مرثية الشاعر / غازي بن عون في الشيخ / نايف بن مهدي بن وندان رحمه الله
 

[CENTER][SIZE="5"][U]بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم قصيدة رثاء في المغفور له بإذن الله الشيخ / نـايف بن مهـدي بن ونـدان رحمه الله وأسكنه فسيح جناته قالها شاعر الزهد والورع الكبير / غازي بن دخيل الله بن عون الرويس العتيبي وفقه الله وحفظه ويقول فيها :-
[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للقلـب بـنـك ٍما يقدر رصـيـده=بسوق العقار وبالذهب والملاييـن
رفقـة طليقيـن اليمانـي تزيـده=وينقص رصيد البنك موت العزيزين
الصفوه اللـي معرفتهـم مفيـده=في جانب الدنيا وفي جانب الديـن
وياما فقد من خزنتـه مـن فقيـده=شدوا رحايلـهـم وحنا مقيمـيـن
والعبد لو عمر سنـيـن ٍعـديــده=وملك عروش الهند والسند والصين
لــه ساعةٍ فيها المنايا تصـيـده=مكتوبةٍ فاللوح من بيـن قوسيـن
إيمانا ابها مـن شـروط العقيـده=قـول ٍيقيـن مثبـتٍ بالبراهيـن
ما وخذ من راوي ولا مـن جريـده=وخذ من القرآن ومن الصحيحيـن
أوحا به الباري على أفضل عبيده=اللـي بعـث بالمعجـزه للثقليـن
واللي دفعني لين قلـت القصيـده=فرقى عزيز (ن) تحزن القلب والعيـن
الماجد اللي لـه فعـول ٍ مجيـده=نايف حليف الجود سقم المعاديـن
ورث من أسلافه صروح ٍ مشيـده=ما عمروها بالخراسـان والطيـن
شيدت على سيسان جود ٍ جويـده=وجدرانها أفعال الزحول المياميـن
وحفيدهم شيـد صـروح جديـده=قول ٍ عليه شهود ما هـوب تخميـن
غيـر المكـارم والمزايا الفريـده=جمايله فاللـي يجـون متعنيـن
من جاه لو إنه من أقصى البديـده=اهتم به كنه من الربـع الأدنييـن
وأكمل شروط المطلب اللي يريـده=وسهل أموره عند الأدنى والأقصين
لعل روحه يـوم قبضـت شهيـده=ويحبر بصـف الأوليـاء والنبييـن
وعقب له رجال ٍسيرهـم حميـده=على مماشي شايع الصيت ماشين
وختامها صلوا على أفضل عبيـده=عد النبـات وعد وبـل الـوداديـن [/poem]

الشاعر غازي بن دخيل الله بن عون الرويس العتيبي هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .[/U][/SIZE][/CENTER]

رد: مرثية الشاعر / غازي بن عون في الشيخ / نايف بن مهدي بن وندان رحمه الله
 

صح لسان الشاعر الكبير غازي بن عون

ورحم الله الشيخ نايف بن مهدي بن وندان

لا هنت يا خيال الغلباء على النشر

رد: مرثية الشاعر / غازي بن عون في الشيخ / نايف بن مهدي بن وندان رحمه الله
 

[CENTER][FONT=Comic Sans MS][SIZE=5]صح لسان الشاعر الكبير غازي بن عون ورحم الله الشيخ نايف بن مهدي بن وندان
[/SIZE][/FONT]
[FONT=Comic Sans MS][SIZE=5]خيال الغلباء شكرآآ جزيلآ لك ولاهنت[/SIZE][/FONT][/CENTER]

رد: مرثية الشاعر / غازي بن عون في الشيخ / نايف بن مهدي بن وندان رحمه الله
 

[CENTER][SIZE="6"]الأستاذ / خالد الشماسي جزاك الله خيراً ولا هنت[/SIZE][/CENTER]

رد: مرثية الشاعر / غازي بن عون في الشيخ / نايف بن مهدي بن وندان رحمه الله
 

[SIZE=5][COLOR=darkred]رحم الله الشيخ نايف بن مهدي بن وندان السبيعي رحمة واسعه وادخله الله فسيح جناته انه سميع مجيب الدعاء[/COLOR][/SIZE]
[SIZE=5][COLOR=darkred][/COLOR][/SIZE]
[SIZE=5][COLOR=darkred]وصح لسان الشاعر/غازي بن عون العتيبي 0 ولاهنت ياخيال الغلباء على النقل اسلم وسلم[/COLOR][/SIZE]

رد: مرثية الشاعر / غازي بن عون في الشيخ / نايف بن مهدي بن وندان رحمه الله
 

[CENTER][SIZE="6"]نبع الوفاء جزاك الله خيراً ولا هنت[/SIZE][/CENTER]

رد: مرثية الشاعر / غازي بن عون في الشيخ / نايف بن مهدي بن وندان رحمه الله
 

[CENTER][SIZE="6"]الزعيم الأول جزاك الله خيراً ولا هنت[/SIZE][/CENTER]