منتديات سبيع الغلباء

[align=center][size=4][color=#000000]حصل موقف بيني وبين احد الزملاء الذين تربطني بهم علاقه قديمه
من باب المداعبه ارسل لي ابيات لاتحمل المعنى بقدر ماتحمل او تحاول
عسر القافيه
ارسلت له هذه الابيات[/color][/size]

[size=5][color=#0000FF]ترسل عليه تيا التعجيز واحراجه *** لك صاحب" لو تعسر القاف مااعجزته

رجال يعرف بمدخاله ومخراجـــه *** لو كان تجمع عليه الناس مااخرجتـه

ولوتدفعه في غزير اليم وامواجه *** دنياه قد حـاولت قبـلك ومــوجتــه

ثابت بوقت"يبا صملات ومواجه *** وصكات بقعا مع اللي فات خجـجته

خريج وقت العنا والضيم والحاجه *** ودورات الايـام درسـته وخـرجته

ومن يوم عجزت تغير فيه منهاجه *** على دروب الهموم السود هـججته

ولو نار غيره طفت مايطفي سراجه*** ولا غيره وقته الزايــف وبهرجته

وقت, المفاهيم صارت فيه منعاجه *** مـن يوم ذيبــه معاد يهيب نعجته

ودنياك دايم ترى يالقــرم مواجه *** كـم من عزيز تخلت عنه وعـلجته

وصاحبك لامن ذكركم يطلق ججاجه *** لكن حظوظه علـى ماعاف درجته

والهرجه اللي تناقل بين هــراجه *** ماني بصابر على المنقود وعوجته

باابعد ونفسـي عن المنقود نهاجه *** ماطيق عايب بلاه الوقـت بعرجته

ورجلي بدرب الردى ماهي بدواجه *** يوم الردي ماتعـذرب غير بدوجته

ولكم خالص تحياتي[/color][/size][/align]