منتديات سبيع الغلباء - ضيـدان خـذ مـنـي نصيـحـه بـريـره

هذا ما قال الشاعر: محمد بن زيد الفغم عندما ذهب إبنه ضيدان للدراسه في الخارج

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
ضيـدان خـذ مـنـي نصيـحـه بـريـره = عليك بالتقـوى عسـى الـرب يهديـك
عليـك بالتـقـوى وحـسـن المسـيـره = وبالـك تعـرض شـي ماهـوب يعنيـك
الـنــاس متـخـلـي صـغـيـر وكـبـيـره = لــو تتخـلـي الـنـاس مـاهـي تخلـيـك
بـالــك تـرافــق للـوجـيـه الـشـريـره = عليـك بالطيـب تـرى الـحـي يحيـيـك
وليا جهلت الرجل فانظر في عشيـره = ترى الرجـال أشكال مانـي موصيـك
رفقـتـك للـطـيـب تـزيــدك بـصـيـره = ورفقـتـك للـخـايـب تـراهــا تـردّيــك
يالله عـسـى بـالأمـر يـابـوك خـيــره = عساك ترفع راس مـن كـان يرجيـك
العـلـم طــول لـــه ايـديـنـا قـصـيـره = الله عـلــى درب الـهـدايـه يمـشـيـك
يالله يـاعـالــم بــخــاف الـســريــرة = ياخـيـرٍ مـاخـاب مــن يلتـجـي فـيــك
تـاقـاه مــن كــل الامــور الخـطـيـره = يـارب لاتخـيّـب رجــا مــن يناجـيـك
الله مـــن قــلــبٍ هـمـومــه كـثـيــرة = لاراح هـــذا قـــال هـــذاك بـاجـيــك
يقولـه اللـي شــاف مـاشـاف غـيـره = شاخت على الأجواد اعيال الصعاليك
شــي مـضـى مــاودك إنــك تـثـيـره = لاشـك أشـوف المـوت ربـي يعافيـك
وسلـم وتسلـم لـي عضـودك ذخيـره = لوغبـت بغيابـك تـرى الـكـل يكفـيـك
من الهـم لـو هـو كبـر حبـة إشعيـره = لاتنقـلـه جـعـل البـقـاء فيـهـم وفـيـك
[/poem]