من آخر قصائد الشاعر / منصور سعدي الرمالي الشمري (رحمه الله )
 

السلام عليكم ورحمة الله وبركاته …….وبعد

فان هذه القصيدة من آخر قصائد الشاعر / منصور سعدي الرمالي الشمري (رحمه الله )

يقول





يالله ياللي لك على الخلق سلطان =ياواحدٍ كل الخلايق تهيبــــه

يا رافعٍ سبعٍ على غير عمدان =ياعالم الدنيا بيانه وغيبـــــه

يابانين دينكى على خمسة اركات= وأرسل رسوله للبشر تهتديبــه

ويا واحدٍ فوق المخاليق لك شان= يا مرجعٍ يوسف على طول غيبه

ارجيك حيث اللي ترجاك ربحان =والل رجا غيرك تردى نصيــبه

أسألك عفوك وامتنانك و الإحسان =وأسألك أنا عطفٍ ولطفٍ وهيبة

ربي وآنا عبدك وعندي بك إيمان =ما خش قلبي فيك شكٍ وريبــه

ربي وآنا عبدك ترجاك شفقان =أنت الذي من يطلبك تستجيبـــه

يا جاعلٍ للخير والشر ميزان= يا غافر الزلات ســتار عيـبــه

أدعيك وأنت مصوّر الأنس والجان =والنمل فوق القاع تسمع دبيبه

أسألك في دنياي سترٍ على أيمان =وأسألك أنا التسبيح عند المصيبة

وألوذ بك يارب عن كل شيطان= وأعوذ بك ,عن الضيم هو الغليبه

واليا خذيت الروحتاخذ بالإحسان =وتوسن يا صرت تحت النصيبه

وأسألك أنا يارب رحمة وغفران= في يوم ما ينفع قريبٍ قريب

في يوم ما ينفع قرايب ولا إخوان =يومٍ صغير السن يغشاه شيبه

يومٍ عظيم فيه رابح وخسران= أحدٍ سعيد الحظ واحدٍ بخيبـة

الناس حفيانة شبابٍ و شيبان =كلٍ بنفسه ما يهمه صحيبــه

من عظمة الأحداث زاغن الأذهان =كلٍ يشوف بعينه أشياء غريبة

يارب ياللى خالقٍ كل ما كان =تعطي ليا من العرب شح جيبه

أسألك أنا الجنة وطالبك رضوان =وتفكني من نار يشعق لهيبه

وتجعل لنا مع صفوة لخلق مسكان=يا شافيٍ جرحٍ تعذر طبيبه

وصلاة ربي عد ما كاينٍ كان= على رسـولٍ سـنته نقتـد يبــــه



...............وسلامتكم


رحم الله منصور الرمالي رحمة واسعة

[/poet]
أتمنى ان تنال أعجابكم