منتديات سبيع الغلباء - أنـــــا و الشاعر / سفر بن نهار السبيعي

منتديات سبيع الغلباء (https://www.sobe3.com/vb/index.php)

- - أنـــــا و الشاعر / سفر بن نهار السبيعي (https://www.sobe3.com/vb/showthread.php?t=3467)

أنـــــا و الشاعر / سفر بن نهار السبيعي

[align=center][size=5][font=Arial Black]اخواني مشرفين وإعضاء وزوار منتدى قبيلة سبيع الغلبا

السلام عليكم ورحمة الله وبركاته :

اضع بين ايديكم هذه القصيده المتواضعه والموجهه الى الشاعر العلم
(((((((((( [color=#CC0000]سفر بن نهار السبيعي [/color]))))))))))[/font][/size]

[poem=font="Arial,6,white,bold,normal" bkcolor="transparent" bkimage="backgrounds/22.gif" border="ridge,4,burlywood" type=0 line=1 align=center use=ex num="0,black"]
الشعر للشعار تعبـيـر وإدراك = ولا كل شـــاعر يمكن إنه يجيده

الشعر من قافه ولو كان سرّاك = تلقى الشقى فالقاف لحظه سعيده

الشعر لامن صار يأمر وينهاك = إعرف ترى كل المشاعر أكيده

للشاعر اللي لا كتب قاف عناك = كنه يخطه فالورق من وريده

متمكن ٍبالقاف من وين ماجاك = ماهوب يرجي واسطه فالجريده

ويبعد عن الأعلام ماهوب شكاك = في بنت فكره لابدعها وحيده

نظم القوافي كنها نظم الأفلاك = من عالم إبحور القصيد المجيده

هذا أنت ياسَفِرْ البعيجي وينصاك = قافي وقصدي وكل قصد القصيده

أشهد شهادة حق والحق عداك = عن الذي له بالخفاء لك مكيده

من لا يسوي فالقصايد سواياك = راح القصيد بدون جمله مفيده

يامروض ابيات النبط لا عدمناك = كل القصايد منك والله فريده

كن القوافي فالنبط من رعاياك = بأمرك تجيك وعند غيرك عنيده [/poem]

[color=#0033FF][font=Arial Black][size=5]والذي قام مشكوراً بالرد عليها :

يقول الشاعر : سفر بن نهار السبيعي[/size][/font][/color]

[poem=font="Arial,6,white,bold,normal" bkcolor="transparent" bkimage="backgrounds/22.gif" border="ridge,4,burlywood" type=0 line=1 align=center use=ex num="0,black"]
يامنير يوم إني زهمتك أبا انخاك = ياللي ملكت الصيت طيب وعقيده

لعل خبلان ٍ على الارض تفداك = ماغيرك اللي يوصل الخط ليده

وصل سلامي يم مسعود هذاك = ابو فهد عسى حياته مديده

واحذر ترى الأسماء تشربك تشرباك = وتضيعك بين الردي والوليده

قصدي الحويزي راعي الطيب شرواك = اللي فعوله والسجايا حميده

عطه جوابي في يمينه بيمناك = وقله ترى هذي رسالة عضيده

واشكره من عندي عدد خطت اخطاك = وقدام ترجع منه شكري تعيده

يابو فهد ماهاضني غير مبداك = وتشجيعك الدايم لشعري يزيده

شهادتك تاج ٍ لراسي وطرياك = يفتح لي ابواب القصيد وجديده

وكان الشعر به نادره من مزياك = وإن كان لأهل الطيب سيد انت سيده

يفداك من يبخل بجاهه والاملاك = واللي جحد وأهل القلوب البليده

واختامها يالقرم ابشر بسعداك = وعساك تسلم لي ليالي ً عديده [/poem]

[size=5][font=Arial Black]ولكم مني اجل التقدير والاحترام
اخوكم // [color=#CC0033]ابـــو فــهـد[/color][/font][/size][/align]