برق ورعد للشاعر القدير / سعيد عيد الرشيدي
 

[align=center][size=5][font=Arial Black][color=#008000]بسم الله الرحمن الرحيم

السلام عليكم ورحمه الله وبركاته

اخواني اعضاء منتدى قبيلة

سبيع الغلباءالكرام يسعدني أن انقل لكم بعض من قصائد الشاعر القدير/ سعيد عيد الرشيدي[/color][/font][/size][/align]
[poem=font="Arabic Transparent,6,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
برق ورعد وغيوم وخيـال وامطـار=وريح الشمطـري والنفـل والخزامـا

روضٍ خضر به عشب وورود وازهار=وان غـرد القمـري ونـاح الحمامـا

هـذي بـلادي ديـرة العـز والكـار=دار الكـرم والجـود اهلهـا اكرامـا

هي نجد طبعاً نجد هي دار الاحـرار=اللـي لنـا فيهـا خـوال وعمـامـا

وسـلام يابـو متعـب الوالـد البـار=القائـد اللـي يستـحـق الزعـامـا

ياخـادم البيتيـن فـي سـر وجهـار=يانصـرة المظلـوم يابـن الإمـامـا

وسلطان ياوجه السعـد واف الاشبـار=وجه السعـد فـي كـل يـومٍ وعامـا

وسلمان لاجاء لك ولد بـدون تحتـار=سمـه علـى سلمـان ريـف اليتامـا

وختامهـا منـي عـدد ماالفلـك دار=وعلـى النبـي الهاشمـي السـلامـا [/poem]

رد : برق ورعد للشاعر القدير / سعيد عيد الرشيدي
 

[poem= font="Arabic Transparent,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
البارحـــه ماهي مثل كـل الايــــام=ليلــه ولكـن عــن ثـلاثيــــن ليلــه

ليله ثوانيها شـهـر والشـهـر عــــام=ليلــه تمـر بـها الثـوانـــي ثقـيلـــه

أنام واصحى وارجع شــوي وانـام=والليل طــال وشمس صبحي بخيله

كله سـبايب صاحبي ترف الاقـدام=تـرف القــدم ابـو العيــون الكحيلـه

لو غاب عن عيني يجيني بالاحلام=مــره يجــي يمـي ومــره أجيلــه

حبه حكمني حكم واصدربي احكام=حكـم الـزعيــم ليـا حكـم لـه قبيلـه

والمشـكله كانه حكم لي بالاعــدام =ورحنا ضحية حب ظاف الجديلـه [/poem]

رد : برق ورعد للشاعر القدير / سعيد عيد الرشيدي
 

[poem= font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
تكفى توقف عن التعذيب يكفيني=ترا عذابك بدا يقضي على حالي

أحيان تضحك معي واحيان تجفيني=عجزت لا فهم وش المطلوب يالغالي

مدري غلاً منك ولا منت باغيني=اشوف قلبك تغير يالغضي تالي

أول تسولف وتضحك لي وتعطيني=جميع مطلب لو انه يالغضي غالي

واليوم اشوفك تصد وما تحاكيني=يا خوفي انك سمعت لهرج عذالي

نسيت عهدٍ مضى من بينك وبيني=وشلون تنسى العهد ياسمح الاقبالي

لو كان ينفعك يوم انك تعنيني=والله ما عاتبك لاأول ولا تالي [/poem]

رد : برق ورعد للشاعر القدير / سعيد عيد الرشيدي
 

[size=7][align=center]صح لسان الشاعر / سعيد بن عيد الرشيدي وسلمت على النقل [/align][/size]