قصيده في ربعن لنا في جده
 

السلام عليكم ورحمة الله وبركاته وبعد
حبيت اشاركم اليوم بقصيده لعم لي يرغب في عدم ذكر اسمه( ذال على نفسه) والله لوانه ابن جدلان على غفله داري هاذي ردودكم لاكن ماهي مشكله
وعمي الله يسلمكم رجال مايداني جده وله ربع في جده ودايم يقول لهم ليه ماتعودون للديره كبو عنكم التهمان وديارهم وهم رياجيل طحاطيح مايسمعون في جده وانا والله ماني بلايمهم لعودنا للصدق ديرتنا بسم الله ماشاء الله زينه ونحبها لاكن ماودك ابها . ويوم جاء المطر والسيول على جده تهيض الرجال وكتب ذيك القصيده المليانه الروينه الشبعانه الممتسه اللي ساد نسمها واللي يقول فيها

ياربعنا عقب الكوراث سلامات ... والعيد جعله بالفرح دوم عايد
والحمد لله والثنى عشر مرات ... مادامكم حيين والخير سايد
اليوم يالتهمان هاذي علامات ... قمنا نشوف ابيوتكم فالجرايد
توبو لربن فوق سبع السموات ...لاسلم راس المال بصر الفوايد
والحمد لله يارجال المهمات ...ياهل الوفاء والطيب واهل العوايد



واهل جده رياجيل فحول في الشعر مايردون الا بالمعلقات ولذالك فهم في طور اعداد معلقه يزري فيه كبار الشعراء
وانشاء الله متى مااكبسوها اني ابنزلها في المنتدى العزيز لاكن ظني ان ماها واجد



عموما اتمنى ان ينال موضوعي اعجابكم وانكم لفتحتوا الموضوع تبطون وتقرون الموضوع كامل
ماهوب تفتح الموضوع وتطلع كنك شايف جثه
وسلامتكم

رد: قصيده في ربعن لنا في جده
 

صح لسانك ولسان عمك ههههههههههههههههه ابيات فكاهيه بس وين اللي يسمع؟؟
والله ان عمك صادق ليه مايعودون لديارهم ويتركون تهامه ؟؟؟؟؟؟
تحاياي يالعنصري والله لايورينا قوته ياولد الغلباء

رد: قصيده في ربعن لنا في جده
 

[CENTER][SIZE="5"]أخي الكريم الفاضل / السبيعي بعد السلام كل عام وأنتم بخير وصحة وسلامة وشكرا جزيلا لك على نقل قصيدة العم في أهل جدة والله يبيض وجهك ويجزاك خيراً ولا هنت واسلم وسلم والسلام .[/SIZE][/CENTER]

رد: قصيده في ربعن لنا في جده
 

صح لسان قايلها وتسلم يدين ناقلها

رد: قصيده في ربعن لنا في جده
 

مشكور يابومحمد11 ومايحتاج شهادتك لعمي نفخر بها لاكن تهامه مامثله ولاعيشه
وخيال الغلباء بيض الله وجهك ومشكور على الرد وجعلها في موازين حسانتك لانك شكلك انت وابو محمد اللى قرو الموضوع كامل مع احترامي للاعضاء الباقين