امي تسلم عليكم وتقول عندكم طمــاط !
 

[align=center][size=4][font=Arial][color=#4B0082]حين طرق باب بيتنا ... ليقول لى ولد الجيران


امى تسلم عليكم وتقول عندكم .... طماط....!!


ابتسمت من قلبي ....


وقلت له عندنا ...


هلا بالجار الصغير ....


منذ متى لم يطرق بابكم احد الجيران لطلب


طماط او بصل او خبز ... !!!



ربما تقولون اننا بخير ونعمه ولم يعد الطلب من الجيران


له ضروره ... ولكن لا اعتقد


فقدنا الطلبات الصغيره بين الجيران


فقدنا طعم الجيره ...


كان الجار يطلب من جاره بصل


وبعدها يرسل له قليل من الطبخه



الان تعد الطلبات بين الجيران عيب وقله ذووق ... !!


وقد تستغرب ان يطرق جارك بيتك بدون موعد واذن مسبق واتصال


زمان لم تكن الحاله الاقتصاديه مثل الان


اليوم فواتير وديون واقساط واسعار مواد غذائيه عاليه


وعيب نطلب وندق باب الجيران...


زمان حياه بسيطه وقلوب ابسط ,,, وصغار الجيران


وجمله .... امى تسلم عليكم وتقول عندكم بصل


جميله العباره


بجمال البساطه


وجمال المحبه


وجمال روح الجيران الوحده


كنا بيت واحد


وطبخه وحده


ان الاسر قديما تشعر بمدى حاجه جارها


وترسل له من غير طلب


واذا راعى البيت قضى لبيته ماينسى جيرانه ...


واذا بقى شي من العشاء... يرسل للجيران


واليوم يزعل الجار من بقايا العشاء باعتبرها فضله....



وليست عباره امى تسلم عليكم وتقول عندكم طماط هى المحك


لا ....


ولكن العلاقه نفسها فقدت طعمها


فقدت دفئها


فقدت الجيره


لم تعد الحياه لها طعم بعد الاستغناء عن بصل وطمام وخبز الجيران


وحين نعطى الصغير طلبه ... نتنتظر عودته بطبق من عشاءهم ...


ليتها تعود تلك الايام ... رغم انى عشت بعضها


ولكن احيانا اتمنى عوده ايام ماضيه بزمن جميل


وجيران ترسل وتسال وتطلب


بدون قيود حياه ممله ورسميات قاتله


احضرت الطماط للولد الجيران .... ووصلت لنهايه كلامى


وخرج الصغير ولسان حالى يقول:


شكر لك عشت معك لحظات اصبحت مفقوده .... بزمن لم يعد الجار يعرف جاره [/color][/font][/size][/align]

رد: امي تسلم عليكم وتقول عندكم طمــاط !
 

انا رحت ازور جار حقيقه ما يدخل المسجد
وحبيت اناصحه بالله
وقلت الزياره الاولى حديث جانبي حتى اتعرف عليه
وادخل مواضيع عده منها الصلاة
واثناء حديثنا الا حرمته تدق على اهلي
وتستفسر وش سبب الزياره
واتصلو علي اهلي يخبروني
قلت له انا ترى زيارتي لله
بس الجيران يبون يتعرفون عليك
يشوفونك طالع للدوام وجاي من الدوام
ونفسهم يتعرفون عليك
قال ما فيه مشكله اي وقت تجتمعون دقو علي
قلت حنا نجتمع يوميا ولي ما نشوفه ندق الباب عليه
قال اي وقت قلت كل بعد اذان للصلاة 0
وخليتها على كذا وستأذنت من عنده ومشيت
بعدها صار يصلي معنا في المسجد

رد: امي تسلم عليكم وتقول عندكم طمــاط !
 

[color=#003333][size=4][font=Arial][align=center]عاد تصدق اخي المثري عاد ان هالعادة انقطعت


اول كنا مانطبخ

الحارة كلهم يجبون لنا هذا مرقوق وهذا كبسه و جريش


وكنا نعرف كل بيت بالحارة وش تعشوا اليوم[/align][/font][/size][/color]

رد: امي تسلم عليكم وتقول عندكم طمــاط !
 

[color=#006600][size=4][font=Arial][align=center]نسيت أقولك


تصدق من نزلت الموضوع





وفي الصبح جيرانا جو يبغون الطحانه



وصرافناهم قلنا ماعندنا طحانه

:1044201692:[/align][/font][/size][/color]

رد: امي تسلم عليكم وتقول عندكم طمــاط !
 

تصدق عاد حنا اول ما ناكل من اكل بيتنا
وسألت واخد قالي نفس الكلام
عشانا لغيرنا وعشا غيرنا لنا
ايه ايام ما هو زي هالحين
ناكل بلحم بعض
الله المستعان على ما تصفون

رد: امي تسلم عليكم وتقول عندكم طمــاط !
 

[color=#660000][size=5]وين ايام زمان كان الجار يعرف جاره وكل منهم يعرف الثاني يعرف الكبيروالصغيروبعضهم يحتاج الثاني وكان بينهم تواصل اما الان لوسألته عن جاره قال لك لااعرفه لأنهم فتنوفي هذه الدنياالله يكفيناشرها فقد قلت بيتن
الرجو ان تحوز على رضاكم

عزي لمنهو قضى وقته الحاله

لابه أ مسيرولاحد(ن)أيسيرله

في شقته دايم وعاين اضلاله

حتى مقاضيه من البقال تاصله

والجارمايعرفه لوهواقباله

لوكان بابه ألبابه أمقابله[/size][/color]

تقبلو تحياتي

رد: امي تسلم عليكم وتقول عندكم طمــاط !
 

[size=6]اليوم لاجاك الجار مسير اول مايطرى على بالك

وش عنده موضوع ؟

اكيد عنده شي

الله يرحم ايام زماااااااااااان

لاهنت[/size]

رد: امي تسلم عليكم وتقول عندكم طمــاط !
 

[size=6][align=center]
الله يدوم نعمة الصحة والعافية علينا
وحقيقة الحمد لله ان هذه الطلبات انقطعت
لانها فعلا تدل على ضعف رب الاسرة وعدم
تلبية الطلبات لبيته فانا لااتمنى ان يطلب جاري
مني طلبات لكي استرجع ايام الماضي اينما اقول
الحمد لله الذي اغناني واغناه من فضله فنحن نفتقد
الى امان الماضي والي عزتنا في الايام الماضية فالحروب
والسياسة الضعيفة والاقتصاد غير المستقر هو سبب حنينا
للماضي ولو توفرت هذه المقومات لكانت العلاقة بين الجيران
اكبر من ذي قبل نسأل الله ان يعيد امجادنا وان ينصرنا في الدارين[/align] [/size]

رد: امي تسلم عليكم وتقول عندكم طمــاط !
 

[color=#006633][size=4][font=Arial][align=center]لا او افقك الراى اخوي خلف


مو انهم نقصهم شي انه دليل على ضعف رب الاسر

فكلامك غير صحيح

يمكن ينقص ملح

يعني انهم ماقدروا يجيبون ملح بنص ريال !

بالعكس لان رب البيت اكثر وقته برا البيت اما في دوام او غيره

فينتضرونه لين يجي ؟[/align][/font][/size][/color]

رد: امي تسلم عليكم وتقول عندكم طمــاط !
 

المشكلة ليست بالفقر والغنى المادي
المهم لماذا انقطعت سبل التواصل بين الناس
كان تجمعهم الضروف الي عنده يعطيه اليما عنده
والخير داير بين البيوت وربي مبارك
اليوم عندك بكره العكس
والكل مبسوط واذا يوم مر بدون ما يطلب احد حاجة تصير غريبه
بس عاد ينهار نذاله ما تعطي جارك الطحانه رح قم اشتر وحده
وعطهياه هديه عشان ما عاد يدق عليك الباب 0 ههههههههه