ياعبدربه فوقك اللي يحاسبك
 

[poem=font="Simplified Arabic,6,black,bold,normal" bkcolor="transparent" bkimage="" border="ridge,6,black" type=2 line=1 align=center use=ex num="0,black"]
يا عبدربه فوقك اللي يحاسبك =انصحك لو ماني عليك متولي
لاصرت تسمع داعي الله يندبك = قدمك وملهيك الغناء والتسلي
ومن راح للمسجد طريقه يمر بك = على الرصيف بجلستك ماتملي
استح على وجهك ودمك وشاربك = قم صل عمر الادمي مضمحلي
ولا اترك الشارع عط الناس غاربك = اذلف لعلك للهدى يالمولي
خل العباد عيونها ماتراقبك = لا صرت لا نايم ولا انته مصلي
حتيش لو متوفراتٍ مطالبك = مصيرك الدار الضلام المذلي
لاحولوا بك في مقرك قرايبك = واللبن خلو وقفته تستقلي
اطيب ربوعك بكثرالرمل يتربك = لوكان عينه من فراقك تهلي
ولا ركزت من فوق قبرك نصايبك = جولك معازيبك بهاك المحلي
يا ضيف وش ظنك طعامك ومشربك = ومثواك يوم البعث ياضيف قلي
خاصم ضميرك قبل تكشف حقايبك= واحسب مواثيمك بسنتي وملي
الرب خلا فيك عقلٍ يخاطبك = ويبين الدرب النقي والمضلي
وبالعافيه والحس والسمع واهبك = وبالشوف وفوادٍ يعقد ويحلي
وقف تفكر والدلايل تحيط بك = غرايبٍ عن قدرة الله تدلي
عان السما محبوكةٍ فالبنا حبك = اللي بنور نجومها نستدلي
والشمس تكشف كل شيٍ بجانبك = والبدر في سود الليال متجلي
والارض هي اخر مراسي مراكبك = تعلاك وانت اليوم فوق متعلي
ان طعتني غير مناحي ركايبك = واتبع طريقٍ صاحبه ما يذلي

=بدر بن خرفـاش[/poem]

رد : ياعبدربه فوقك اللي يحاسبك
 

صح لسانك يا بدر


قصيدة راااااااااائعة ومفيدة وجزلة



لا هنت

رد : ياعبدربه فوقك اللي يحاسبك
 

[align=center][size=4][font=Courier New][color=#800080]بدر

شاعر متميز

بيض الله وجهك

قصيده جزله إستمتعت بقراءتها عدة مرات

صح لساااانك مليون

دمت بخير[/color][/font][/size][/align]

رد : ياعبدربه فوقك اللي يحاسبك
 

[color=#6600FF][align=center]

صح لسانك


قصيدة منتازة جدا



ما قصرت


[/align][/color]

رد : ياعبدربه فوقك اللي يحاسبك
 

[align=center]صح السانك يا بدر
وقصيدتٍ جزله وبيض الله وجهك[/align]

رد : ياعبدربه فوقك اللي يحاسبك
 

صح لسانك ..ولاهنت
جعلها في ميزان حسناتك

رد : ياعبدربه فوقك اللي يحاسبك
 

[color=#003366][align=center][font=Simplified Arabic][size=4]مرحبا مليووووووووون بشاعر المليووووووووووون

:


وصح لسانك وقلبك


وبيض الله وجهك والعتب على ذائقتي التي لم تمنحني شرف قراءة نصوصك الشامخه.[/size][/font][/align][/color]

رد : ياعبدربه فوقك اللي يحاسبك
 

[align=center]صح لسانك

وتمنياتي لك بالتوفيق في شاعر المليون [/align]

رد : ياعبدربه فوقك اللي يحاسبك
 

[align=center]صح لسان والله يوفقك[/align]

رد : ياعبدربه فوقك اللي يحاسبك
 

صح الله لسانك وبيض الله وجهك على القصيد اللي يبيض الوجه...