قصيدة بدر المليحي كتابه
 

[align=center]بسم الله الرحمن الرحيم ..

صرااااااحه ابدع ابو سعد اليوم وابهر اللجنه بقصايده الجزله والحماسيّه بذّات الأولى والي ناقش فيها احوال الأمّه بذكاء حيث دفن المعنى في بعض الأبيات متعمداً وصراحه بعمره ذا يعتبر اكبر معجزه

وقصيدتــه اللي اعجبتني واد واللي فاللبل ، صراحه على انّه اصغرهم الا انّه اطلقهم كلّهم بالتوصيف اللي مايجي الا من شايب

صراااااااحه ترفع الراااس يا بدر الله يجعك ذخر لسبيع وللشعر الحقيقي

واتمنّى من الأخوّه المشرفين او الأعضاء ان يأتون لنا في قصايده لهذا اليوم كتابيّـــه


تحياتي .[/align]

رد : طلب قصيدة بدر المليحي كتابه
 

قصيده جزله ورائعه جداااا وبصراحه ظلم فيها بدر كثيرا هي وقصيدة الأبل ...


ولقد قمت بتفريغها لكم هنا كتابه:


[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
مانعرف الغيب يدري عن الغيب العليم=في يديه كتاب علم الشقاوه والسعد
مالنا الا ماسمعنا من لسان الكليم=والنوايا يعلم بغيبها الفرد الصمد
التنبي صعب والود للقلب السليم=ومن تحزم بالوفا والصراحه مانشد
مايثمن كلمته لا هرج غير الحكيم=ولا تلد عيون عاقل لعين(ن) ماتلد
ولا يسامح زلة الجاهلين الا الحليم=ولا يجازي زلة العامدين الا الأسد
فالمنابر شعرنا مايضام الا يضيم=ولا يضيم الا قويا تهيمن واتحد
من نوانا نحتسيله بفارية الصميم=ضربة(ن) في القلب تهلك بها اعضاء الجسد
واهجا من ويل لامن بطشنا بالغريم=وريحة الفردوس لامن مدحنا من نود
ماشحنا من بصفر الفشق يملا البريم=ويش خانة شاعرن مايشد ليا قصد
ميزة الشاعر اليا ورد يروي اللي محيم=يدفن المعنى حرافه ويخفي ماقصد
يوم فكر ثم بجديد المورخ والقديم=من على المجهر بعين القريب المبتعد
وقفتني فكرتي فوق مدهال العديم=شاهقا لا مرها الغيم فك الملتبد
وقفة(ن) يجهل بها العقل ويشيب الفطيم=من قدمت الموت وان عدت عشت بلا رغد
وش يعذر منك ياشرهة عيون اليتيم=وش يعذر منك يادم شيخ مابرد
وش يعذر من عروس بكاها مستديم=وش يعذرمن ضرير لنجله مفتقد
دام تربطنا العروبه من الساس الكريم=ماتفرقنا الجوازات وحدود البلد
يا اخوان الصلب والنطق والشرع القويم=لو ترونا في سعاده ترانا في كبد
ماجهلنا اللي كشفتوه في الليل البهيم=شايفين ماتشوفون لاكنا نصد
جدد التاريخ ماضي سنينه يافهيم=واتعس المتعس بتمثيل دور المعتمد
بانت الرؤيا بعد ماصفا الجو المغيم=وانفضح خافي مسا السبت في صبح الأحد
داخل اسوار البساتين منزال(ن) حشيم=في عيون اللي ورا اسوارها عيشه نكد
ومن ورا الاسوار منهاج عيش المستقيم=في عيون اللي بزيف الملذه مضطهد
ولا تبين فرق نبت المساس من الوخيم=يتحسف من دخل ويتحسف من قعد
ولا ينوشون الحسايف خفايف سين جيم=استقرت في مقر(ن) قراره للأبد
فاعتبر ياطالب الرشد واضحك ياغشيم=في نهار البعث يدري بربه من جحد[/poem]



ارجوا التعديل فيها ان كان فيها خطا في التفريغ فقد اجتهدت في تفريغها والخطا وارد..


تحياتي لك والسلام عليكم...

رد : طلب قصيدة بدر المليحي كتابه
 

القصيدتين قمت بتفريغهن ايضا وارجوا التصحيح ان وجد خطا ....



وهذه قصيدة الولاء:


[poem= font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
هالأبيات تسوى مانظمته من الأشعار=ليا قلتها لو عقبها اظهر من الطابور
علشانها في دار حماية الأقطار=دروع العرب لامن حرب كل غاوي شور
ديار(ن) ماتحكم بانتخاباتها للدار=آل سعود هم حكامنا اللي علينا نور
سندنا سعدنا عزنا سيفنا البتار=لاشفنا من الوقت العرى والزرى والجور
لهم بيعة(ن) في ارقابنا ترهن الاعمار=على الموت نقلط في رضاهم بكل سرور
ولانا لهم وانا لهم في جهر واسرار=نفدي بروح(ن) مالنا عقبها مذخور[/poem]


وهذه قصيدة الأبل:



[poem= font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
انا عن جميع الناس يدويبي الهاجوس=مع الغاشيه في البل وافكر وارتبها
آيات ذكرها الله تنور كما الفانوس=بقود تميز زينها من مناسبها
طوال اللحي فج المناحر كبار الروس=ومتفهقات سنمها عن غواربها
يجي عقل راعيها على حبها ملموس=لو انه بعيد افكار عقله تقربها
على شوفها يستاسع الخاطر المعموس=عطايا الله اللي مدته مايشحبها
لحمها قرى وان قل مالك تجيب فلوس=وتنقل عليها والغذى من محالبها[/poem]


تحياتي للجميع...

رد : طلب قصيدة بدر المليحي كتابه
 

شاعر .. موهوب ..


أخجل الشعّار البقية ..


فالك البيرق ..

يــ ابن خرفاش

رد : طلب قصيدة بدر المليحي كتابه
 

[align=center]( النجم السبيعي and ابو عبد الله )

إبـــداع .. وتميّـــز .. وتفرّد .. وحصري دائماً

..
..
..


فبيّض الله وجهك ووالله انا نفتخر باللي مثلك يالذيب

تحياتي ولاهنت على إجابة الطلب .[/align]

رد : طلب قصيدة بدر المليحي كتابه
 

مايثمن كلمته لا هرج غير الحكيم *** ولا تلد عيون عاقل لعين(ن) ماتلد
ولا يسامح زلة الجاهلين الا الحليم *** ولا يجازي زلة العامدين الا الأسد

/
\
/
\

درر .. درر ماشاء الله عليك يا بدر

واهني نفسي وجميع قبيلة سبيع فيك وبقصيدك الجزل واللي يجمّـــل ويبيّض الوجه

رد : طلب قصيدة بدر المليحي كتابه
 

[align=center]ماشاء الله على قصيد الشاعر بدر

بحق قصائد أكثر من رائعه

سلمت يمين أخوي الناقل لهذة القصائد وماقصرتوا جميعاً[/align]

رد : طلب قصيدة بدر المليحي كتابه
 

[color=#000066][font=Simplified Arabic][size=4]يستاهل بدر

شاعر كبييييييييييير ورائع


ولاهنت يابوعبدالله

صفحتك على اليوتوب خير شاهد على محبتك للقبيلة وحميتك وإنتمائك الصادق.[/size][/font][/color]

رد : قصيدة بدر المليحي كتابه
 

[align=center]صح لسان بدر ولا هنت يا عقيد القوم



شاعر كبير يا بدر




الله يوفقك[/align]

رد : قصيدة بدر المليحي كتابه
 

ماشاء الله ماشاء الله

شاعر جزل ومبدع ندعوا الله تعالى ان يوفقه

يستاهل الدعم بدر بن خرفاش عزالله انه يبيض الوجه