(( ديرة خوالي وجدي )) للشاعر / مسلط بن حسن العتيبي
 

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
(( ديرة خوالي وجدي ))

أرتاح في ديرة خوالي وجدي =لو ماأهتني فيها من الزاد مطعوم
خليتها ياناس ماهوب ودي =شي مقدر في حياتي ومقسوم
ياناس خلوني لا أبيح بسدي =وأقول شي داخل الصدر مكتوم
أبكي ودمعي سايل فوق خدي =على الديار اللي بها أطلال وأرجوم
شوفي لها عن كل شي يسدي =وفي حبها والله مانيب مليوم
ودي بداري لكن الوقت ضدي =قاسي وغيره ضيقة الصدر وهموم
الدار داري غيرها مانبدي =ودي بها لو حالوا الفرس والروم
والله ما أتركها وعنها ما أشدي =ولو ساوموني فأرضها ما أقبل السوم
بوصيك يالمرسول ياللي تودي =ود العلوم الطيبه دايم الدوم
لأهل الكرم والطيب والعود ندي =ذباحة الخرفان والفطر الكوم
وقت الشدايد والمحن ماتصدي =فزاعة في الضيق نطاحة القوم
يا لا يمي فيها تراها مردي =باعيش فيها دام ماقيل مرحوم

الشاعر / مسلط بن حسن العتيبي[/poem]

رد: (( ديرة خوالي وجدي )) للشاعر / مسلط بن حسن العتيبي
 

صح لسانك يامسلط
ولاهنت

رد: (( ديرة خوالي وجدي )) للشاعر / مسلط بن حسن العتيبي
 

[size=5][align=center]أخي الكريم الفاضل الشاعر / مسلط العتيبي السلام عليكم ورحمة الله وبركاته وبعد : شكرا جزيلا لك على هذه القصيدة المعبرة عن الديرة والمربى قتال كما قيل وكم منزل في الأرض يألفه الفتى وحنينه أبدا لأول منزل وصح لسانك وسلم نبضك وبنانك وإعتلا شانك وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا والله يحفظكم ويرعاكم مع خالص التحية وأطيب الأمنيات واسلم وسلم والسلام . [/align][/size]

رد: (( ديرة خوالي وجدي )) للشاعر / مسلط بن حسن العتيبي
 

[size=6][align=center]صح لسانك يا عتيبي[/align][/size]

رد: (( ديرة خوالي وجدي )) للشاعر / مسلط بن حسن العتيبي
 

[size=6][align=center]مسلط العتيبي صح لسانك على هالجزله[/align][/size]

رد: (( ديرة خوالي وجدي )) للشاعر / مسلط بن حسن العتيبي
 

[size=5]صح السانك ياعتيبي والله يردك لديرتك ويهنيك بها [/size]