منتديات سبيع الغلباء - يا راكبين (ن) فوق مثل الحنايا = درم السماري ضمّر (ن) كنهن هيم

[U][size=5][align=center]بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة الجميلة والمعبرة لشاعر القبيلتين الكبير / دسمان بن مناحي المحمدي السبيعي وفقه الله وحفظه في الشيخ / مسلط بن شعيفان اّل أبو اثنين وفقه الله وحفظه ويقول فيها :-

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـا راكبين (ن) فوق مثل الحنايا = درم السماري ضمّر كنهن هيــــــــــــم

عـطاش روي صادرات ظمايــا = شربن وهن منول وقـــــــــف حيـــــــم

نحاف خفــــــاف شـــابعات طوايــا = هيــــــف (ن) مهاديف (ن) وقطم (ن) مكاظيــــــــم

بنات ساس ما دخلهن شـــــرايـــا = من بطن سادس ما خلطهن مجاهيـــــــم

مـا وقفن لمقلبين الوقايــــا = ولا دوروا لرقــــومهن في التعــــاميم

شدوا عليـهن يا هوات المـــــطايا= من رنية الــــــــــفيحاء بوقت الغلاسيم

أعطوا بـــهن فج (ن) وسيـــــع النحايا = وامشوا بهـــن بين الــــــهضاب المراديم

ولا جت خشوم العــــــرق مثل الحوايا = شوفوا لهن زين النتق والمخاريـــــــم

مروا بهن مدهــــال سحـــــج الخلايا = ديرة سبيــــــــــــــع مثبتين المراسيم

بقفور جيــــان (ن) خفوش ونبـــــــايا = وذيك الخبب في ما مضى مدهل الـــريم

ومروا دهو واد (ن) دماث شــــــــــــــغايا = عله من الودان ديم (ن) على ديــــــــــــم

والدرب مع مخيط عذي العثـــــــــايا = والهجرة اللي في خشوم (ن) زلاقيــــــم

وفيضوا على جو (ن) كثير القرايـــــــــا = وتزودوا من سوقها بالمقاسيـــــــــم

هذي قرايا العرض زين الشحايـــــــا = تلقون فيها رمس بيع وتساويـــــــــم

ولكم مع قذلة سماح الرهايـــــــــــا = والسر وظهور الجلوه المثاليـــــــــم

وفوتوا على تبراك دمث الخبـــــايا = وقنيفذه معها دروب ومهازيـــــــــــم

فلا بان وجه طويق مثل الشظايـــــــا= وجهه من القبلة شقوق خشاريـــــــــم

ضلع (ن) مهيف (ن) لــــه قرون وثنايا = متعلق (ن) به سكة كنها السيـــــــــــــــم

تباشروا بالخير يا أهل الحمايــــــــــا = وذبوا مع الطلعة وهنه مخازيــــــــــم

واخذوا بــــهن بين الفلل والزوايا= للفاخرية ما تريدون تعليــــــــــــــــــم

تلفون بيت (ن) بيـــــــــــــن ذيك البنايا= بيت (ن) نضاهي به بيوت الحتاتيــم

ارخوا جريد ارقابهن بالعصايـــــــــا = وحطوا وثنوا عقلهن بالخداديــــــــــم

مقلاطكم بعد التعب والعنايـــــــــــا = في مجلس (ن) يجمع ضيوف ومعازيـــــم

فيه الشحم ما تحتمـــــــــله الصنايا = كيف (ن) يقدم للنشاما وتكريـــــــــــــم

والعود الأزرق والدلال المـــــــــلايا = بن اليمن ياللي لشربه مضاريـــــــــم

في دار ابن الأزمع بــــــــعيد النوايا = شيخ (ن) على منهج شيوخ شغاميـــــم

ياما كسا عورت ضعوف عـــــــــرايا = وياما رفع حمل الديون المراكيــــــم

وياما عطا من طــــايلات العطايــــــا = وياما جلا من ضيم من يشكي الضيم

اللي بدا بالطيب رؤس العــــــــلايـــا = طيب (ن) على طيب (ن) على طيب ومقيــــــم

يفرح إليا جوه النشاما لفايــــــــــــا = عقاد حلال العقود المباهيـــــــــــــم

ابــــن الكرام مطوعيـــــــن السبايا = في ساعة (ن) عج الرمك كنه الغيـــــــم

أهل سربـــــــة (ن) يردون حوض المنايا = قد حطموا في صفحة المجد ترقيـــــم

سقم الحريب مزبنيــــــــــن الجنايا =أهل المبادي والقيم والمفاهيـــــــــم

ربــــــــع (ن) قلايعهم من البل رعيايا= ومن المهار القحص حمر (ن) زراديــــــــــم

مثل البحر لا هاج ما ينتنايـــــــــا = وإلا الجبال الشامخات الأشاميــــــــــــم

تتبع لساقتهم طيور الحدايــــــــا = تملا مخالبها وتملا الحلاقيـــــــــــــــــم

تامن بهم في الخوف وطف العشايا= اللي مهادلها سوات الخـــــــــراطيم

يا أمير ما قصدي فلوس وهدايـــــا= أيضا ولا لي في المعاريض تقديــــــــــم

قريحة (ن) هاضت بما في الخفايـــا = وديان جاشي سبلتها مرازيــــــــــــــــم [/poem]

منقول مع خالص التحية وأطيب الأمنيات وأنتم سالمون وغانمون والسلام .[/align][/size][/U]