منتديات سبيع الغلباء - صــ ــوت وصـ ــدى .... وأول مصافحة لقلوبكم ..!

[align=center][size=7][font=Comic Sans MS][color=#8B0000]بسم الله الرحمن الرحيم

السلام عليكم ورحمة الله وبركاته

أتشرف بأن اكون بينكم اعزائي

وهذي اول مشاركه لي

صــــــــــــــوت وصـــــــــــــــــــــــــــــــدى

وكانت البداية من هنا

ما أسنده لي الاخ الشاعر // يحي بن سعد السبيعي[/color][/font][/size]

[poem=font="Simplified Arabic,6,sienna,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

لا طالت الطرقة انا شخـص معتـاد = أصبر واشيـل الكايـده والعسيـره
واليوم شفني يا صحيبـي بـلا زاد = والصبر ماله فـي حياتـي مسيـره
باسباب من عينه كمـا عيـن ورًاد = حـرٍ وسمًـوه الشيـوخ الشهيـره
والخـد بـرقٍ دون مـزنٍ ورعًـاد = والريق خمر ولـه ثنايـا صغيـره
والعنق عنق الخشف لا ذل ينصـاد = والشعر ليل ولـه نسايـم عبيـره
والخشم سيف اللي غزا القوم هجًاد = سيفٍ رهيـف ولا يـداوى كسيـره
هذي بعض أوصاف منقوض الاجعاد = واوصاف خلي يابن وايـل كثيـره
واليوم قل لي يابن الاجواد وش عاد = وش عاد اسوي والمصيبه كبيره ؟ ! [/poem]

[size=6][font=Comic Sans MS]
[color=#D2691E]وكان ردًها بكل ود :[/color][/font][/size]

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

يا مرحبا بقافٍ بـدى فيـه قصًـاد=يشدى المهيًل في غبا المستديره
قافه كما كف(ن)صفق وجه نقاد = لا دور الهزله ودار المعيره
قـرمٍ علـى بيـر التماثـيـل ورًاد=هدًاج تيما مدفقـه مـن ضميـره
جـزلٍ بتـوع وللتعابيـر مسنـاد=البحر يغرف وارده مـن غزيـره
فعله تبيًن به على روس الاشهـاد=ريف الضعيف وللكساير جبيره
يا من كسب تاج المفاخر والامجـاد=شبل العرين وباللوازم ذخيره
ياللي سنام الطيب لك فوقه شـداد=والطيب مبطي واسم(ن) له بعيره
من لابةٍ يحمـون بالسيـف الاذواد=(غلبا) لو جموع المعادي غفيـره
سبيع تعسف للقـا بالوغـى جيـاد=ولا ثار عج الخيل يكعـم نظيـره
كم خفرةٍ لبست من ثيابهـا حـداد=وكم واحد(ن) بالكون حاسوا مريره
لهم على حـوض المنيًـات ميـراد=ويروون شذرات السيوف الشطيره
نطًاحة الواجـب مناعيـر واجـواد=ويدله غريب الدار لا اصبح قصيره
يالصيرمي يا شوق مركوز الانهـاد=غرو(ن) جفول وشوف ظله يذيره
عينه محيط وناعس الطرف سهًـاد=واصفى من الما لاركد في محيـره
والخشم سيف اللي على الموت هداد=دوًار ثار ولا بغى شين غيره
وعبد اعتكف ولجمرة النـار عبًـاد=سكن سنا برق(ن) تواهج نويـره
أصبر لو ان الصبر عـلاًل الاكبـاد=واللي بغى الحالي صبر للمريره
الصبـر يـرًث بالمقابيـل ميعـاد=والا العجل ياصاح مقطوع خيـره
ادري البعاد بلايـج الصـدر وقًـاد=وارًث على جوف المفارق سعيره
كم واحدٍ قبلك مـع الـدرب منقـاد=وكم واحد(ن) بالحب يشكي خشيره
مـا ذاق لا زاد(ن) ولا ارتاح برقاد=يعاف فيًه ويتوسًـد هجـيـره
وافطن ترى الغايب معه حجه وكاد=ولا بد ما يرجع وعينك بصيـره
باكر يعود وعيدكـم بالفـرح عـاد=وكل عام وانت بزود خير وستيره [/poem]

كانت بتاريخ 27_9[/align]