منتديات سبيع الغلباء

بسم الله الرحمن الرحيم

السلام عليكم ورحمة الله وبركاته

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أبدي بذكر الله عزيز الجلالي=ذكره قبل ذكر القصيد أبتديبه
سبحانه اللي يعلم بكل حالي=النمل فوق الصخر يسمع دبيبه
بعده بنختار البيوت الجزالي=والهزل من عاداتنا ما نجيبه
اليا بدينا نبدي بكل عالي=واللي غزى منا يجيب الكسيبه
واليا أشترينا نشتري كل غالي=نتعب ورى الطيب ونبدي الزريبه
إناهل الغلباء زحول الرجالي=هل موقفن في حزته يندريبه
للجار عز وللرفيق الموالي=وحرابنا منا تردى نصيبه
أهل ثلاثن مالهنه محالي=فزنابها يوم الحلول الصعيبه
يشهد لنا تاريخنا بالكمالي=والكامل الله والمراجل تعيبه
متيهة شعف البكار الغوالي=عفر ومجاهيمن وحمرن عجيبه
نرعابها القفره جنوب وشمالي=وناطى العدو من دونها مانهيبه
جرد الرقاب اللي سوات العلالي=تمتاز بصففها وكبر التريبه
عراض الخدود وظافيات السبالي=منفهقة الأذنين مثل النصيبه
عثوى السنام وكل عظمن جلالي=الدل زينن والوصايف غريبه
من حظ شغمومن تجيله حلالي=الأبل على ماقيل عزن وهيبه
وان هيضو فيها الرجال المجالي=كلن ذكر ربه وذكر قريبه
كلن على شفه وهي شف بالي=أحبها حب الحبيب لحبيبه
يالله ياوالي عليك أتكالي=خيرك عساك الكل خلقك تجيبه
طالبك في نون صدوق الخيالي=غيثه يعم وكلنا نهتنيبه
وختامها ذكر الله أول وتالي=يبدى بقولي ذكره وينتهيبه[/poem]

الشاعر / ناصر عبد الله السبيعي