الخير مقبل فالليال المناحير=الوسم طاح وباذر العشب فاعي
 

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يالوالي عليك التدابير=يالرازق الخلاق وأمرك مطاعي
بامرك وتيسيرك تسير المقادير=ومن خالف أمرك ما بها شك ضاعي
جعل المزون اللي علينا محادير=يسيل من همالها كل قاعي
والروض يسقي الروض من وابل الخير=عند الولي لا من ضاقت وساعي
حتى العشوب تزوف والأرض تخضير=لا شافها قلب به احساس تاعي
الخير مقبل فالليال المناحير=الوسم طاح وباذر العشب فاعي
يازين شوف السيل عقب المعاصير=عقب الدهور تزين كل المراعي
حتى عطايا الله بكار ومعاشير=لا من ضواها الليل تمسي شباعي
والبدو ما يشرون برسيم وشعير=ما عادله في برحة السوق داعي
وكل يقول الحمد لله انا بخير=ما به خسارة غير مصروف راعي
ويخيمو الناس وقت المضاهير=كل على المطلاع صابه ولاعي
وتشوف لا شرفت فالعالي عصير=بيت الشعر وتشوف كمن شراعي
وفالبيت قرم لا لفوه المسايير=يذبح من خيار الذبايح رباعي
وحليب خلفات هجال ومصاغير=ودله مسويها طويل الذراعي
فلة حجاج مع رجال مناعير=وسوالف يصغالها بالسماعي
تبعد عن القلب الحزين التفاكير=ويرقد مهوب يسامر الليل واعي
حب البداوه وسط قلبي وانا صغير=الله خلقني فالحياة اجتماعي

الشاعر\شافي بن مطلق بن شطيط القريشي[/poem]

رد : الخير مقبل فالليال المناحير=الوسم طاح وباذر العشب فاعي
 

صح لساااااااااااااااااااان الشاعر / شافي بن مطلق بن شطيط

قصيدة روعه

وسلمت يا ابو بجاد على نقلها

لك تحياتي

رد : الخير مقبل فالليال المناحير=الوسم طاح وباذر العشب فاعي
 

صح لسانك ولاهنت0000000000



كلمات رائعه .

تقبل تحياتي

رد : الخير مقبل فالليال المناحير=الوسم طاح وباذر العشب فاعي
 

لا هنت يا بو بجاد على نقل القصيدة

وصح لسان شاعرنا شافي بن مطلق

قصيده جزله ومن شاعر جزل

وذكرتنا الامطار والخير واهل البيوت الشعر

الله لا يقطعنا منها

رد : الخير مقبل فالليال المناحير=الوسم طاح وباذر العشب فاعي
 

ابو بجاد


سلمت يمينك على نقل القصيده الرائعه والله لايهينك و صح لساااااااااااااااااااان الشاعر / شافي بن مطلق بن شطيط ملاييييييييييييييين


الله يجيب المطر حتى تزين العلوم ويزين شوف بيوت الشعر .


تقبل تحيات اخوك البدر

رد : الخير مقبل فالليال المناحير=الوسم طاح وباذر العشب فاعي
 

يااااااااالله على القصيد الجزل


زماان عن هالقصيد والله


بيض الله وجهك يابن شطيط وصح الله لسااان شااافي


لاهنت وانا اخوك


تحياتي لك

رد : الخير مقبل فالليال المناحير=الوسم طاح وباذر العشب فاعي
 

[quote=البدر]ابو بجاد


سلمت يمينك على نقل القصيده الرائعه والله لايهينك و صح لساااااااااااااااااااان الشاعر / شافي بن مطلق بن شطيط ملاييييييييييييييين


(((((((((((((((((((((((((((((((الله يجيب المطر))))))))))))))))))))))))))


تقبل تحيات اخوك / طويق

رد : الخير مقبل فالليال المناحير=الوسم طاح وباذر العشب فاعي
 

صح بدنك اخي ابو عمر

نيابة عن ابو مطلق

ومرورك عطر القصيده والموضوع

تقبل تحيااااااتي

رد : الخير مقبل فالليال المناحير=الوسم طاح وباذر العشب فاعي
 

حيام الله اخي شافي الجروح

وصح بدنك نيابه عن الشاعر


حياك الله وسعت بمرورك

رد : الخير مقبل فالليال المناحير=الوسم طاح وباذر العشب فاعي
 

[ALIGN=CENTER][SIZE=5][COLOR=firebrick]اقول يابن شطيط
بغيت اطمر تالي الليل واخذ الجيب وانا اقراء هذه التحفه الشعريه.
هذه الجزاله والتصوير اللي يخلي الواحد يتفاعل معه.
صح لسان ابو مطلق
وسلمت يمينك على نقلها
اخوك
اخو شما[/COLOR][/SIZE][/ALIGN]