منتديات سبيع الغلباء - هــــــــــــــروشيـــــــــــما

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اثر وحشة الفرقا على خاطر الإنسان=قنابل امريكا يوم تضرب هروشيمه

مريت المكان اللي مضى فيه وقتن كان= منازل ربوعن قد عقب سيلها ديمه

تسابق عليه الريح في الوادي الضميان = خلن يكسر الخاطر ويجفاه ويضيمه

من أول هلا الطولات والمجد به جيران= دقيقه تمرك من حياتك لها قيمه

يامزين هجيج الحيل والفرد والحيران= ليا صاح راعيها غدى في السما غيمه

فحلها يصوك بوسطها يصرخ النيبان= غادن مثل قوس يوم يلعب على سيمه

تروح على بيت الشعر مومي الجنحان=يطق المطر فوقه وتقطر مرازيمه

يديرنه خشوف المها شرد الغزلان= بنات البدو قامن بنيه وتنظيمه

يجرن قلب العاشق الهاوي الولهان=مثل جر دلون حبلها في ظهر ريمه

هواهن شريف وهرجهن يرضي الزعلان=لوأن الهوى أدنى ما يواليه تحريمه

لكن حيلتي لله من طرفه النعسان=ليغضى حرك موخر العين تسليمه

على نور خدن حرك الروح والوجدان= مثل برق نون والبرد في مقاديمه

هذي كلها في الذاكره مالها نسيان=ياكيف نتناسى ماضي الجاه والشيمه

توارد ضميري لو تقافت بها الازمان= مثل ورد شولن يوم حنت مجاهيمه

حداه الضمى والقيظ ليبست العيدان =طلوع الكليب وكل حرن وصل تيمه

تبى ماردن نازح عوى دونه السرحان=خلن خالي ماغير سحمان وسحيمه

ياشباب بن باتل بوجهلك العنوان= ودرب مشيته بينن ذي مخاريمه

ياراع الوفا والطيب والمسلمين أخوان= ترى الطيب ياراعيه جتني تعاميمه

تنشرلك البيضا أليا جالها ميدان = ضمايا نفوس الناس لطيب ومحيمه

وماقل دل وجا زنادن على نيشان=مغازي الكلام اللي توضح مفاهيمه[/poem]