قصيدة بن دليقم في الرد على المسردي
 

هذي قصيدة لشاعر/ ناصر بن منصور بن ناصر بن دليقم السودة السبيعي
في رد له على المسردي
اترككم مع القصيدة
.
.
[poem=font="Simplified Arabic,4,black,bold,normal" bkcolor="transparent" bkimage="" border="double,6,orange" type=0 line=0 align=center use=ex num="0,black"]
أول كلامي ذكر وال الشان= اللي رفع سبع ٍ بلا عمدان
الواحد المعبود جلا شانه= منزل الإنجيل والقرآن
هو الإله ولا إله ٍ غيره= رب السماء والأرض والأوطان
سبحان من له يسجدون عباده= ما يسجدون لزمرة الأوثان
عساه يهدينا ويرضى عنا= في ساعة ٍ كل ٍ بها عريان
وعسى لساني ما يقول الزله= ولا يحاسبني بها الرحمن
شاعر ولي فالعلم رأي ونظره= وأحط قول الصدق في حسبان
وأرم الهدف وأحقق الأصابه= لا ضاع رمي مدحرج الأعيان
ولو هاضني بعض القصيد وغاضني= ما اضيع اسلومي مثل كوبان
بعض الجواب اللي يقوله عايض= ملزوم أرد ابداله ويندان
لو الحكى يا المسردي مع مثلك= يمل منه العاقل الطنيان
وقول الجواب اللي بليا فايده= ما هوب يقنع خاطر الفنان
مبداك مبدى شاعر ٍ له وقفه= وتنقض جوابك في عشر ثوان
قلت اللسان حصان لا عنيته= طاعك على دربك وهو مصان
وفي لحظة ٍ فكيت قيد لسانك= حبله على الغارب بدون عنان
وهاذي ترى تعناك ما تعناني= واراهنك واخذ عليك رهان
حنا سبيع الجود لطامة العداء= ما تعرف السبعان يا ظبيان
إن كان بن هادي نزل في صبحا= حنا من الوديان لا بن بان
ومن الحفر ورماح والرمحيه= ومن جو ساقان ٍ اليا الصمان
دار ٍ بني عامر تواسوا فيها= ما ساقوا الطبخه على راكان
سطر لنا التاريخ في نجد منزله= يا منك من جاش ٍ اليا سنحان
ولا قام كل ٍ يفتخر في ربعه= لي الفخر في سيرة السبعان
سبيع ٍ الغلبا سلايل عامر= وعين المعادي وسطها عيدان
افخر بطيبهم وأعد فعوله= يوم الفعول وحزة الأكوان
أبذكر الفارس وأبين فعله= ما أقول لي قول ٍ بلا ثبتان
أسخر بيوتي وأثبت قولي= ما ني بسويها مثل هذبان
جدي عسم في هية المسارده= افتكها من سربة اقحطان
افتك ذوده لين بين فعله= والفعل مثبوت ٍ على البرهان
افتكها بالرمح وام رقيبه= لين أصبحت وقف ٍ على الحيران
خيال واحد ينطح الملمومه= مسارده وقفوا كما الغزلان
أفخر بجداني واعد فعولهم= على ظهور الخيل في الميدان
امثال بن دليقم راع الخطه= يوم الدلي توخذ على الذرعان
قد خط له خطه ولا حد ٍ جاها= على ثلاثينً من الشجعان
خط بجفير السيف قدم وجيهم= بين الحقون وبين خشم اذقان
واللي تعدى خطتهه حول به= خلى علايق محزمه قطعان
ويوم العريف انشد وتلقى علمي= والصدق ما يغطه الجحدان[/poem]

رد : قصيدة بن دليقم في يرد على المسردي
 

[B][size=4][align=center]أخي الكريم / سبيعي من الهضوب السلام عليكم ورحمة الله وبركاته وبعد : صح لسان الشاعر / ناصر بن منصور بن ناصر بن دليقم السودة السبيعي وسلم نبضه وبنانه وإعتلا شانه وسبيع الغلباء وقحطان غلابة ما يلحقهم الشك من كلام الجهيل مثل المسردي الله يهديه ويرده إلى الحق ردا جميلا وقد أدخل بعض الرواة بيوت الجزية على قصيدة الغوج بين ابن هادي والشريف سلطان وأي راوية أو شاعر يعرف أنها منتحلة حديثا ولا تقوم بمثلها حجة وقد أنكرها رواة الأشراف ورواة سبيع الغلباء والكذب ما يهفي للأجواد ميزان والله يعافيك ويبارك فيك ويجزاك خيرا مع أطيب الأمنيات واسلم وسلم والسلام . [/align][/size][/B]

رد : قصيدة بن دليقم في الرد على المسردي
 

[color=#6600FF][size=5][align=center]
صح لسان بن دليقم


والله وألف نعم بك وبجدك


و سبيع معروفة خل عنك هروج عايض الفسقان
[/align][/size][/color]

رد : قصيدة بن دليقم في الرد على المسردي
 

[size=7]الاخ سبيعي من الهضوب

شكرا لك على نقل القصيده

وصح لسان قائلها ناصر ابن دليقم[/size]

رد : قصيدة بن دليقم في الرد على المسردي
 

[color=#0000FF][size=6]الأخ سبيعي من الهضوب بيض الله وجهك على نقل القصيدة وصح لسان الشاعر ناصر بن منصور السويدي السبيعي على نظمها وسبيع معروفة بفعلها وكذلك قحطان قبيلة عزيزة وكريمة ولا نهظم حقهم ولايستطيع عايض المسردي أن يوقع بيننا وبينهم لأن الفعول الطبية بيننا وبينهم من قديم تشهد لنا ولهم بالطيب[/size][/color]

رد : قصيدة بن دليقم في الرد على المسردي
 

[align=center]صح لسان الشاعر الكبير ناصر بن منصور بن ناصر بن دليقم السودة السبيعي


ونطلب منك اخي سبيعي من الهضوب نشرها كاملة .



وقبيلة قحطان عزيزة وانما المقصود بالرد المسمى عائض المسردي فقط [/align]

رد : قصيدة بن دليقم في الرد على المسردي
 

انا باسال الحين يوم المسردي يقول اتاوه شلون يستلمونها وهم في ماوراء الجبال محتمين بعد ان كانوا في نجد

رد : قصيدة بن دليقم في الرد على المسردي
 

[poem= font="Simplified Arabic,4,black,normal,normal" bkcolor="transparent" bkimage="" border="double,4,orange" type=0 line=0 align=center use=ex num="0,black"]
جايد قلع عشر ٍ بيوم ٍ واحد= وفي جنيح ٍ منكم قلع ريشان
وفي معركة بتران شالح حاضر= عينت ابن لغده وابن ريحان
ومحمد بن عمير وانشد عنا= ما فتكهم شالح وابن عروان
وثلاثة الفرسان لا ذكرتهم= ذولاك في وجهك يا بو وجهان
والمنع بين الناس سلم ٍ دارج= يومك على سلمك وسيع ابطان
وفيحان يا عايض اليا طريته= هاذي عوايد لقوت الصبيان
ما فيه نكره لا ذبحتوا فارس= يخوض فيكم كنه السكران
ناداه زيد ٍ بالعهد والذمه= والله يخون اللي بعهده خان
ظلمت نفسك يا ردي المنهج= في سالفة فيحان بن فيحان
فيحان يا منك تقوله يا الردي= فوجيهكم منيع يا كذبان
والله درى عن ذبحته من بينكم= يا شين والله ذبحة الامان
سلم العرب يا من اليا ومنته= حتى بعرف المذهب العلمان
وصارت عليكم ذبحته عقوبه= بعده وسمناكم على الحجان
ثاره يعومه مير منت بتدري= كافينك اللي دمهم هموان[/poem]
معذرة
اخواني على عدم نشرها كاملة
كونه لم اعلم انها لم تنشر كاملة
الى بعد تنبية الاخ الفاضل/ ابو عمر بارك الله فيه وله مني الشكر
وقد اعت القصيدة كاملة

رد : قصيدة بن دليقم في الرد على المسردي
 

السلام عليكم ورحمة الله وبركاته

[size=5]
الله لا يهينكم ياسود سبيع الغلباء يالاد السويدي عزا الله انها قصيده وافيه تلطم شبا المسردي



واشكاله والختام الله لا يهينكم والله يعز سبيع الغلباء [/size]




اخوكم / مترك ابن ثواب ابن عبدالله اابن اهليمه الثوري

رد : قصيدة بن دليقم في الرد على المسردي
 

[size=9]مشكورين اخواني
على مروركم الكريم وتعليقكم
والقصيدة ناقصة وهي 112 بيت وقد اكملتها
في موضوع جديد
والقصيدة جميلة جدا
وبيض الله وجة شاعرنا الكبير الشاعر ناصر بن منصور[/size]