منتديات سبيع الغلباء - إبن بــاحــــص وإبن عــــياش

منتديات سبيع الغلباء (https://www.sobe3.com/vb/index.php)

- - إبن بــاحــــص وإبن عــــياش (https://www.sobe3.com/vb/showthread.php?t=15462)

إبن بــاحــــص وإبن عــــياش

[poem=font="Simplified Arabic,4,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
أرسل لي الاخ الشاعر / الفديع ابن باحص السوده هذه القصيده =

لو الرجال تهد مثل الجمالي=هدوك ناسٍ واجدٍ يابن عياش
ييبغون مثلك ياكريم السبالي=يجيلهم غمرٍ صخيٍ وهواش
ياعل يفدون رخوم العيالي=اللي حديهم لا احتمى الهوش ينحاش
ياخالد أسمع ياعريب الخوالي=إلواحدٍ قلبه لك ابيض من الشاش
ياذخر من مسة عليه الحبالي=اللي يجاريك بمراجلك لاعاش
عرفت واجد بس ياهملاالي=ماشبَهك غير البحر كل ماطاش
ولآ شبيهك مدلهم الخيالي=لانشى من القبله له ارعود وارشاش
غيثٍ لربعك ولرفيق الموالي=وسمٍ ذحاحٍ للمعادين لاناش
لطَيب أحلى من حليب المتالي=واشين من العلقم على أعداك واللاش
حرٍ شهر من ماكرٍ فوق عالي=الموت في كفه وماناش ماعاش
جناه عودٍ من رجومٍ عوالي=تصعب على غيره ولاهيب تناش
تم الكلام ( وليت بعض الرجالي )=يجون نَدَر مثلكم يابن عياش

رديت عليه بهذه الابيات =

الله على الي يوم اشوفه لحالي=أغيب وادرجلي تفاكير حشاش
كني ليا مني ملكته وجالي=ملكت حكم الباش في قوة الباش
يزيد غطرستي ليا جا حلالي=ويزيد شري كان بيعه فقط كاش
فكسار فل كامل عطوه الكمالي=الفين خمسه لمس ماهوب بفياش
فيه أنسيابٍ للهوى مايبالي=ينزاع كنه من عباريد رشاش
وكنه ليا منه ضربله رمالي=يمشي على طبطاب ولا بلاكاش
جناح ثلجي مايبيله جدالي=أليا أعترض فالشمس يصفقله افلاش
إليا وقف بين المواتر طرالي=عرش النجاشي شامخٍ بين الاحباش
عليه قرمٍ مستعدٍ بدالي=يمشي عليه من الحسا وقت مغباش
وقبل الظهر وقت اعتدال الظلاالي=في دار ربعي حامية صفو الابواش
منصاك ربعٍ يحتمون التوالي=اليا انثنوا بالصوت وبضرب الانماش
أنص البواحص مرخصين الريالي=وخص الفديع الي للامجاد حواش
يلقاك بالترحيب وصفر الدلاالي=والعود الازرق ثم قلطك لكَباش
متوسطٍ طبعه جنوبي شمالي=راكد رزين وفالمواجيب شواش
سلم عليه وعلمه وش جرالي=من خطه الي جالنا عقب مطراش
وليته ليا مني بغيته إقبالي=أجلس معه وشكيله الي برا الجاش
يافديع انا من عقبكم ضاق بالي=أضحك وهمي بين الاضلاع نباش
لوا هني الي من الهَم سالي=ولاصار من دورات الايام منداش
يافديع انا فارقت غالي وغالي=هذا بعيد وذاك لفوه بقماش
لولا الولي ثم نايفات الطوالي=لاصار حالي ماش في ماش في ماش[/poem]