من سبيع
 

[I]هذه القصيدة قديمة ولها مناسبة ومناسبتها حول العمل[/I]

[poet font="Simplified Arabic,5,black,bold,normal" bkcolor="transparent" bkimage="backgrounds/13.gif" border="double,5,gray" type=2 line=200% align=center use=ex length=0 char="" num="0,black" filter=""]
القرادة في مقرد عباد الله = والمقرد دايم الدوم ويّاها
علةٍ مامثلها فالعلل عله = ألأطبّا مايعرفون لدواها
وجيت معها كني الخل مع خله = وصرت ماعاد اقدر اصبر بليّاها
راكب اللي لامشى عزمه ايشله = جيب تزهاه الوصايف ويزها
لاأعجب السواق ممشاه ثم تله = يلحق أهل المقفية ويتعداها
فوقه اللي يبخص الدرب ويدله = مايهاب من الليالي ومسراهـا
ينحر اللي من بغاء العز يرسل له = والمعزة كل من جاه يلـقاها
نادرٍ سجل له النعم فاسجلّه = وهيبة النادر هل العرف تدراها
ابو نايف جعل من ذمه افداًله = من يذم أهل الوفاء جعله افداها
يارسولي قبل ماتـشـرب الدله = خذ رسالة مرسلك وعطه اياها
واعتبر كل العراقيل منفله = عادها في زرفها قبل يقراها
وخابره لامن خذا الخط ثم فله = ثم تمعّن في حروفه ومعناها
قال ماتحتاج شكواك ذاكله = وبت في موضوع شكواي وانهاهـا
ياالمطيري في عظام الجمل خله = ثلث حملته امس ماعاد ودّاها
وانت ياصلال حمله تحمل لـه = وترتكي لإثـقـل حمولة وتقواها
صاحبك لـه لازمٍ ماتسهل لـه = جاء يبيه او حاجته ذيك خلاّها
و شاف ما اعقد لازمه ذا بمنحله = وعاد زعلانٍ يبي ذيك فأخطاها0
حافنا اللي ماعرف قلبه الذله = من سبيع اموسعة صدر من جاها
مع ظفرهم والكرم قِلة الزلـه = والتسامح ميزةٍ من مزاياها
ومن مطوعة العدو بأحدب السلة = العلوم الطيبات انتحراها
حافنا حوّافهم طيب المِله = يابونايف والغيب راح باسماهـا
والأمير امعزبه وانت جارٍلـه = ورئيس الفرقة وقايد سراياهـا
شف لسامي جابها لك تعين له= حظي اللي حط ابو زيد ملفاها
الوفاء ومزارق الطيب طبعٍ لـه = وعين جوده تـنـهل الناس من ماها
والله انه صدق مانيب اجامل لـه = الفعول شهود والدين زكاها
[/poet]

رد : من سبيع
 

صراحة قصيدة ممتازة بس ليتك تنسقها


سجلني من المعجبين بك يالواسم

رد : من سبيع
 

[COLOR=firebrick]صح لسانك يالواسم

وقصيده رائعه فعلا وممتازه جدا على قوله مشعاب

واسمحلي على التنسيق بعد طلب اخونا مشعاب

عساه يجوزلك

تحياتي لك

ابن شطيط[/COLOR]

شكر وعرفان
 

اخي مشعاب واخي ابن شطيط 0 السلام عليكم ورحمة الله وبركاته وبعد
اشكركم كل الشكر على آراءكم اللي مانستغني عنها

عزيزي ابن شطيط إذا عدلت في القصيدة أو نسقتهاتكون كسبت في معروف كبير وهذ اللي آتمناه ويهمني اشوفه بإسرع وقت

وأعود وأكرر لكم جزيل الشكر
اخوكم الواسم

رد : من سبيع
 

أخواني الاعزاء


أسف على سوء الاخراج للقصيدة ماعندي خاصية الالوان والتنسيق

رجاء واحد يصلح ولا تهونون .

رد : من سبيع
 

ابو عبد الله

حطها في موضوع مستقل
وابشر بالتنسيق

اخوك

ابن شطيط

رد : من سبيع
 

صح السانك ياابو عبد الله وبيض الله وجهك على هذه القصيدة الأكثر من رائعة ولاهي غريبة منك ونطلب المزيد والمزيد والمزيدوووووو000000
تقبل فائق احترامي وتقديري / اخوك الواسم

رد : من سبيع
 

[size=4][align=center]
صح السانك ياالواسم على القصيده الجزله وبيض الله وجهك

وتسلم يمينك والله لايهينك

تحيااااتي [/align][/size]

رد : من سبيع
 

أخوي أبو / نواف

أولآ : صح لسانك على القصيدة السبابقه

ثانيا : أعتذر منك شديد الاعتذار عن إضافتي الغير مقصودة
لانني قريت الصفحة الشعر الشعبي وفكرت انها صفحة موضوع حديد
ولا كشفت الخطا الا من أخي ابن شطيط

ثالثا :أمل من مشرف الشعر النبطي حذف الموضوع الخاطي

رابعا : ودنا نشوفك في أحدا المحاورات المباشرة جهز نفسك


ولك خالص التحيات .

أخوك / مفرح

رد : من سبيع
 

الواسم


لاهنت على القصيده الرائعه وصح لسانك ملاييييييييييييييييييين بالفعل قصيده جزله ومن شاعر جزل نتمنى ان تتحفنا بالمزيد من قصائدك الجزله .





اخوك البدر