قصيدة ام لولدها وهي في دار المسنين
 

وين انت يا حمدان امـك تناديـك **** وراك ما تسمـع شكايـا وندايـا

يا مسندي قلبي على الدوم يطريـك*** ما غبت عن عيني وطيفك سمايـا

هذي ثلاث سنين والعيـن تبكيـك**** ما شفت زولك زاير يـا ضنايـا

تذكر حياتي يوم اشيلك واداريـك**** والاعبك دايـم وتمشـي ورايـا

ترقد على صوتي وحضني يدفيـك**** ما غيرك احدٍ ساكن فـي حشايـا

واليا مرضت اسهر بقربك واداريك ***ما ذوق طعم النوم صبح ومسايـا

ياما عطيتك من حنانـي وبعطيـك**** تكبر وتكبـر بالأمـل يـا منايـا

لكن خساره بعتني اليـوم وشفيـك ****واخلصت للزوجه وانا لي شقايـا

انا ادري انها قاسيـه مـا تخليـك**** قالت عجوزك مـا ابيهـا معايـا

خليتني وسط المصحه وانا ارجيك*** هذا جزا المعروف وهذا جزايـا

يـا ليتنـي خدامـة بيـن اياديـك ****من شان اشوفك كل يوم برضايـا

مشكور يا ولدي وتشكر مساعيـك*** وادعـي لـك الله دايـم بالهدايـا

حمدان يا حمـدان امـك توصيـك*** اخاف من تلحق تشوف الوصايـا

اوصيت دكتور المصحه بيعطيـك*** رسالتي واحروفهـا مـن بكايـا

وان مت لا تبخل علـي بدعاويـك*** واطلب لي الغفران وهذا رجايـا

وامطر تراب القبر بدموع عينيـك*** ما عـاد ينفعـك النـدم والنعايـا



[align=center]مـنـقوول ,,,,[/align]

رد : قصيدة ام لولدها وهي في دار المسنين
 

[color=#000000][font=Simplified Arabic][size=4]أعوذ بالله نسأل الله العافيه

شئ محزن فعلاً (الجنه تحت أقدام الامهات)

لاحول ولاقوة الابالله,,,,[/size][/font][/color]

رد : قصيدة ام لولدها وهي في دار المسنين
 

[align=center][size=4][color=#000000]لاحول ولاقوة إلا بالله

فعلااا قصيده مؤثره جداا

مشكور يالحر النداوي على النقل[/color][/size][/align]

رد : قصيدة ام لولدها وهي في دار المسنين
 

[color=#006600][size=4][align=center]اسأل الله العلي القدير ان يرزقنا بر والدينا

قصيدة مؤثرة جداً

شكراً اخي الحر النداوي[/align][/size][/color]

رد : قصيدة ام لولدها وهي في دار المسنين
 

تذكر حياتي يوم اشيلك واداريـك**** والاعبك دايـم وتمشـي ورايـا

يارب ترزقني البر بوالديني ياحي ياقيوم

مشكور اخي الحر النداوي

قصيده مؤثرة جدآآآآآآآآآآ