|
قصائد ...
بسم الله الرحمن الرحيم
السلام عليكم ورحمة الله وبركاته هلا والله ومليون غلا الشاعر/فيصل الباهلي ويقول:. لـــولا المـواقف ما عرفت الرجاجيــــــل ,,-¦-,, والرجــل يعرف بالشدايــد والافعــــــال أنا اشــهـــــد به نـــــاس وقت البهاذيــل ,,-¦-,, لاجــــد وقت الجد تطـــرى على البـــال من يعجبــــونڪ في جميــع المداخيـــل ,,-¦-,, نـــاس ٍ تعـــز الطيب من ڪـل مدخــال وما ڪـل رجــــال ٍ يمـــــــد الفناجيـــــل ,,-¦-,, يتبع دروب الطيب في ڪـل الاحــــوال وترى العمـر ماهوب فـرق المشاڪـيل ,,-¦-,, والهــــرج مايرفع من الناس دجــــــال بعض الرجال ڪـبار لـڪـن مهابيـــــل ,,-¦-,, المـرجلــــة ماهيب بالڪـبـر والمــــال وبعض الرجــال اجسـام لڪـن تماثيـــل ,,-¦-,,, جســم ٍ ڪـبيـــر وداخلـه قلب تمثــــال يملى عيونڪ بالشڪـل ڪـنه الفيــــل ,,-¦-,, ولاحـــان وقت الجد ڪـذبت الاشڪال ما ينفـعڪ وقـت الشقــــــا والغرابيــــل ,,-¦-,, ياليت تسلـــم من ڪلامـه والاقــوال ومنهــو يـضــن إن المـظاهــــر دواليـــل ,,-¦-,, بـه ناس نقـص وتلبس شماغ وعقـال والـــدلة اللي دون نــــــــار ومعاميــــــل ,,-¦-,, ماتسقـــي الخرمـــان لو ربع فنجـــال وبعض الرجـــال يڪيـد لڪ بالمحابيــل ,,-¦-,, يخفي بضحڪه لڪ من الحقـد زلزال الســـن ابيــض لڪـن القلب ڪالليــــل ,,-¦-,, ماڪل من يضحڪ معڪ يسعد الحال ولولا الحسـد والبغـض والقــال والقيــل ,,-¦-,, ڪان العــرب صارت على قلب رجـــال هذا ڪــــلام الحق من غيـــــر تبديـــــل ,,-¦-,, حبيت اقــول الصــدق والصـدق ينقـــال اقبـــل ڪلامي فيه بعـــض التفاصيــــل ,,-¦-,, شــي مجـــرب ماخرصتـــه من البــــال ولـولا المواقـف ماعرفت الرجاجيــــــل ,,-¦-,, وڪان استوى بالهرج خايب ورجال الشاعر/فواز الشهيب ويقول:. يقهرني اللـي فـي شبابـه مايفيـد ولا يثيـب ــــــــــــــــــــــــــــــــــــــــــــــــــــــــــــــــــــــــــــ اللي علـوم المرجلـه مايربطـه معهـا صلـه اللي لا جيته تنصحه يضرب على نصحك صليب ــــــــــــــــــــــــــــــــــــــــــــــــــــــــــــــــــــــــــــ ويقول ياشيـخ استـرح مالـي ومـال البهذلـه ويعجبني اللي في شبابه يلتعـب وتقـول ذيـب ــــــــــــــــــــــــــــــــــــــــــــــــــــــــــــــــــــــــــــ اللي ليا منّه تعب يتعـب مـن اجـل المرجلـه والمرجله ماهي بسهلـه دربهـا دربٍ صعيـب ــــــــــــــــــــــــــــــــــــــــــــــــــــــــــــــــــــــــــــ واللاّش يجهل دربها وامّـا الكفـو مـا يجهلـه ومن لا جمعها في شبابه ماجمعها فـى المشيـب ــــــــــــــــــــــــــــــــــــــــــــــــــــــــــــــــــــــــــــ ورجّـلٍ بليّـا مرجلـه مالـه مكـان ومنزلـه ماهو غريب الرجْل يعمل لكن الشـي الغريـب ــــــــــــــــــــــــــــــــــــــــــــــــــــــــــــــــــــــــــــ شخصٍ تعدّى عمـره العشريـن ويخسّـر هلـه هذاك في قلبه مـرض لكـن جعلـه مايطيـب ــــــــــــــــــــــــــــــــــــــــــــــــــــــــــــــــــــــــــــ لا صار ماينفـع هلـه ولا يجيـب النفـع لـه يخسى ترى ماهو رجل أقولهـا وانـا مصيـب ــــــــــــــــــــــــــــــــــــــــــــــــــــــــــــــــــــــــــــ ويقلـون قـولٍ تستحـي يالآدمـي منـه قلـه أقولهـا ولا استحـي لا مـن بعيـد ولا قريـب ــــــــــــــــــــــــــــــــــــــــــــــــــــــــــــــــــــــــــــ واللّي زعل من كلمتي ما همّنـي هـو وزْعلـه اللي ماينفع فى الزمن ودّك عن عيونـك يغيـب ــــــــــــــــــــــــــــــــــــــــــــــــــــــــــــــــــــــــــــ ياليت يوجـد لـه قطـع غيـار لجـل انبدّلـه والمشكله هو كيف عايش يا عجايب يا عجيـب ــــــــــــــــــــــــــــــــــــــــــــــــــــــــــــــــــــــــــــ ما حقّـه ألاّ مـن يفجّـر فـوق راسـه قنبلـه يقهرْك يوم تعاتبه ويقول انا مـن ويـن اجيـب ــــــــــــــــــــــــــــــــــــــــــــــــــــــــــــــــــــــــــــ عاطل وما حصّلْتلي عمل علـى شـان أعملـه ياخي ماهو لازم تصير استاذ أو تصبح طبيـب ــــــــــــــــــــــــــــــــــــــــــــــــــــــــــــــــــــــــــــ الشغْـل واجـد ومتوفّـر ميـر عقلـك شغْلـه شف أي شغله واشتغل ترى الشغل ماهو بعيـب ــــــــــــــــــــــــــــــــــــــــــــــــــــــــــــــــــــــــــــ العيـب يـوم انّـك كـذا لاشغـل ولا مشغلـه إليا متى وابوك شايل حملك اصحـى يالحبيـب ــــــــــــــــــــــــــــــــــــــــــــــــــــــــــــــــــــــــــــ ربّاك واليومه رجل والحمْل عن ضهـره شلـه إليا متى همّـك بقلبـه يشتعـل مثـل اللهيـب ــــــــــــــــــــــــــــــــــــــــــــــــــــــــــــــــــــــــــــ ربّاك لجل تساعـده واصبحـت عنـده مشكلـه أقل حاجه سد نفسـك لا متـى وانتـه عطيـب ــــــــــــــــــــــــــــــــــــــــــــــــــــــــــــــــــــــــــــ رجّال طول وعرض فوق الارض عايش مهزله أنا معك إن الحيـاه أرزاق وحظـوظ ونصيـب ــــــــــــــــــــــــــــــــــــــــــــــــــــــــــــــــــــــــــــ لكن سـوّ اللـي عليـك وكـل مجهـود ابذلـه خلّك على الله متّكل أمـر الحيـاه أمـرٍ تعيـب ــــــــــــــــــــــــــــــــــــــــــــــــــــــــــــــــــــــــــــ واجبك لا تقعد عنـه واللـي علـى الله ازهلـه إليا تقفّل باب غيـره بـاب واصبـر ماتخيـب ــــــــــــــــــــــــــــــــــــــــــــــــــــــــــــــــــــــــــــ واعلم بـأن أبـواب ربّـك دوم ماهـي مقفلـه اغنم شيابك قبل شيبك بكـره اتشيـب وتعيـب ــــــــــــــــــــــــــــــــــــــــــــــــــــــــــــــــــــــــــــ وما انته بفايد تال عمْـرك كـان مافـدت أوّلـه الشاعر/عبدالله العقيل و يقول:. وكل بهمه فيك يالوقت يجري وسبحان رب غير الحال بالحال قبل امس كنت ابيع بالضحك واشري واليوم ما يطري لي الضحك بالبال وشكيت لله زود عسري في امري يالله عليك حمول هدت لها جبال فعمري تغير كيف ماعاد عمري والحظ فارق وانتهى ضرب الامثال واصبح جوابي لكيف والله مادري فبعض العلوم اسرار ماعاد تنقال اذا جابها ليلي تحريت فجري وان جابها صبحي لها الفين حلال اقولها ياناس من زود قهري فيالله لا تورد على الغبن رجال الشاعر/عبدالله العقيل و يقول:. وكل بهمه فيك يالوقت يجري وسبحان رب غير الحال بالحال قبل امس كنت ابيع بالضحك واشري واليوم ما يطري لي الضحك بالبال وشكيت لله زود عسري في امري يالله عليك حمول هدت لها جبال فعمري تغير كيف ماعاد عمري والحظ فارق وانتهى ضرب الامثال واصبح جوابي لكيف والله مادري فبعض العلوم اسرار ماعاد تنقال اذا جابها ليلي تحريت فجري وان جابها صبحي لها الفين حلال اقولها ياناس من زود قهري فيالله لا تورد على الغبن رجال تحياتي ابن قطنان1 |
رد: قصائد ...
[FONT=Comic Sans MS][SIZE=6][COLOR=purple][IMG]http://m002.maktoob.com/alfrasha/up/15804116361263227391.gif[/IMG][/COLOR][/SIZE][/FONT]
[FONT=Comic Sans MS][SIZE=6][COLOR=purple]يعطيك العآفيه وشكرا لك [/COLOR][/SIZE][/FONT] [FONT=Comic Sans MS][SIZE=6][COLOR=#800080]يابن قطنان[/COLOR][/SIZE][/FONT] [FONT=Comic Sans MS][SIZE=6][COLOR=#800080]على عرض القصائد الجيده[/COLOR][/SIZE][/FONT] [FONT=Comic Sans MS][SIZE=6][COLOR=purple]طرح رـآئع ,, ننتظر جديدك [/COLOR][/SIZE][/FONT] [FONT=Comic Sans MS][SIZE=6][COLOR=purple].. ||[ بشوق ولهفـــه ]|| ..[/COLOR][/SIZE][/FONT] [IMG]http://m002.maktoob.com/alfrasha/up/15804116361263227391.gif[/IMG] |
رد: قصائد ...
لا هنت يا تين
|
| الساعة الآن 04:42. |
Powered by vBulletin® Version 3.8.11, Copyright ©2000 - 2025, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها