في سن ابوك يوم قالها

وتقبل تحياتي
مع انها جت متاخره بس انت تعذر





اخوك:ذيــــــــبـــــــــــــــــــان;)[/SIZE]

[SIZE=5]هلا ومرحباُ مليون بالمديري وابوه والمداريه بني عمي


قصيده رائعه تمن من فكر رائع هذا هو فكر سبيع الدائم وانشاء الله مايتغير وارجوا من اولادناء

اتباع هذا الفكر ولا ازيد ولا اقول الى صح لسان الشايب وبيض الله وجهه وجه ابوه ونرجوا منك

ان تاتي برد الوالد قصدي(جدك)


وتقبل تحياتي


اخوك:عــــــــاشــــــق الـــوديـــــان;)[/SIZE]

المديري

بيض الله وجهك على النقل الرائع يا ذيبان

قصيده جزله من راس جزل

لا تبخل علينا يا المديري بالرد طال عمرك

وسلمت يمينك يا الغالي

لك خالص التحيات والود من القلب

اخوك بن جراح

ابن جراح
سلام الله عليك

انت تقول بيض الله وجهك على النقل الرئع (ياذيــــبــان)


انا منقلتها (هههههههههههههههه):D

انا ذيبان امر يبن جراح لي تبيه صار


تقبل تحياتي

اخوك:ذيــــبــــــان;)

ذيبان

كلمة ذيبان يا بعد قلبي تطلق على الجميع

لكن خلاص ما عاد نقولها يا ذيبان

الا للذيابه مثلك وشرواك يا ذيبان:D

بس ما ادري وش اقولك بعد

تحياتي لك ولا يامر عليك عدو يا ذيبان

ابن جراح

المديري


لاهنت على نقل القصيده الرائعه وسلمت يمناك يالذيب وصح لسان الشاعر /عائض ابن محمد الغثيمي المديري , ولاتبخل علينا من القصائد الطيبه اللي للابو واللي للجد .



اخوك البدر