قصائد الهاجري والحبابي في رغد صدام ورد الشريف
 

[size=5][align=center]بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : لقد أنشأ الشاعر الكبير / سلطان بن وسّام الهاجري قصيدة في / رغد ابنة صدام حسين ويقول فيها :-

كان الأشراف عجزوا عن حمايه رغد
= يـوم دار الزمـان وراح برجالهـا

علموها تجـي ولا تفكـر فـي أحـد
= في ذرى دولـه التوحيـد وأبطالهـا

نـوري المالكـي لو قـام وإلا قعـد
= ولو تحيزم بأهل طهـران وأمثالهـا

من نجادي وبشـار حافـظ الأسـد
= جعله فداء رغـد صـدام وعيالهـا

بنت عود وقف بـين القبـر واللحـد
= ما تزلـزل مـن الدنيـا وزلزلـهـا

يعربي علـي حـوض المنايـا ورد
= لين وقف قدم رجلـه علـي جالهـا

يستثير البـروق ويستفـز الرعـد
= رافع الراس والدنيـا علـى حالهـا

كنه يقول هالدنيـا ما دامـت لأحـد
= كود للـي مثّبـت الأرض بجبالهـا

وهذه مجاراة لها من الشاعر الكبير / حسين بن شتوي الحبابي ويقول فيها :-

من هجوس سرى طاروقها يا سعـد
= ابتلتـنـي وفــال الله ولا فالـهـا

ما أقدر أحصى لها بين الضمائر عدد
= تختلـف بيـن مقفاهـا ومقبالهـا

الجروح القديمه والجـروح الجـدد
= صار تحت الضلوع العوج منزالهـا

حضرت ليله الميعـاد ليلـه الأحـد
= ليلـه جـات والهاجـوس يبرالهـا

والسبب من بيوت سببت لـي نكـد
= ذكرتنـي غثـاء الأيـام وأهوالهـا

هيضتني وأنا ما كنت مهمـوم أبـد
= غير جعله يصح لسان مـن قالهـا

ابن وسام هيضني وحـان الوعـد
= شب نـار القصيـد وزود اشعالهـا

يوم غنا وأنـا غنيـت مثلـه بعـد
= من هجوس بقلبي فاحـت ادلالهـا

الليالي تدور وحبلهـا مـن مسـد
= نفذت كـل ما يطـري علـي بالهـا

الزمن بـار والكافـر علينـا حقـد
= وبنـت صـدام مما صـار عزالهـا

يوم مال الزمان ويوم قـل الجهـد
= يوم راحت الأسود وراحت أشبالهـا

افقدت قائد فـي الحـرب ما يرتعـد
= مع عـدي وقصـي وفقـد رجالهـا

لاجيه من بعد هيبة صقـور الهـدد
= أتحـرى كتايـب بـوش تغتالـهـا

اليهود أرسلوا نـاس وراهـا طـرد
= يوم دار الزمـان وبقيـت لحالهـا

خايفين يجـي بكـره عليهـا ولـد
= ياخـذ الثـار للبصـره وما جالهـا

والعـراق استحلوهـا وكـل شهـد
= والعرب ما أحد منهم تعـزوى لهـا

أصبح الشعب ما عنده زعيم وسنـد
= حالة الـدار مما صـار يرثـى لهـا

هددونا ومن عانـد وخـان العهـد
= شنق في مشنقـه صـدام وحبالهـا

قصةٍ يمكن تشيب بمن فـي المهـد
= ما جرت لأمـة الاسـلام وأجيالهـا

من يعوض العراق بفقده اللي فقـد
= ومن يناصر رغد ويناصر أطفالهـا

بشروها إليا جـت عندنـا بالسعـد
= تبشـر بشجـرةٍ ترتـاح بظلالهـا

نحتميها من أمريكا برمـي الركـد
= وتحتميها سيوف القـوم وسلالهـا

وإن لقينـا كتايبهـم بحـزمٍ جلـد
= صارت الرجل تاطا الروس بنعالهـا

في ذري دولتي وبلادي أفضل بلـد
= دوله العود أبو متعـب وحنـا لهـا

ليت صدام ذاك الوقت طـاوع فهـد
= يوم بغـداد مهـرة عنـد خيالهـا

يوم حذف القذائف مثل حذف البـرد
= قبل غزو الكويـت وقبـل مدخالهـا

غير هي غلطه المقرود يوم انقـرد
= دوله الشيخ جابـر مالـه ومالهـا

جابر اللي بعد تحريـر داره سجـد
= ثم دعا من يجازي الناس بأعمالهـا

واحـدٍ رافـعٍ سبـع بليـا عـمـد
= وقدرته مستحيل النـاس تحتالهـا

جل شانه جليل الملـك فـرد صمـد
= هو معـز البشـر ومغيـر أحولهـا

وهذا رد شاعر الأشراف على الشاعر / سلطان الهاجري

ما عن الرد يا ربعي سكوت ومصد
= قبح الله وجه ولسـان مـن قالهـا

عجزالأشراف كايد كيدنا يا وغـد
= الحمايـا لنـا ومنـا وحنـا لهـا

حسبنا ما نعيل وليـا ابتلينـا لـدد
= عيـت العـي والعيـات نعبالهـا

ننقض الفتل ما نعجز نحـل العقـد
= الخلا يالمهايـط مالـك ومالهـا

ما بطشنا غرور ولا قطعنـا مـدد
= شيمت رجال أصالتهـا تقصالهـا

ما يواجه دهانا غير قـد بـن قـد
= تسبق أقوالنـا الأفعـال ويثنالهـا

من تجاهل ردود الفعل منـا نكـد
= كاسحت ردعنـا بنحـور عيالهـا

والنابحه نابحه ما تنصر المضطهـد
= طبعها وصامل الفزعات ما أصغالها

فاقد الشي ما يعطيـه لـو اجتهـد
= قاصر إدراك عقل الهاجري حيالها

لو تحرى المهايط للصمايل وجـد
= واحـده مـن صنايعنـا يغنالهـا

عند أهلها رغد ما مثلها في رغـد
= في ذرا الهاشمي والشـر ما نالهـا

فيض من غيض للبادي ومثله بعد
= حال عن صفحنـا نفـاق موالهـا

منقول مع خالص التحية وأطيب الأمنيات وأنتم سالمون وغانمون والسلام .[/align][/size]