الشايب والوايت-
 

[align=center] شايب نوا يشتري له وايت..عشان ابله وحلاله،،

جمع له فلوس لين صار عنده ثمانين الف ريال،، وتوكل على الله،،

وهو رايح للمعارض إلا ذيك الناس المجتمعة في ارض فضا،،

و جمبهم وايت،، وعجب خوينا هالوايت،،

قال بس خلني اشوف هالوايت عساه للبيع،،

يوم وقف واثري هالجماعة يحرجون:

50 ،، 52 ،، 55 ،،

قال بس هالوايت إن شاء الله انه من نصيبي،،

ويخش بالحراج... 56 .. ويزود.. ويزودون .. ويزود..

لين وصلوا 75 .. قام خربها وقال 80 ..

هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!

يناظرونه.. يناظرون بعض.. يوم تغامزوا ونقز له واحد منهم ..

ويسحبه على جنب.. قال شف يابن الحلال بنعطيك مليون ريال بس امش من هنا ولا

نشوف وجهك..

قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل

على الله

وش اسمك؟؟ عطاه اسمه وكتب له الشيك بمليون ريال وصرّف الرجال..

هو ما يدري وش السالفة ..

طيب وش العلم ..!!!!!؟؟!!!!

..

..

اثري هالجماعة يحرجون على المخطط وواقفين بالصدفة جمب الوايت..

و56 مليون و75 مليون.. وبو الشباب خش معهم..

ويحسبونه هامور يبي يلطش عليهم المخطط.. قاموا صرفوه بمليون..

وهو طايرن من الفرحة..[/align]

رد : الشايب والوايت-
 

رزقه الله بقيمة وايت و فحل و خمسين بكره



اذا سمعتوا اي حراج لأي مخطط علموني بروح انشب لهم



بس الخوف لو انهم باعوه بالثمانين شكلها بالملايين كان ورطه ما بعدها ورطه

رد : الشايب والوايت-
 

السالفة هذي صايره علي قبل خمس سنوات

اناتراني الشايب راعي الوايت

رد : الشايب والوايت-
 

خالد الشماسي / مشكور على الرد ونصيحتي لك انحش وانا اخوك من مثل هالحراجات لا توسدها




ســامـبــا / الله الله وانا اخوك لا تنسى تشرهنا من هالثمانين مليوووووووووووووون

سعدت بمرورك اخي سامبا


ودمــتــم بــود ,,,,

رد : الشايب والوايت-
 

الارزاق عند وهاب العطايا سبحانه

وهشايب نيته طيبه اللي وفق هلمليون الله يوفقه
وهذه القصه جالها كذا روايه على العموم اللي صادفها حضيض

تحياتي