قصيدة حفل تعيين شيخ الوثالين
 

[size=6][align=center]بسم الله الرحمن الرحيم

هذه القصيده بمناسبة حفل تعيين شيخ الوثالين من المجامعه


توكلنا على الله والله الوالي رفيع الشان
عظيم جل شانه قبل ذكر الخلق نبدابه
كريم" جل شانه وأسأله رحمته والغفران
وسيع الرحمه اللي دون خلقه ماقفل بابه
بعدها مرحبا في مرحبا ترحية الصفطان
عدد ماخط من راس القلم تحرير وكتابه
باسم شيخي وربعي مرحبا مليون بالضيفان
تراحيب الوفا بأهل الوفا من شيخ" ولابه
تراحيب الثنا لأهل الثنا بالشكر والعرفان
لامن جانا وشرف حفلنا أهلآ وسهلابه
تشرفنا بمن جانا من العربان والشيخان
لهم منا جزيل الشكر والتقدير يثنابه
يزين المدح في ربعي هل الوقفاب فالميدان
لنا مجدن مع التاريخ يزهانا ونزهابه
مجامعتن ياكم فزنا وكم خظنا من الاكوان
رجال كلنا وقت اللقا صله وحرابه
هل المثلوثه اللي تنذكر في ماضي الازمان
فوقت الجوع لاجا ضيفنا ماقد بلشنابه
نبركله ضهور الحيل و نفطح له الطليان
معا بر ومرق والتمر دونه ماذخرنابه
سبيع أنا سبيع اللي لنا فالطايله عنوان
هل الغلبا نعم حنا هل الغلبا وغلابه
علا كبود العدا سم" ذحاح وفالقا شجعان
ليا من صاح صياح الهجاد وقيل
يالابه
ودون ديارنا نثني لنا خيل ولنا فرسان
وحد ديارنا ياشين حظ اللي تهقوابه
جنوب ديارنا بيشه شمال ديارنا الصمان
ومن حد تربه غربآ وشرق الهضب وهضابه
لنا سلم"تناقله البشر في سيرة الجيران
ندله جارنا ونقدره ونقدر اصحابه
واقرب الأمثله جار المهادي عندنا برهان
وأبن دهيم عن جاره عفا قبل أن يضحابه
وثبت فعله المشهورشعر الشيخ أبن سفران
قصيده قالها شالح بها الموضوع واسبابه
هذا العلم الوكاد ومختصر نبذه عن السبعان
ياكم فعل" تعرفونه لو أنا ماشرحنابه
ليا عدت فعول سبيع فيها يرجح الميزان
ولابه علم طيب الاسعيناله ونحضابه
يقولون العرب ينجا البطل وان والكريم امعان
هذا وجه الصحيح ومانقوله ماكذبنابه
وبعد ماجا معزي واستتب لامن والامان
نعيش بفضل حكام السعوديه ونهنابه
غدو كل القبايل بعد حكم ال سعود اخوان
ولا غزوه ولا هده ولا تصبيح ونهابه
تحت رايتك عبدالله تحت رايتك
يا سلطان
ونايف ثالث الاثنين كل الشعب يرضابه
وصلاة الله على محمد رسول الله نسل عدنان
عدد من حج بيت الله وكبربه ولبابه



الشاعر /مجري بن مسند بن حشر المجامعه[/align][/size]

رد: قصيدة حفل تعيين شيخ الوثالين
 

الاخ الفاضل فارس المجامعة تحية طيبة وبعد

أشكرك على تنزيل هذي القصيده في منتدا سبيع الغلباء

رد: قصيدة حفل تعيين شيخ الوثالين
 

مسوينا شي اخوي مجري

ومشكور على المرور

والقصيده الرائعه

رد: قصيدة حفل تعيين شيخ الوثالين
 

[size=6][align=center]مشكور وما قصرت ولا هنت[/align][/size]

رد: قصيدة حفل تعيين شيخ الوثالين
 

[frame="1 80"]مجامعتن ياكم فزنا وكم خظنا من الاكوان
رجال كلنا وقت اللقا صله وحرابه
هل المثلوثه اللي تنذكر في ماضي الازمان
فوقت الجوع لاجا ضيفنا ماقد بلشنابه
نبركله ضهور الحيل و نفطح له الطليان
معا بر ومرق والتمر دونه ماذخرنابه

قصيده جزله من شاعر كفو[/frame]

رد: قصيدة حفل تعيين شيخ الوثالين
 

لاهنت على هالنقل الرائع

رد: قصيدة حفل تعيين شيخ الوثالين
 

[SIZE=6][COLOR=black]والله ومليون نعم بالمجامعه وصح الله لسان قايلها قصيده جزله ووافيه[/COLOR][/SIZE]
[SIZE=6][COLOR=#000000][/COLOR][/SIZE]

رد: قصيدة حفل تعيين شيخ الوثالين
 

[QUOTE=مترك ثواب;299476][SIZE=6][COLOR=black]والله ومليون نعم بالمجامعه وصح الله لسان قايلها قصيده جزله ووافيه[/COLOR][/SIZE]
[/QUOTE]
[CENTER][SIZE=7]خوالك المجامعة او إني مشبه في الاسم ممكن صحح لي المعلومة [/SIZE][/CENTER]

رد: قصيدة حفل تعيين شيخ الوثالين
 

[QUOTE=وادي رنية;299784][CENTER][SIZE=7]خوالك المجامعة او إني مشبه في الاسم ممكن صحح لي المعلومة [/SIZE][/CENTER]

[/QUOTE]


[B][COLOR=black]وادي رنيه مروحلك ريح ذيب اجل يومنك تقول خوالك المجامعه ؟؟[/COLOR][/B]