هذي قصيدتي اطرحها بين يديكم وانتظر تعليكاتكم
 

قـــم يانديـبي شـب نار المعـاميل @@@@نـارن سـناها يـضوي لـكل خطـار

لجل انتسامر مع بعض بالتعاليل@@@@ ونحكي عن علومن جديدات وشعار

وننسى مشاكل هالدهر والغربيل @@@@@عل الولي يحمينا من شر الاخطار

البارحه بــرقن لمع باخر اللــيل @@@@وهلت همالــيله على كل الاقــفار

مابه شعـاب الا تدارج بها الســيل@@@@ وقامت تشعشع من تلاوين الازهار

اضحت فياض بوسطهاتسرح الخيل @@@@والطير يسجع مهتني وسط الاشجار

جمالها يشفي القـلوب المعامــيل@@@@ أرضن هواهــا مابها عج وغبــار

شفي علـيها مع رجالـن مشاكيل @@@@تحمي مكارمها عن الفسق والعـار

انجـيلها في لـيلتن يلمـع سـهيـل @@@@ضحك وسواليفن على شبت النار

انسوق فنـجالن مبهر من الهــيل @@@@على قـدوعن من لذيـذات الاثــمار

ماحن من يمشي دروبن بها ميل@@@@ ولانـتسلا عــند شاشـات الاقــمار

نمشي على وضح النقا بالتساهيل @@@@وخيولنا نركـض بها بكل مضمـار

وباللـيلة الضــلما نـشب القناديــل@@@@ ونحكم بشرع الي خلق كل الابرار

هذي علـومي قلتــها بالتماثيــل @@@@وعديـت فيهـا كل ماشـفته وصـار

قم يانـديبي شـب نار المعاميــل@@@@ محلا سواليـفن على شبـت الـنار

رد: هذي قصيدتي اطرحها بين يديكم وانتظر تعليكاتكم
 

[color=#0033FF][size=5][align=center]صح لسانك لاتوجد ملاحظات في القصيده من حيث الفكرة والمعاني والتصوير ولكن نرجوا تعديل بعض الأخطاء الأملائية مثل (يشفي القلوب المعاميل ) التصحيح (يشفي القلوب المغاليل) ولك جزيل الشكر ونرجو تقبل النقد بالصدر الرحب [/align][/size][/color]

[color=#000099][size=7][align=center]تقبل مروري أخوك/صــــــــرام[/align][/size][/color]

رد: هذي قصيدتي اطرحها بين يديكم وانتظر تعليكاتكم
 

شكرا ياصارم على تعديل الخطا والحقيقه انا ماوضعت القصيده في هذا المنتدا الا ابي اسمع مثل هذي التعليقات الجميله وشكرا على مرورك ياصارم واتمنى اني اسمعلك نص جديد

رد: هذي قصيدتي اطرحها بين يديكم وانتظر تعليكاتكم
 

[frame="6 80"][size=7]صح لسانك وراجع البيت الثالث [/size][/frame]

رد: هذي قصيدتي اطرحها بين يديكم وانتظر تعليكاتكم
 

القصيده طيبه وانت اطيب بس عندي سؤال اذا ممكن اجابه .......كم عمرك يانجم الجدي؟

رد: هذي قصيدتي اطرحها بين يديكم وانتظر تعليكاتكم
 

الحقيقه اني توني داخل سن العشرين ولم اعرف شي اسمه شعر الا قبل سنه ونصف وبعدها اهتميت به والان اطرح تجربتي امامكم عل وعسا ان تنال على اعجابكم ولاكن لماذ السؤال ياعليمي ااااااقصد يامتعلم

رد: هذي قصيدتي اطرحها بين يديكم وانتظر تعليكاتكم
 

عشان اقولك الله يوفقك وفالك التميز

رد: هذي قصيدتي اطرحها بين يديكم وانتظر تعليكاتكم
 

شكرا ياعليمي بس هذي ايجابه ليست كافيه ماقلت في تجربتي اي حاجه واتمنى تعليقاتك لاني اكيد راح استفيد منك

رد: هذي قصيدتي اطرحها بين يديكم وانتظر تعليكاتكم
 

صح لسانك صراحه قصيده ممتازه نجم الجدي الشاعر وبدايتك حلوه

أنا مثلك مبتدى ويمكن بعد بعمرك أبغى أنصحك نصيحه من أخو معجب فيك وبقصايدك


أبغاك يانجم الجدي تميز نفسك بالافكار والمفردات والمعاني كي أي حد يقرا قصيده لك بدون مايقرا أسمك

يقول هاذه نجم الجدي من أسلوبه واحكامه بالقصيده كذا تخلي شعراء يخذون من أفكارك الجديده

ويسير لك لون خاص متميز حتا بألفكار تقوم تلعب فيه بقوافي ثانيه مثال لشاعر حامد زيد القدير يقول


ياشوق تلعات الرقاب الغنادير يامنبر الدين الحنيف وحسامه هاذي قصيده المملكه عندنا غير


يافزعه المبلي ليا جاك منهان ياشوق تلعات الرقاب المزاين هاذي قصيده أول الغيث

يارهبة هزت سراجيف الانذال يا شوق تلعات الرقاب الرغايد


وفي باقي وأجد مثل فكرة هاذي البيت

الشاعر حامد زيد قدر يثبت نفسه بتميزه بالأفكار ولو تلاحظ كل قصايده بنفس الافكار لاكن القوافي متنوعه

وهاذه شي يحقله صراحه خل الشعراء ثانين يخذون من أفكاره وصار ستاذ بالشعر

على العموم أتمنى أنك فهمت الفكره وهاذي مو نقد بالعكس والله أتمنى لك كل خير
الله يوفقك ويزيدك من العلم ومره ثانيه صح لسانك ولا تحرمنا من جديدك

رد: هذي قصيدتي اطرحها بين يديكم وانتظر تعليكاتكم
 

صح السانك اخوي نجم الجدي على هذي القصيده ما اقول لا الي قالوه اخواني ماشاء الله ما خلوا شئ

وشكراً