منتديات سبيع الغلباء - الشاعر الكبير / نمر بن صنت رحمة الله

لبيك ياللي تتل القلب وعروقـه /// كلـه علـى شـان يـوم انـك تلبينـي
يا قلبي اللي الغالي دنا عوقه /// يـا نـاس أشيـروا عليهـا لا تقاصينـي

************** ************** ********

يا صاحبي جيته علـى وقـت شطـه /// عقبنـي المظهـور وأنـا عقبتـه
لو صاحبي يكتب ترجيت خطه /// ولـو صاحبـي يقـرأ جوابـي كتبتـه

************** ************** ********

صاحبي وده يشيل القلـب كلـه /// جـوّد العرقـاه مـن بيـن الضمايـر
ياهني اللي شبع مـن هـرج خلـه ///قبـل غـل المـوت وأيـام الدوايـر

************** ************** ********

اعرضوني على خلّي ترى الموت جاني /// وأحفر القبر ما بين النهد والذويبه
كيف هاذي سواته ما بقلبه حناني /// كيف يسطي على قلبي وأنا من عتيبـه

************** ************** ********

ليتنا يا سعود مـا جينـا الشـواوي /// مـا خطرناهـم ولا شفنـا مليحـه
ليتنا رحنا مع الجـو الخـلاوي /// قالهـا السايـق ولا طعنـا النصيحـه

************** ************** ********

يا معذب الناس يا ويلك من الخّير /// نهار جمّـا الغنـم تقنـع بالانصافـه
لا تحسبني مع الخفرات متغّير/// لو تجمـع البيـض قـدم البيـت وخلافـه

************** ************** ********

امنعوني من هوى الغالي ذبحني /// كيـف ورع اجنـاب ياخذنـي وساقـه
ليت جاني واحد عنها نصحني /// من هـل المعـروف ورجـال الصداقـه

************** ************** ********

قال خلي ترى قلبي مثل بيت الأرضه /// قلت قلبي على شوفك تفّرت حياضه
لو عشيري عطاني من شفاياه قرضه /// شربتن عقبها قلبي تربـع فياضـه

************** ************** ********

يا هني من مر خله لو بعض ساعه /// مقدار فنجـال وأخـذ غايـة الغالـي
يا قلبي اللي تصبر والهوى لاعه /// كما تلوع الهبايـب عشـب الأسهالـي .