لا واهنـي الـي رصيـده ملاييـن
 

لا واهنـي الـي رصيـده iiملاييـن وامضاه فـي راس القلـم iiيقبلونـه
وبواخـره تمشـي بكـل iiالبلاديـن ومصادره من كـل شكـلٍ iiنمونـه
وعنده عيالٍ صالحيـن iiورشيديـن لا غـاب والدهـم هـم يمثلـونـه
بيته يعانـق شاهقـات iiالضلاعيـن تلقى الحمام مبيـضٍ فـي iiركونـه
وديوانه اكبـر مابنـى iiبالدواويـن مفتـوحٍ واجـواد العـرب iiيدلونـه
فيه الخـدم متكامليـن iiومطيعيـن من جـاء لهالديـوان iiبيباشرونـه
ولا صارت الريضان مثل iiالبساتيـن ماطـاب مـن ريضانهـا iiينزلونـه
تلقى الخزامـا والنفـل iiوالرياحيـن تطرب له الورقه وتزعـج iiفنونـه
مع لابةٍ تنطـح وجيـه iiالشياطيـن عـزٍ لهـم وهـم يتفـادون دونـه
هذي الحياة الي لها الناس iiشفقيـن من غر منها يـا حيـاة iiالمهونـه
اشوى من الي ياخذ الديـن iiبالديـن وطّلابتـه راس الشهـر iiيبلشونـه
ومع الفقر عنده بـزور iiونساويـن يبـون حاجتـهـم ولا iiيعـذرونـه
يقضي معاشه مامضى الشهر يومين الفقـر شيبّـه وشيـب iiعيـونـه
عايش ولكن عيشة الفقر iiمسكيـن كنّه مصخن وهـو مابـه صخونـه
يـا الله ياقابـل صـلاة iiالمصليـن انـك تقـوم بعوننـا ثـم iiعـونـه



الشـاعـر سليـمـان الهـويـدي

رد : لا واهنـي الـي رصيـده ملاييـن
 

صح السانك

قصيده جزله

رد : لا واهنـي الـي رصيـده ملاييـن
 

بسم الله الرحمن الرحيم
السلام عليكم ورحمة الله وبركاته

مشكور ا اخوي الحمراني اختيار موفق
وقصيدة طيبة من وجه طيب

رد : لا واهنـي الـي رصيـده ملاييـن
 

صح لسان الشاعر
وسلمت يمين الكاتب

لاهنت

رد : لا واهنـي الـي رصيـده ملاييـن
 

كذالك هذه القصيدة أعجبتني