منتديات سبيع الغلباء

[SIZE=5]بسم الله الرحمن الرحيم[/SIZE]

[SIZE=5]هذي قصيده وحبيت انزلها لكم يا الربع [/SIZE]
[SIZE=5]والمناسبه اتعذرها [/SIZE]

[SIZE=5]ياسعود مادام الحقايق لها باب[/SIZE]
[SIZE=5]وراك ما تقرع لها الباب يا سعود[/SIZE]

[SIZE=5]لاشك في هذي وهاذيك كذاب[/SIZE]
[SIZE=5]ما للعام تونس لك على الكبد لاهود[/SIZE]

[SIZE=5]يااللي تعذر وانت غادر ونصاب[/SIZE]
[SIZE=5]فالعذر في سلم الاجاويد محمود[/SIZE]

[SIZE=5]ضربت لك خبتن تعاوا به اذياب[/SIZE]
[SIZE=5]وعديت راس الواد والواد مسدود[/SIZE]

[SIZE=5]وجهك بعد هذي تقل ريشة اغراب[/SIZE]
[SIZE=5]ولا لك وجودن بين الاصحاب موجود[/SIZE]

[SIZE=5]احدن ليا من غاب بين له اغياب[/SIZE]
[SIZE=5]واحدن ليا من غاب ماهوب مفقود[/SIZE]

[SIZE=5]وانته ترانا ما نحسب لك احساب[/SIZE]
[SIZE=5]ولنته ترى من بين الاصحاب معدود[/SIZE]

[SIZE=5]اللي يدور كيف تفريق الاصحاب[/SIZE]
[SIZE=5]وزود حطبها بين حامد ومحمود[/SIZE]

[SIZE=5]وشبت شبايبها تقل راس مشهاب[/SIZE]
[SIZE=5]وراحت كما نارن على جال بارود[/SIZE]

[SIZE=5]ان كانها بذراع من دونها اشناب[/SIZE]
[SIZE=5]وان كانها بالصوت فالعلم مردود[/SIZE]

[SIZE=5]مانيب ادور للمشاكل ولا هاب[/SIZE]
[SIZE=5]لكنها فالجوف نيرانها اتزود[/SIZE]

[SIZE=5]مير انتبه لا تقرب الضرس والناب[/SIZE]
[SIZE=5]ثم تطحنك يا لقمتن مابها فود[/SIZE]

[SIZE=5]ان كان قال اعراب حنا ترى اعراب[/SIZE]
[SIZE=5]افعالنا في وقت طارد ومطرود[/SIZE]

[SIZE=5]راياتنا ترفع على راس مرقاب[/SIZE]
[SIZE=5]وراياتكم سودن من فعولك السود[/SIZE]

[SIZE=5]وسلامتكم[/SIZE]