منتديات سبيع الغلباء - قلته وأنا طيار ما نيب ملاح !!!!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
احدنن ليا شفته له القلب يرتاح = واحدن ليا شفته تضيق الوسيعه
لو كان مايومن معي جاء ولاراح = احساس قلبي يشتريه ويبيعه
ان اشتراه ايجيب كساب الامداح = وان باعه اعرف مقصده ثم اطيعه
مايقبل الي يوم شيل الحمل طاح = برك بحمله ماقدر يستطيعه
ماله بخوة ضايع الراي مصلاح = الي قضى عمره وهو في مضيعه
عينه على الي لبس من طيبه اوشاح = صقرن تعلا فالجبال الرفيعه
الي ليا خاويته الهم ينزاح = شيخن جدوده من جنود الوديعه
الي من اجل ارض الوطن ساقو ارواح = اجيوشهم فامر المعزب سريعه
لاقال هيا جوه بجيوش وسلاح = وسيوف هندن في يدينن شجيعه
حدبن رهيفة حد نزاعة ارواح = مسمومتن فيدين اهلها مطيعه
من صكته لاعنه تنشد متى راح = يبقى فريسه للسباع المجيعه
فلته وانا طيار مانيب ملاح = كبتن شعر من روس قومن شجيعه
اسبيع من رنيه ليا صيهد ارماح = من حيث ماهب الهواء اتسد ريعه
مثل الجبل ماهزته اية ارياح = واصابة الي يصتدم به شنيعه
وان جاء نهارن فيه نادب وصياح = من فعلنا تشيب روسن رضيعه
واخدو كلام الصدق مانيب مزاح = والنعم في كل القبايل جميعه
واليوم نحمد ربنا فمن وافراح = في ضل ابو متعب وحكم الشريعه
واختامها عداد مابارقن لاح = صلو على الي حض منهو شفيعه

الشاعر/ناصر عبدالله السبيعي[/poem]