منتديات سبيع الغلباء - سبيع رمز الجود من عصـر بـدران = الجود هـم ربعـه وهـم لـه مغنـا

[align=center][align=center][color=#0000CC][size=4][font=Simplified Arabic]
مزاين سبيع
للشاعر الكبير شبيب بن شاهر الصميلي السبيعي
في مزاين سبيع الغلباء 1428هـ[/color][/font][/size][poem=font="Simplified Arabic,6,black,normal,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
للشعر وقت وموقف وموقفـه حـان=الموقـف اللـي كنـه سيـفٍ يسنـا
قرب الوعد والحفل حطوا له اعـلانو=قامـن هواجيـس الضميـر يحدنـا
ماهيب لحيـة صـف قيفـان واوزان=تيامنـن فـي الـدرب والا اشملـنـا
يحتاج صبر بعير مع صهلة حصـان=ومشاعـرٍ حـيـه وقــافٍ يـرنـا
الشعر سبك وحبك وسلـوب واتقـان=ومعنـى وقـوة شاعـريـه وفـنـا
الفيلسوف يضيع في بعـض الاحيـان=لاكثـرت الافكـار ويــش يتبـنـا
مير ابشروا صخّرتها والصعـب لان=حضرت وبيـوت القصيـد حضرنـا
كسبت لي صفراً لها سـرج وعنـان=وانــا بــدون الطيـبـه ماتعـنـا
مانيـب متحيـر ولانـيـب بلـشـان=هاضـن بنـات الفكـر وسترسلـنـا
لااحتجتهن فـي صبـح والا مسيـان=عـد الـروى مـن منهلـه ينهلـنـا
اجيـب بيـتٍ لـه قواعـد وسيسـان=ماهـوب غصـنٍ لاثنيـتـه تثـنـى
ومن يذكر الخلاق ماهـوب خسـران=روابـطـه تـقـوى ولايضعـفـنـا
ذكـره يفتـح للطـواريـق بيـبـان=وكـل الامـور الكـايـده يسهلـنـا
يالله ياللـي تعلـم بسـر الانـسـان=تعلـم ولانعلـم عـن اللـي خفـنـا
ياباعث الاموات من وسـط الاكفـان=ياواحـدٍ ماخـاب بـك كـل ظـنـا
يارازق المخلوق مـن ويـن ماكـان=رزقك وعطفك جـل شانـك شملنـا
انت الـذي تعطـي ولا انتـه بمنـان=والا البـنـادم للعـطـايـا يـمـنـا
من عظمتك يسجد لك الانس والجـان=جـوارح المؤمـن لــك يسبحـنـا
ياذالجـلال اللـي يناجيـك ربحـان=نـفـوسٍ تناجـيـك مايخـسـرنـا
من يرفـع يدينـه لرحمتـك شفقـان=في رحمتـك وانـت الرحيـم يتهنـا
يامجـري الافـلاك ياعالـي الشـان=علـيـك يــارب العـبـاد اتكلـنـا
نسألك تجمعنـا علـى عـز وايمـان=وتغفـر خطايانـا وتحسـن عملـنـا
وتتوب عنا يـوم زوغـات الاذهـان=ياكبـر مكسبنـا ليـا تـبـت عـنـا
عسى لنا فـي جنـة الخلـد مسكـان=لاطويت الصفحات ثـم حـان اجلنـا
ندعيك باسمك وانت غفـار رحمـان=اقبـل دعـانـا يالـولـي لاابتهلـنـا
وانصر بنصرك ديننا خيـر الاديـان=هو عزنـا هـو خيرنـا هـو املنـا
الدين راس المـال والكفـر خـذلان=يــارب تحـمـانـا ولا تمتـحـنـا
حنـا علـى الملـه شبـابٍ وشيبـان=جباهنـا فـي طاعـتـك يسجـدنـا
نقيم من فضل الولي خمس الاركـان=عقيـدةٍ سمـحـه وفيـهـا ركـنـا
سنـه ومنهجنـا شريعـه وقــرآن=وحبالـنـا مــع ربـنـا ياصلـنـا
علـى خطـأ نبينـا نسـل عـدنـان=اقدامنـا عـلـى طريـقـه مشـنـا
صلوا عليه اعـداد همـال الامـزان=والحسنـه الوحـده عشـر يدبلـنـا
هذا كلام المصطفـى والهـدى بـان=للمسلمـيـن وللصحـيـح امتثلـنـا
الله يثبتنـا علـى فعـل الاحـسـان=ويعـز رايتـنـا ويحـمـى وطـنـا
الدين يامرنـا علـى حـب الاوطـان=وحنـا استوينـا للـغـلا واعتدلـنـا
حب الوطن موجود في كـل شريـان=واللي يخـون الـدار ماهـوب منـا
مالـه مكـانٍ بيننـا كــل خــوان=الخـايـن الـغـدار نبـدابـه انّــا
بلادنـا للخيـر والـعـز عـنـوان=رخـا وعـدل وشعبـهـا مرجهـنـا
ماهيب دولة جهل واحـزاب شيطـان=والحـرب فيهـا كـل يـومٍ تشـنـا
بلاد ديـن ومكرمـه وامـن وآمـان=الامـن سـاد بشامنـا مــع يمـنـا
المملكـه فـي عـز ماهيـب تنهـان=عنهـا اليديـن الطايـلـه يقصـرنـا
مثبـتـه عـلـى دعـايـم عـمـدان=وتنعـم بـظـل مزبنـيـن المجـنـا
في ظل عبدالله وفـي ظـل سلطـان=والشطـر هـذا للشواعـيـر سـنـا
قالوه قبلي مـن يصوغـون الالحـان=ومـع دربهـم مشاعـري هجرسنـا
حكامنـا غاليـن والشعـر بـرهـان=علـى غلاهـم يسـلـم ويستسـنـا
اصخر لهم مالاق من هيض الاشجان=لو مجدهـم عنـه البيـوت عجزنـا
يستاهلون المـدح فـي كـل ديـوان=الطيبـيـن فعـولـهـم يـذكـرنـا
وحنا لهـم وافيـن فـي كـل ميـدان=وليـا دعونـا حـزة الضيـق بـنـا
حنـا جنـودٍ للوطـن سـر واعـلان=على الـولاء باقيـن مـن يـوم كنـا
اقولهـا والصـدر ملـيـان ملـيـان=تـو المـخـازن تـوهـا مافضـنـا
هاجـوس فكـري للتماثيـل طربـان=انقاد تحت امـري وهجـرس وغنّـا
دخلت بحـرٍ فيـه لؤلـؤ ومرجـان=وسبحت وهجـوس الخيـال اسبحنـا
في محفلٍ يجمـع طويليـن الايمـان=كسابـة الـطـالات مـنـا ومـنـا
يامرحبا ترحيـب حشمـه وصفطـان=عد المـزون اللـي نشـن واردمنـا
واعدا نبت الـورد فـي كـل بستـان=واعداد خلـق الله مـن انـسٍ وجنـا
ومـالاح بـراقٍ ومامالـت اغصـان=ومـاطـارت طـيـورٍ وماغـردنـا
يامرحبا ترحيب مـن قلـب ولسـان=ترحيبةٍ تضفـي علـى مـن وصلنـا
ترحيب مايقصر عـن فـلان وفـلان=بالحاضريـن وبالجمـيـع احتفلـنـا
يامرحبـا علـى هـرافـا وقـعـدان=وكمبـوديٍ غالـي وفنـجـال بـنـا
كرمة كـرامٍ لالفـا الـدار ضيفـان=تقـوم فــي ماجوبـهـم ماتـونـا
سبيع رمز الجود من عصـر بـدران=الجود هـم ربعـه وهـم لـه مغنـا
في العسر كرمانٍ وفي الحرب شجعان=وبيوتهـم فــوق الطويـلـه تبـنـا
يالجالها اللي من عنا الوقـت حيـران=ويـديـه مــن مداتـهـم يمتلـنـا
وقصيرهم مايشتكـي هـم واحـزان=يمسـي ويصبـح دالٍــه مطمئـنـا
وان حدتـه دورات الايـام وانــدان=شيماتنـا عــن طـردتـه يمنعـنـا
وأقرب مثل واحد مـن الآد عـزوان=اللـي علومـه بالـوفـاء سجلـنـا
جهر بفعل الطيب في قصـر سلمـان=قـال اطلـقـوه وبـالألـه استعـنـا
ماهوب يرجي مال لو عاش عريـان=يرجـي ثـواب اللـي بعفـوه يمنـا
ورفيقنـا لاحطـه الوقـت نيـشـان=اللـي يغبنـه فـي الحـيـاه يغبـنـا
حنا بنـي عمـه وحنـا لـه اعـوان=نأقـف معـه ليـن الامـور يهـدنـا
ودليلـهـا ميقافـنـا دون فـيـحـان=زحنا الهمـوم اللـي عليـه حضبنـا
هذا نمـوذج حـي فـي وقتنـا الآن=والا وش اعـدد مـن اللـي مضنـا
ماقـول قـولٍ ماتـكـون ولاكــان=الصدق بيـت وفـي ركونـه سكنـا
فعولـنـا ماهـيـب زورٍ وبهـتـان=حقـايـقٍ تـعـرف ولا يجـحـدنـا
وامجادنا لهـا وراء الجـدي مزبـان=فـوق النجـوم المرقبـات صعـدنـا
ننظـر بعيـد ولانناظـر بحـقـران=ونرقى علـى روس القمـم مانزلنـا
والطيـب مانجـزاه سيـه وجحـدان=واللـي يـغـره طيبـنـا ماشحـنـا
حنا هـل الطـالات وافيـن الافنـان=مـن صكتـه غبـر الليالـي زبـنـا
لامنه جاء خايف ومرهـق وجيعـان=يلقى الامـان ونشبعـه مـن صحنـا
وان شانت ظروف الدهر واللغى شان=مانتـقـي ولـيـا نويـنـا صملـنـا
ننطـح وجيـه القـوم لاثـار دخـان=وليـا ارتكيـنـا للثقـيـلات شلـنـا
مثل الجمال اللـي بلاقيـد وارسـان=ماهوب يرغي فـي الشدايـد جملنـا
مروية خضر النمش وادهـم الـزان=لياركبـنـا كــل قـبــاً تـعـنـا
ميزاننـا يـرجـح عـلـى مـيـزان=لاقامـت طبـول الحـرايـب تـدنـا
يوم الحرايب نشبع الذيـب سرحـان=كـم راس مصطـورٍ لحبـه طحنـا
مابيـن فريـسٍ ومابـيـن شيـخـانعليهـم خشـوف الـعـذارى بكـنـا
قـد قالهـا قدامـي ابـن جـعـوان=كم مـن هنـوفٍ مـن سببنـا تونـا
عشيرهـا مـن فعلنـا راح همـوان=مـن فوقـه سبـاع الخـلا يقنبـنـا
حنا نقص الروس من فـوق الامتـان=وسيوفنـا بالـدم الاحـمـر تحـنـا
ليـا رضينـا جنـةٍ مالهـا اثـمـان=وجهنـم اللـي تنـذكـر لازعلـنـا
والله لـو وقفاتنـا مـاهـي سـمـان=كـان السبـاع الجايعـه قـد كلـنـا
وقفاتنـا يشوفـهـا كــل عمـيـان=حنـا هـل الـردات والعشـر حنـا
وشيوخنا بالشلـف تفتـك الاضعـان=ومتونهـم مــن دونـنـا يدحمـنـا
في رايهم من طيبهـم نذعـن اذعـان=حنـا سيـوفٍ فـي اللقـاء يـاردنـا
وحنا عيال العود قيـس بـن عيـلان=بين العرب نعرف ولا احـدن جهلنـا
وحنـا هنـا جينـا قبايـل وسلـفـان=نشـجـع ونذكرتـواريـخ اهـلـنـا
في مهرجـانٍ شافتـه كـل الاعيـان=عبـر القنـاه عـروضـه يشاهـدنـا
مزاينٍ يشمـل علـى كـل الالـوان=وراياتنـا مــن فـوقـه يرفرفـنـا
من قام به لـه شكـر منـا وعرفـان=مساعـي كـرام اللحـى يشكـرنـا
البـل ورثناهـا مـواريـث جــدان=فـي شفهـا ننـزل معهـا رحلـنـا
حنا هل البل مـن قديمـات الازمـان=يدينـنـا مــن جلـهـا ماخـلـنـا
تلاد يوم البـل طمـع كـل طمعـان=ماهيـب مجلوبـه علـى ظهـر دنـا
من رنيه الفيحـاء ليـا جـو ساقـان=ذيدانـنـا فــي ضفـنـا يرتعـنـا
وان بكـر الوسمـي ومرباعهـا زان=سقنا علـى الجـو المطـرف ضعنـا
تأمن بنـأ يـوم المغـازي والاكـوان=كـم خايـعٍ فـي مرتـعـه ربعـنـا
هذا قبل يـوم اكثـر النـاس عـدوان=واليوم مـع بـاب الحكومـه دخلنـا
نعيش في امن اوطان مع صحة ابدان=والحمـد لله جـت عـلـى ماتمـنـا
وكل القبايل تـروي السيـف شامـان=عـن كاسبيـن الطايـلـه ماغفلـنـا
قبايـلٍ لهـم مـن المـجـد بنـيـان=وفعولهـم بـيـن الـمـلأ يعرفـنـا
معهم لنا اصحاب وعوانـي وجيـران=وجسورنـا علـى الـوفـاء يثبتـنـا
تم الكلام وكـان جـاء فيـه نقصـان=حنـا بشـر لـو نجتهـد ماكملـنـا [/poem][/align][/align]