قصائد منصور الرمالي رحمه الله
 

قصائد للشاعر الراحل / منصور بن سعدي الرمالي الشمّري.. عالقه بأذهان محبيّ هذا الشاعر ..


حبيت أنقلها لكم هنا ...




(( لا تاخذ القلب ))




doPoem(0)


لا تاخذ القلـب رد القلـب يـا قلبـي
وشلون تبغي يعيش اللـي معـك قلبـه
كانك نويت الرحيل بقلبي ارحـل بـي
خذ صاحب القلب هو والقلب وارحل به
خل الوفا من طباعـك لا تمنـذل بـي
حدد حبيبك وحـدد مـن تمنـذل بـه
منك الجفا طال والولـوال طـول بـي
وقلبي عذابك توحـد بـه وطـول بـه
اليا متى وانت ضـدي موقفـك سلبـي
واليا متى وانت عقلـي نـاوي سلبـه
واليا متى الهم يقفي بـي ويقبـل بـي
ودنياي قفت وعيـا الحـظ يقبـل بـه
واليا متى وانت بالموعد تماطـل بـي
حرام منهو يبـي قربـك تماطـل بـه
يا ليتني ملـك تملكنـي وتبخـل بـي
ياللي تمر وصباح الخيـر تبخـل بـه
اقتلني افضـل ولا للحـب تقتـل بـي
ما اعيش انا بارض شفت الحب يقتل به
لا تقتل الحـب واقتلنـي ومثـل بـي
وقدام كـل البشرمنصـور مثـل بـه



(( انت القمر ))




doPoem(0)


انت القمر0والشمس0والارض0والكون
وانت السماء00وانت النجوم الرفيعـه
وانت0الذهب والماس غالي ومكنـون
يـادرة(ن) خسـران منهـو يبيعـه
{وانت الجمال}اللي به القلـب مفتـون
وانـت الحلا00يانوركـل الطبيعـه
وانت الامل في كـل دنيـاي يانـون
بعدك شقـى قلبي00وقربـك ربيعـه
عندي فلا مثلك مع النـاس مزيـون
ياكوكب(ن)غطـى الكواكـب لميعـه
منساك لا منسـاك وابليـس ملعـون
أرجع علي00فرقاك انا ما استطيعـه
ولاجفاك لو تجفاء ولوخنت ماخـون
وأدور وصلك لـو تـدور القطيعـه



(( قصتي قصه ))




doPoem(0)


قصتـي قصـه بدايتهـا العـذاب
واخرتها الموت في دنيـا عنـاي
الشقاء لي بيت 00والحرمان باب
والخيال أفراش 00واحزاني غطاي
أصبح الدخان لي 00زاد وشـراب
والسهربالليـل 0والونـه جـداي
حاضري لاشي00والماضي سراب
وكل من ناديـت مايسمـع نـداي
في شبابي من عناي الراس شـاب
والله اعلم كيف أنا عشت بصبـاي



(( ثامن مستحيل ))




doPoem(0)


قالو انسه00قلت ثامن مستحيـل
يصبح النسيان للعاشـق عـزاء
قالو تلقاء غير محبوبـك بديـل
قلت حبه في لجاء جوفي لـزاء
حالف(ن)مانساه الايوم الرحيـل
ولا تناسا الزين لو عشت بوزاء
كيف ابنسى من معي سواء جميل
والردا00للطيب مايصبح جـزاء
بالوليف الحلم ياتـي كـل ليـل
وكل مارقد في منامي لي غزاء



(( يانفس صبرك ))



doPoem(0)


ياقلـب مـادام الزمـان متحديـك
أصبر على ميلات وقتـك وجـوره
ويانفس صبرك والفرج عند واليـك
كوني على مـا قـدّرالله صبـوره
هاذي هـي الأيـام لابـد تسقيـك
عقب الحلا..كاس الكدر والمـروره
وهاذي هي الأقـدار لابـد ترميـك
من بـرّه الآمـن لمظلـم بحـوره
لاتجزعي مـادام الممـات متقفيـك
وكوني على صعب المواقف جسوره
ولا تيئسي من رحمـه الله يخليـك
الله هو القادر..علـى حـل أمـوره




(( احلام ليل ))




doPoem(0)


صدفه بلا ميعاد جيته وجتنـي
وصدفه بلا موعد معاها تلاقيت
مديت يدي يمهـا وصافحتنـي
وليتي سلمت ولا لها اليد مديت
حسيت أنا في شئي يوم مسكتني
شئي كما الكهرب نتلنيوفزيـت
فزيـت ليانـا نايـم ماوتتنـي
في غرفتي لاجت يمي ولا جيت
ولعّت أنا اللمبة..وقلت تركتنـي
وقفت أنا حاير وبالصوت ناديت
أخذت ساعة واقف..وأشغلتنـي
وشككت أنا باالي جرالي وشكيت
أحلام ليل عن المنام حرمتنـي
ليته حقيقه مع حبيبي تلاقيـت.





(( أمــرّ مــرّ ))




doPoem(0)


أمرّ مـر مـر فـي دنيتـي لـي
وأمر مر مـر لـي فـي حياتـي
ليا جاني العاني وأنا ما معي شـي
ودي تجينـي قبـل ياتـي وفاتـي
ان اعتذرته ظن ظـن الـردا فـي
وأنا الردا ماهو صفة من صفاتـي
اضحك وأهلّي به وأنا منكوي كـي
من خوفي التقصير فـي واجباتـي
ومن لا اشتهر بالجود صيته وو حي
ما طالع له صيت عقـب المماتـي




(( حلفت انا مااشكي على الناس همّي ))




doPoem(0)
حلفت أنا ماأشكي على الناس همي
الا على رب البشر...جالي الهـم
عناي أنا ماأشكيه حتى على أمـي
لو كان مابه حي أرحم مـن الأم
وعندي خبر..صفو الزمن..ايتمي
لو يستمر سنيـن وشهور...ماتـم
دنيـا تفرق.ياسعـد.. ماتلـمـي
شره يعم..وخيرها...خص..ماعم
ياأخوك أنا.منها ارتفع ضغظ دمي
حتى نحلت وصرت عظم بـلادم






:
:
:



أتمنى أن تروق لذائقتكم ..


والله يرحم شاعرها ..


* هذه القصائد جميعها منقوله


:
:





تحياتي / شجاع الرمالي

رد : قصائد منصور الرمالي رحمه الله
 

[B][size=4][align=center]أخي الكريم / شجاع الرمالي السلام عليكم ورحمة الله وبركاته وبعد : شكرا جزيلا لك على نقل هذه القصائد للشاعر الكبير / منصور الرمالي رحمه الله وأسكنه فسيح جناته والله يعافيك ويبارك فيك ويجزاك خيرا ويبيض وجهك عند مولاك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام . أخوك / خيــــــــــــــــّال الغلبــــــــــــــــــــــاء[/align][/size][/B]

رد : قصائد منصور الرمالي رحمه الله
 

[frame="1 80"][color=#FF0000]
[size=5]الأخ المكرم / شجاع الرمالي ............. حفظه الله ،،،

.. أود شكرك على نقل هذه القصائد الجزله بهذا المنتدى الرائع بوجودك فيه ..

.. تقبل تشرفي بالمرور والاطلاع ..[/size][/color][/frame]