فراج ابو لسان( البيرق سعودي سبيعي )
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
للعز يا راس السطر للعز يا القلب الجسور=يا اللي مشاعرك اخلفت كل الرجال اشعورها
احدً حذف بعمامته شايش و احد صابه دبور=كبدٍ اتبردها و بعض اكبود زدت احرورها
زدها و زدها و الفخر فيك انت يا الراس الفخور=تنشب ( امرقصت الجمل ) كلماتها في زورها
اعبر و لا تنشد و عقبك من يفكر بالعبور=اما يعوٌد منهزم و الا يزايم قورها
كانه يزايم قورها خسران لو انه صبور=الناس تحريك الجبل ما هوب في مقدورها
الاوله راعت و الاخرى وقعت بين النحور=يا صغر بقعا يا مقيٌس برها و بحورها
ناقه و شبت نار تحرق و اوقدت فالليل نور=وشلون باقى الذود لو تظهر و تاخذ دورها
و الله ما ونس اشعور و لا قدر يجرح اشعور=الا مواقيف الرجال اللي تشعشع نورها
و اللي معه وجهة نظر و اللي معه فالراس شور=يشوف له شغله تناسب و يتقمص دورها
الشعر دكتوره هنااااا و اسمه على الصخر امحفور=اسمً به الاخيار تنطح به وجيه اشرورها
قدرك على الهامات يا ناصر و في وسط الصدور=قدرً مع الاحياء يعيش و تاخذه لقبورها
و اهل ( الصنوبر و الزبيب ) اتغور و الهبوه اتغور=ما انا بحاجه لا صنوبرها و لا صنبورها
حنا هل التوحيد و رجال الادب عبر العصور=لو ما تزاورنا كبيرات المهام انزورها
اي و الله اسعودي و له سطوه و له هيبة حضور=شاعر مضر و امضى سلايلها و نمر انمورها
و البيرق اللي عاد ماء قدره عى ضوه يفور=حقيقته لو نلغي التصويت تفضح زورها
يقول ما لي غير ناصر يا طويلين الشبور=لو ان عشاقي عليه بيحت مذخورها
لكن يوم الوضع عوٌد دعم و الوضع امحصور=ما حك جلدك يا لبيب العقل غير اظفورها
حنا ادروعك يا ولد فارس على كل الامور=شيباننا قدام لا تاصلك جتك ابزورها
الله يجملنا معك و يجملك في كل دور= و الله يعز المملكه و يعز حامي سورها

فراج ابو لسان=[/poem]

رد : فراج ابو لسان( البيرق سعودي سبيعي )
 

[B][size=4][align=center]أخي الكريم الشاعر / فراج أبو لسان السلام عليكم ورحمة الله وبركاته وبعد : صح لسانك وسلم نبضك وبنانك على هذه القصيدة الجزلة في شاعر الوطن والثقلين / ناصر بن محمد بن فارس الفراعنة والجزل ما يأتي منه إلا الجزل والبيرق سعودي سبيعي إن شاء الله مع أطيب الأمنيات واسلم وسلم والسلام .[/align][/size][/B]

رد : فراج ابو لسان( البيرق سعودي سبيعي )
 

[align=center]اخوي فراج صح لسانك وبيض الله وجهك

وبو فارس يستاهل كل خير والبيرق

انشا الله سعودي [/align]

رد : فراج ابو لسان( البيرق سعودي سبيعي )
 

[align=center]صح لسانك يافراج[/align]

رد : فراج ابو لسان( البيرق سعودي سبيعي )
 

[B][size=4][color=#000000][align=center]الشاعر فراج ابو لسان

صح لسانك

وبيض الله وجهك[/align][/color][/size][/B]

رد : فراج ابو لسان( البيرق سعودي سبيعي )
 

[B][align=center][size=4]حنا هل التوحيد و رجال الادب عبر العصور
لو ما تزاورنا كبيرات المهام انزورها
اي و الله اسعودي و له سطوه و له هيبة حضور
شاعر مضر و امضى سلايلها و نمر انمورها


الشاعر فراج ابو لسان

صح لسانك

وبيض الله وجهك[/size][/align][/B]

رد : فراج ابو لسان( البيرق سعودي سبيعي )
 

[align=center]الشاعر فراج ابو لسان

صح لسانك

وبيض الله وجهك

وكثر الله امثالك

ولارفيق إلا في الحاجه

والسعه كلا فيها رفيق[/align]