ابكتب من شعوري
 

مساكم الله بالخير

هذي متواضعه حبيت اكتبها في المنتدى وان شاء الله ترضيكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابكتب من شعوري وانتظامه=شعورن لا ثناء ولا ملامه
شعورن شع من خفاق شاعر=شعاع البدر لا نور ظلامه
يهز الهزل والزلات هزه=ويفصل بين فصله والتئامه
ويسيل سيل فكري لين سده=ويزيد مد سده من غمامه
ابحيي من مسيله قلب ميت=واطفّي نار جوفي مع حطامه
والا يا وجد كبدي وجد من له=رضيع ضاع ما كمل فطامه
تشوف العين ف الضلعين شوفه=اجا وسلمى تساون مع تهامه
وعبدن في محل الحر راوح=وعلجن دك في خفاق هامه
واشوف الذيب يصبح ابن آوى=ويمسي مثل ابو زيدن سلامه
واسودن ما تسود الا للبوه=وشيخن ما يكرم في مقامه
واشوف الحر فوق الضلع حايم=حباري الصيد ذلت من حيامه
وقرمن في الشدايد عِرف اسمه=وكلن علق اسمه له وسامه
واشوف الحلم زينة كل عاقل=ولازين لا جمع حلم وقرامه
وانا منطوق شعري ما تعلم=يزيد المدح ف اصحاب الفخامه
ولا اكتب في خيال الشوف جمله=وانا اجهل في وجوده وانعدامه
وانا بدعت الشعْر ومن خيالي=هيامي في قصيدي من هيامه
على ماظن خيالي ظل علمي=وعلمي من خيالي له علامه
ولابه ف التوجد غير فكة=سجين الدمع لا دور مرامه
وهذي العين تبكي من سكنها=على ذا الحال حالي حال عامه
وانا لا ضاق صدري قمت اغني=بحق الحب سيري يا حمامه
الين الدوح هاجر كل سربه=ولا به غير ليلن ما انامه
وعلى ذكر الفؤاد وما يلمه=ذكرت العمر وان قرب ختامه
الا يالله يسر لي في ليلي=وبدلني من الشكوى لقيامه
ووجهني على زين القصايد=وعرفني حلاله من حرامه
وترحمني اذا قالوا توفى=ويسر لي حسابي ف القيامه[/poem]

رد : ابكتب من شعوري
 

[align=center]صح لسانك و نبضك


قصيدة رائعة لا هنت



ولا تحرمنا من جديدك[/align]

رد : ابكتب من شعوري
 

صح بدنك يبو عمر وابيض وجه

رد : ابكتب من شعوري
 

[align=center][size=5][font=Simplified Arabic]صح لسانك
مشكوووووور على القصيدة الجزله[/font][/size][/align]

رد : ابكتب من شعوري
 

صح بدنك والعفو يالعاشق انت الجزل

رد : ابكتب من شعوري
 

[color=#0000FF][size=7]الأخ ناصر الملحي صح لسانك على هذه القصيدة الجميلة [/size][/color]

رد : ابكتب من شعوري
 

[poem=font="Times New Roman,6,darkblue,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
و أنا لاضاق صدري قمت أغني = بحق الحب سيري يا حمامه[/poem]

بيض الله وجهك

رد : ابكتب من شعوري
 

ابو سعود99 صح بدنك والله لا يهينك

مقعد بن دسم ابيض وجه وطول الله عمرك على طاعته

رد : ابكتب من شعوري
 

وانا منطوق شعري مـا تعلـم
يزيد المدح ف اصحاب الفخامه
ولا اكتب في خيال الشوف جمله
وانا اجهل في وجوده وانعدامه





ناصر الله يبيض وجهك وصح لسانك وعلا شانك

جزله من شاعر جزل

رد : ابكتب من شعوري
 

صح بدنك يبو محمد انت الجزل وما عليك زود