منتديات سبيع الغلباء - قصيدة في : دبيان بن معيض السبيعي

منتديات سبيع الغلباء (https://www.sobe3.com/vb/index.php)

- منتــــدى القصائـــــد المنقولــه (https://www.sobe3.com/vb/forumdisplay.php?f=53)

- - قصيدة في : دبيان بن معيض السبيعي (https://www.sobe3.com/vb/showthread.php?t=17738)

قصيدة في : دبيان بن معيض السبيعي

[B][align=center]هذي قصيدة في دبيان بن معيض السبيعي .........

كتبها الشاعر ( فالح بن محمد بن علوان العجمي )[/align] [/B]
[poem=font="Simplified Arabic,5,black,bold,normal" bkcolor="orange" bkimage="" border="double,9,blue" type=2 line=0 align=center use=ex num="0,black"]
ياحروف الشعر هاتي وطربيني = من بنات الفكر عالن مستواها
ابدع القيفان وجيب الثميني = ومن بحور الشعر شاعرها نقاها
نافدا اللي سابق بحلفه يميني = والعنوه طير شلوى ما نساها
رحب وهلا وحنا مقبليني = والحلايف قبل ترحيبه بداها
عادة دبيان نسل الطيبيني = يكرم الضيفان ويقلط عشاها
يوم جيت القرم كنه يحتريني = كثر الترحيب والحاجه قضاها
مطلبي منيح من صوبه يجيني = حاجتي وحده وبو بادي ثناها
والله ان عطيته ذرب اليميني = ماحدن قد مدها ولا عطاها
هو زعيم الجود وهو هيف السميني = والمراجل وقفت عنده مداها
فاز ابو بادي بها دنيا وديني = من رجال بالوفا يذكر نباها
من هل الغلبا عذاب المعتديني = تلطم اللي عال وتعز اقصراها
والثلاث اللي بها هم فايزيني = يشهد التاريخ بعلومٍ رواها
شامخ شغموم مطنوخ رزين = كاسب الطولات والعليا رقاها
في محله والنشاما حاضريني = من عصر والضو ماوقف سناها
والدلال ابها القروم موقفيني = وان ومرهم كلمته محدن عصاها
كلبيهم في المراجل والميني = يتبعون العود العود في دروبٍ مشاها
عند صفرٍٍٍٍٍٍٍ ما ابلشت وصف الذهيني = وكل صفرا سناد ابو بادي قناها
زين ذوده فارقٍ عن كل زيني = واذكر الله كلما عرض حداها
في المزاين عرضها يشقي القريني = لا ركب علوش وصياحه شعاها
طبعها يبهج عيون الناضريني = كلهن بنات هرشن ماشراها
وان ذكر علم الحيا علمٍ يقيني = السبيعي عاته يتبع هواها
وقيضها لا صرم العود الحسيني = قبلي الشملول والعرق يحدها
في هواها يرخي النوط الثميني = مايحسب للخساير من غلاها
ياحروف الشعر تمت واعذريني = استوت الابيات ماوفيت ثناها
تمت وصلوا علي الطه الاميني = عد ما بانت نجومٍ في سماها [/poem]

[B][align=center]وسلامتكم[/align][/B]