منتديات سبيع الغلباء - {مطلوب } ياضلع للشاعر خالد بن مدعث الدوسري

[align=center][poem= font="Times New Roman,5,darkred,bold,normal" bkcolor="transparent" bkimage="" border="ridge,7,darkred" type=2 line=0 align=center use=ex num="0,black"]
يا ضلع جعل الغيث يسقيك نوه = من مزنةٍ غرا مطرها رهاواه

ضلعٍ اذا زاد الدهر زاد قوه = ما جاه من طول الليالي رخاواه

ضلعٍ اذا سقت القدم في علوه = جلست لي في مجلسٍ له طراواه

عقب البطى شوفة فياضه وجوه = يبعد عن القلب الشقي الشقاواه

بيني وبينه خوةٍ وأي خوه =خوة قسا ماهي بخوة فضاواه

أليا انزعجت من الزمان المشوه = لقيت في عالي نباه الهداواه

وان بار في الرفقه قليل المروه = في قمته شفت الوفا والحفاواه

صديت به يوم الدهر زاد سوه = وعن عالمه قطع العلاقه نجاواه

ناس على الهفوات فيهم جروه = تركض لجمع المال ركض الفلاواه

نظراتهم للمال كثره وشوه = الـمال مقياس الــغلا والعــداواه

رجـلٍ بليا مال كل عـدوه = وراعي الكنوز الطايله في النباواه

والمال كم شيّخ من الناس بوه = لو كان ما يسوى من القدر ماواه

والقل كم لوى مذارع فتوه = هو من هلا الردات وأهل الصخاواه

يضحك على الطيب ردي الربوه =طيور شلوا بيدتها الصعاواه

من الحسد قام يحذف ويتفوه =وبيته لصلفات الهبايب مفاواه

ناس مشو على الطريق المشوه = صلى بهم من لا يعرف التلاواه

ممشى الفتى في خايعٍ سال توه =قفر عليه من الحباري حراواه

يبعد عن الأنذال ويشب ضوه = ويحط منزاله براس العلاواه

يبرد بها صدره ويرفع سموه = ويشوف للدنيا طراه وحلاواه[/poem]

[color=#000066][font=Times New Roman][size=4][B]كلمات الشاعر خالد مدعث الدوسري[/B][/size][/font][/color][/align]