منتديات سبيع الغلباء - حقوق القرابه (سعود الفطيماني)

بسم الله الرحمن الرحيم

أبناء عمومتي الكرام :

تحيه مملوءه بالحب والتقدير لشخصكم ولصرحكم الشامخ .

وأقدم المتواضع الذي أسال الله ان يكون على قبولكم وأستحسانكم .

[poem=font="Traditional Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ترى الخطاء يدمح ليا صار راعيه=قريب يجهل في حقـوق القرابـه
حق" عليك ترفاه وتبقـا مصافيـه=لاخير في ربوع" تسـوق الطلابـه
لابد مـع طـول الليالـي بتدريـه=ويشوف من ينصاب لاجاء مصابه
واهل الرخاء بعد المحبـه تعاديـه=ويظهرله الشامـت يجـر الربابـه
الحلم من حاشه على العـز يرقيـه=والطيش مورث الـردى والخيابـه
وبذل العطاء والجود يحصد مساعيه=كسب الثناء والناس تعـزز جنابـه
فلاخير في رجل" تصاقـه مناديـه=وعند الولايم جاك عجـل الاجابـه
لانشفـت الاريـاق دور عوانيـه=حسب بني عمـه وخـال ونسابـه
وان سفهلت له تكبر عـن اخيـه=ياعنك هذا الوقـت فيـه الغرابـه
ولو هو على وده من السم يسقيـه=يرديه حوض الموت محد" درابـه
وان جاه نمام" كذوب" طمـع فيـه=صـدق دهاويلـه ولاقفـا حكابـه
ويزعله قولة صادقيـن المشاريـه=ويبديلهم بغضـه وتكشيـر نابـه
وصغاير الزلات تكبر فـي خافيـه=واقرب ملاقا عين سـدد حسابـه
اما بسلام الكـف جنـب مواليـه=ولابخبث القـول يرمـي شهابـه
حذر" ولامن فود خابـت هقاويـه=يالله عسا مثلـه حصيلـه هبابـه
نفسه كساه الهون والـذل كاسيـه=والشح وعند الناس يرجي ذهابـه
وفي مجلس الاخيار محد" يطريـه=قران والسنـه وهـدي الصحابـه
والي جفاء واقفاء الليالـي تربيـه=يجفاه من صلبه ويجـرع عذابـه
دين استدانه ولازم الديـن يوفيـه=رجم" يحول منه وخصمـه رقابـه
والـي حسـد لله يعينـه فبلاويـه=خفـاش منزالـه بيـوت" خرابـه
وياجاحد" حق اليتامـا تـرا فيـه=رب" على الظالـم شديـد" عقابـه
وعزي لمن لاطاب احرم عوانيـه=فيه الكبر خصله ..خذاهـا كسابـه
مهما بذل من جود ذنبـه يباريـه=بدنياه مشروب التعاسـه شرابـه
ورجل" لكل مشطون يلقا الدواء فيه=كل المفاخـر سجلـة فـي كتابـه
لو هدموا جهده سعاء فـي مبانيـه=مالـد باهـل القيـل ورد السبابـه
مثل الجمل ,,مايوم ريـح مواطيـه=في كـل دايـرة" يدرهـم ركابـه
يذاع فالمجلـس اوخـر دعاويـه=يجهد لكل معسـر نصـاه ولجابـه
كريم ومدهـال" لقاصـي ودانيـه=ورحوم وله وقفات محـد" درابـه
يبغى ليا جاء الموت يلقاء مشاهيه=ثقل الجبال وبيض مثـل السحابـه
وان شاب يلقاء كل ربعـه تقديـه=حيثـه مقديهـم فماضـي شبابـه
وختامها صلو على من بعث فيـه=هدي" له الجنـه لمنهـو اقتدابـه [/poem]

أخوكم
سعود الفطيماني