عتاب لاذع للساحه الشعبيه
 

[poem=font="Simplified Arabic,6,blue,bold,normal" bkcolor="white" bkimage="" border="outset,2,gray" type=0 line=0 align=center use=ex num="0,black"]



فيما يسمى بثورة معلوماتيه= الشعر ضاع وغزاه أفكار هدامه
يا كثر الازعاج يا ساحه يا شعبيه= ما هكذى ينبغي للشعر وأعلامه
الواسطه والمصالح والشلليه= فيروس الابداع موت الشعر وإعدامه
يطفو على السطح حاجاتٍ خياليه= واللي يشوف العجائب ما هي احكامه
كلٍ يغني على ليلاه ووخيه= من زود الاعجاب شال الصوت قدامه
وافقني الرآي ومدحني علنيّه= صادقني أجعلك شاعر فارع القامه
وأحط صورتك بين العالم الحيه= على غلاف المجلة وأرفع الهامه
وأن شفتني بتضاهر بالحياديه= في صالة الاختبار أعطيك برشامه
هذي سياسة صحافتنا الخليجيه= الغث قبل السمين يحقق احلامه
لو نسبته ما تجي عشرين بالميّه= نجبّر له الميئه اللي تجبر عظامه
وهناك عبر القنوات الفضائيه= كل ربط ميكرفونه داخل حزامه
فاصل ويعطيك فرصه يا بعد حيّه= يا فلتت الشعر يا مشروع يا خامه
خليك جاهز ومتزين وشخصيه= سبحه وثوب وكبك وعقال وعمامه
عادةّ لك الكيمره يا حامي الهيه= أهرج عن الشعر كله وأمسك زمامه
دوكيه قلبه وانا معطيك حريه= عملاقه اليوم لوّنك من أ قزامه
واخوك و إلإ ابن عمك يتصل فيه= قبل البدابه عطيت المخرج ارقامه
يمدحك يطلب قصيدتّك الفلانيه=يثني عليّ وعلى البرنامج أمامه
أخلص وحرك يدينك برتجاليه= وراك مرخيٍ نظرك وفيك سلجامه
والآجودي ماخلق معدوم ياهنيه=توّه حديث التجارب محدً ضامه
أهم شيء يتواسى فوق كرسيه=ويخاف لا يلتفت ينحاس مرزامه
ماعنده إلإ قصيداتٍ غزليه= ثنتين حفظ وثلاث أوراق بأكمامه
وان قلت مستور وإلإ فيصل العيّه=قال أف مافيهم اللي زين هندامه
لاحظ ودقق فإجابة طيب النيه= يخلط مفاهيم ويجاوب من إلهامه
لاشعر لانقد هادف لاشففيه=سبب عزوف المشاهد و اعلن صيامه
كنه معشيه فالحلقه ملوخيه= وأستغفر الله لا نكران بانعامه
مع طفحت الكيل زاد الكم كمّيه= والكيف لاذ وتوارى داخل أعتامه
إلى متى؟ وين؟ يا ساحه يا شعبيه= ما هكذى ينبغي للشعر وأعلامه

مفرح بن بداح[/poem]

رد : عتاب لاذع للساحه الشعبيه
 

[size=4][align=center]فيمـا يسمـى بثـورة معلوماتيـه الشعر ضاع وغزاه أفكـار هدامـه

صح لسانك يابوعبداللــه

وبيض اللــه وجهك

قصيده تحكي وضع الساحه الشعبيه في الوقت الراهن

وما فيها من الغث والسمين

صح لساااانك مره اخرى وبيض اللــه وجهك[/align][/size]

رد : عتاب لاذع للساحه الشعبيه
 

[size=4][color=#330066]صح لسانك اخوي ابن بداح





قصيده جزله ورائعه





ماشاء الله عليك




مشكور يالغالي[/color][/size]

رد : عتاب لاذع للساحه الشعبيه
 

تسلم وصح لسااااااااااااااااااان الشاعر


والكاتب وهذا اللي حاااااااااااااااص ها لايام كم من شاعر


ضاع حقه وكم من ماااااااااااااااااارد شاع صيته

رد : عتاب لاذع للساحه الشعبيه
 

[size=5][color=#009999][B][align=center]صح لساااااااااااانك ياشاعر الكبيييير

وكتبت الواقع اللي نعيشه اللحين

لاهنت وصح لسااااااااااااااااانك مره ثانيه

اخوك عرق الشري[/align][/B][/color][/size]

رد : عتاب لاذع للساحه الشعبيه
 

صح السانك يابن بداح وبيض الله وجهك ولاهنت على القصيده الجزله

تحياتي

رد : عتاب لاذع للساحه الشعبيه
 

[size=4][color=#990000][align=center][B]تستاهل الساحه الشعبيه

ماقلت يابو عبد الله

صح لسانك ملااااين

وماقلت غي واقعها

لاهنت

اعجابي بما كتبت[/B][/align][/color][/size]

رد : عتاب لاذع للساحه الشعبيه
 

صح الله لسااااااانك مليووون يابووووووعبدالله

قصيده في غاااية الروووعه وفي غاااية الاهميه

وفي الاخير ماايصح الا الصحيح


تقبل شكري وتقديري

رد : عتاب لاذع للساحه الشعبيه
 

صح لسانك يا بن بداح...

قصيده رائعه...تحكي واقع مرير...

و كما قال أحد الأخوه...لا يصح الا الصحيح..

و لكن ...ما العمل ؟ و كيف نحارب الشلليه؟

و هل نعالج الخطأ...بخطأ مثله؟

[poem=font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اذا دفع الشر القبيح بمثله=تحصّل شر ثالث و تولّدا
و أمست دواعي الشر ذات تسلسل=مديد و صار الشر في الناس سرمدا[/poem]

و تقبل تحياتي..

رد : عتاب لاذع للساحه الشعبيه
 

[size=5]تمنيت أن اكون من ثبت هذه الراااااااااااااائعة .


حقيقة أرشحها للنشر في الجرائد والمجلات الخاصة بهذا الفن


واتوقع أن يكون لها صدى كبير




دمت ودام إبداااااااااعك يا ابا عبد الله



اخوك ابو عمر[/size]