منتديات سبيع الغلباء - قصيدة السميري في قبيلة الملوح من سبيع

[color=#A0522D][size=4][align=center]السلام عليكم ورحمة الله وبركاته

انقل لكم قصيدة الشاعر / ذعار بن رابح السميري العتيبي في جيرانه الملوح [/align][/size][/color][poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام يامن منبّع الطيب ساسه=سلام ياساس الوفا معدن الطيب
الطيب معهم مالحقنا قياسه=اهل بيوتٍ بنّيت للمواجيب
الطيب فيهم دارسينه دراسه=طيبٍ على ميراث مافيه تكذيب
خالد ولد سحمي وسحمي براسه=ومعيض ملفاء اللي يبون المعازيب
املوح في وقت القسى والفراسه=فهود الزراج معلقين الاصاويب
عدوّهم ذاق النكد والتعاسه=وصديقهم دائم بروس المراقيب
ياشرسهم للي يريد الشراسه=وياطيبهم للي يبا مذهب الطيب
واليوم في وقت الرخا والاناسه=عذروبهم للجار كثر التراحيب
وكيفٍ لمن ذاقه يطيّر عماسه=وكبشٍ ليا قدم كبير الاعاصيب
بسبيع غنّيت القصيد بحماسه=وانا من اللي يغلقون المطاليب
إعتيبه اللي تستحق الرئاسه=من نجد نزحنا كثير الاجانيب
نركض على الملبس ونجدع إلباسه=في ساعةٍ يحظر بها الفكر ويغيب
واليوم قنطار الذهب مع نحاسه=أمن وأمان وكل شيٍ بترتيب[/poem]

[color=#A0522D][size=5][align=center]ورد عليه الشاعر / مفرح بن محمد الملوح بهذه القصيدة [/align][/size][/color]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله ياللي من يخافون بأسه=ينجون في يومٍ على الكافر إصعيب
ياسامع اللي ماقطع منك ياسه=في مانوى تهديه للحق ويصيب
لاغرّ في عمق البحور ومقاسه=والشعر له نقّاد وهوه تواهيب
عسى نصيبي مايحصل طفاسه=وقسمي يجي من طيّبات المكاسيب
عفرٍ يشوّق لونهن بأقتباسه=قرايعٍ من زاهيات الدباديب
للي لساس الطيب عنده غراسه=ذعار ستر المترفات الرعابيب
سعدٍ لمن ينس بصدره حساسه=لاجرّدت هدف السيوف المحاديب
للضيف ماعند السميري جفاسه=منهم نويفع ماضيٍ له تجاريب
عن طيّب السمعه سمعت التماسه=كم نوخوا عنده على شمخ النيب
ماصد عنهم في محل إندساسه=منصاً لهم ماجنّبوا عنه تجنيب
من لابةٍ للضد فيهم نحاسه=واهل الكرم يوم الليالي شلاهيب
عتبان يوم ان للجموع إحتماسه=بقيادة اللي يرذي الفطّر الشيب
خيّالهم كم فارسٍ شرب كاسه=وخيّالة أمس اليوم هم المناصيب
كم شيخ قومٍ فقد فاخر مداسه=من غارة العتبان كله أشهب الذيب
كم مرقمٍ خوفٍ رعوا في مساسه=جوسٍ على من فيه غصبٍ بلا طيب
نجد المسمّى نزحوا منه ناسه=بفعولهم مافيه شكٍ ولا ريب
واليوم تحت أمر الحكم والسياسه=ماعاد به بندق ولابه مشاعيب
في ظل حكم اللي قليلٍ نعاسه=صفٍ سوى لاولّعن المشاهيب
كم طامعٍ نرجي من الله فلاسه=وارض الشريعه في ذرى عالم الغيب[/poem]