قصيدة دواس آل رمضان الزعبي في سبيع أهل رماح
 

[B][color=#0000FF]
[size=4]والقصيدة لها مناسبة و هي ان دواس آل رمضان وربع له سندوا يم رماح معهم ذودهم وكان لهم عانية اسمه عبيد بن صنهات من الصمله من بني عمر من سبيع ، ودواس وربعه مرسلين لعبيد بن صنهات يعلمونه بانهم مسندين يمهم ، وجلس عبيد ينتظر عوانيه آل رمضان حتى وصلوه وقام بواجبهم من سقي أبلهم وضيافتهم
( ( و العنوه هو أن راشد بن حمود أخو دواس ماخذ من الصمله اظنها أخت عبيد بن صنهات أو بنت عمه متزوجها وعليها منه ولدين واحد اسمه عبدالله كبير في السن ساكن بالنعيرية الآن ، والولد الثاني اسمه سلامه كان ساكن الكويت وتوفي قبل حوالي 25 سنه الله يرحمه ، وعياله لازالوا في الكويت ، وخال عبدالله وسلامه عبيد بن صنهات الصميلي اللي ورد اسمه بالقصيده واللي قام بواجب دواس وربعه ) )

فقال دواس آل رمضان القصيده :[/size][/color][/B]


[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يافاطري ليلة قربنا رمـــــــاحي .............غب أربع في لاهب القيظ مظمين
عــــــــدّ طويل ويذكر انه يماحي .............علـــــيه أجانيب وناس كثيريـــن
عيّن عيوني يقبلن المراحــــــــي.............الـذود مضمي والمعارف قليلين
يوم أصبحن وردن وصارت سماحي .............وأنا أحمد اللي حط ميرادهن زين
روين وعقب الرّي عطّن صماحي .............وابعد عسرهن عسى عمره سنين
عبيد شوق اللي ثمانه وضاحي............. وريف الطروش اللي من البعد عانين
سوات من ينقص بطيور الفلاحي............. يصيد لو إن القوانيص مخطين
يا الله يا رازق خفوق الجناحي............. لعل ملاّكه رماح عزيزين
هل سربةٍ لا من جذبها الصياحي .............تلحق بسبعان على الهوش ضارين
عمرية فاتوا جميع النواحي .............في كل عسرات المراجل تعيبين
قصيرهم يشرب وعدّه رماحي ............. يوم إن الردي يطرد قصيره من العين
عميلهم يامن بدرب الصلاحي ............. والّلا إلى رد البرا مرقده شين
وليا حاربهم واحد ما استراحي............. ولا يسمحون إلا برجع الموازين
وياما توطوا من غريم وطاحي .............والله مقدّرهم على راعي الدين
كم من طروش لبّسوها الطماحي ............. تصبح تمالي أهلها بالمسمين
يازينهم لا رافقوا بالنصــــــــــاحي.............ويا شينهم لا عاد ما همب راضين
غشاش البواطن والظواهر صحاحي............. مـــــرّ سلاطين ومرّ شياطين[/poem]


-----------------------------------

رد : قصيدة دواس آل رمضان الزعبي في سبيع أهل رماح
 

هل سربةٍ لا من جذبها الصياحي .............تلحق بسبعان على الهوش ضاريـن

صح لسانك ولسان قايلها

ولاهنت على النقل

رد : قصيدة دواس آل رمضان الزعبي في سبيع أهل رماح
 

الإخ فهد الزعبي

شكراً على النقل ولكن القصيده تحتاج الى تصحيح لبعض الكلمات والى ترتيب

والى اضافه كذلك

الشكر لك

رد : قصيدة دواس آل رمضان الزعبي في سبيع أهل رماح
 

مشكور على النص