عندي سؤال وأبحث له عن جواب
 

السلام عليكم ورحمة الله وبركاته ..

فيه سالفه لعيد بن سعران واخيه ثامر كانو مع قوم الفغم اذا ماخاب ضني هم الصهبه ضد السفارين وانقذو الفغمه بعد الله من السفارين ..

واتمنى اذا كان فيه احد حافظ السالفه يجبيها واذا فيها قصيدة اتمنى ...





اخوكم / سعد بن شايع .

رد : عندي سؤال وابحث عن جواب
 

أنت عطنا الي عندك وحنا بنصحح اما انا نهلها كلها ما عندنا قدرة

رد : عندي سؤال وابحث عن جواب
 

القصه عندي ولكن بقارن السالفه الي عندي بسوالف الشيبان الي حافضين العلوم ::
وانشاء الله بجيبها عن قريب ::

رد : عندي سؤال وابحث عن جواب
 

الفارس :: عيد بن سعران من عجمان الرخم من بني عامر وشيخهم هو بن هديهد :::

عيد بن سمران كان عند الصهبه من مطير وقد أغار عليهم العجمان وأحاطوا بهم

من كل الجهات والصهبه ماتجهزوا لهذه الأمور وكان معهم حريم واطفال ::: وقال شيخهم

>> من يحط لنا درب << يعني من يخرجنا من هذا الموقف فقال عيد انا ولكن اريد فلانه

زوجة لي فقال الشيخ في وجهي وآمان الله انها لك :::::: فقام عيد وركب وتبعه من معه

من مطير فلما رأوا العجمان عيد تقد أليهم انزاحوا عن دربه لأنهم يعرفونه وبالفعل أضهر عيد

من معه من هذا الموقف وقد تزوج بالمرأه التي شرط أن يأخذها ::::::::::::::::: وهذا الموقف

لايقلل من شجاعة مطير >> حمران النواضر<< ولكن لكل موقف ضروفه :::::::::

وعيد له مواقف كثيره وقصصه كثيره ::::: وأخوه ثامر أيضا شجاع ومعروف ::::::::::::

عندي سؤال وأبحث له عن جواب
 

[B][size=4][align=center]بسم الله الرحمن الرحيم

قصيدة الشاعر الفارس / عيد بن سعران فى الجمالين :

أمس الضحى عديت روس المثايل
= غرب من الصمان شرقي نفودها

وحولت منها حزة الظل مايل
= وطرا علي منزل نسايل أسودهـا

جمالين لامن صيح في راس طايل
= وتراثعت زمل البني في قيودهـا

تركب على جرد المهار الأصايل
= وخيالها ما يسـند إلا يقودهـا

جمالين لا ركبوا على كل حايل
= كم جمعة نمرا وهمه فهودهــا

جمال التخوت اللي تشيل الثقايل
= تشيل الثقايل لو تثالع لهودهـا

ترى جارهم مقدي ولو كان عايل
= ما كنه إلا من نسايل جدودهـا

يا ما دعوني مرة فوق حايل
= في ربعة زيد القهاوي بعودهـا

أنا أشهد إنهم رجال الحمايل
= فحول الرجال اللي بعيد سدودها

يوم إن بعض الناس طيبه يفايل
= ما يدرك إلا هوشة ابيقودهــا

منقول وأنتم سالمون وغانمون والسلام .[/align][/size][/B]

رد : عندي سؤال وابحث عن جواب
 

[size=7][align=center]جزاك الله خيرا[/align][/size]

رد: عندي سؤال وأبحث له عن جواب
 

[size=6][align=center]مشكور وما قصرت والله لا يهينك[/align][/size]

رد: عندي سؤال وأبحث له عن جواب
 

كفو با ال سعران وصدق ابن سعران في مدحة للجمالين يستاهلون ويعطيكم العافية