منتديات سبيع الغلباء - قصيده للشاعر معيض بن مصلح المكيحيلي السبيعي

بسم الله الرحمن الرحيم

بنصحك يالجاهل وبعطيك الخبــــر -- نصايح فيها السعد والفــــــــود
يقول شاعرك الطيب المختبــــــــر -- لاترافق الخاين ولا الحســــود
الخاين أماخادعك ولا غــــــــــــدر -- وأما الحسود أعدا من اليهــــود
ورفيقك اللي صافيلك بالنظـــــــــر -- ادمح خطاه أن جاءعنـــــــــود
وقصر بلاسيسان مايحسب قصـــر -- والبيت مايبنى بلا عمــــــــــــود
وعدوك اللي كل ماجاك اعتــــــذر -- ويضحك معك لاصارله مقصود
ولوقال انا باقلطك في المختصــــر -- تراه يبـغى يلـهـدك بلـــهـــــــود
ولوكان تذبح له بعارين وبقــــــــر -- ماتنفع الجادات في النـــمـــرود
خله يجنب عنك حتى في السفـــــــر -- ولوكان بعد يعاهــدك بعــهـــــــود
ولاتجالس المقرود وتجالس الاشــــر -- بيرمون بك في الحفره ام الــــدود
ويقال هذا شان حظه وانعــــــثـــــر -- من يوم جنب عن سعد وسعــــــود
ولا تامن الجارالردي من القشــــــر -- تراه لوخلى القشر بيـــعــــــــــــود
وتجي خشيره في البلاوي والقشــــــر -- وأصـبحت مقرود وهو مقــــــرود
واجلس مع اهل الخير واهل المحتضر -- حتى تفــــــوز بجـــنه الخــــلـــود
وزرعٍ زرعته مايلٍ فيه الحثـــــــر -- عنبر ورد وزعفران وعــــــــــــود
احدٍ اكله بالخمس واحدٍ بالعشـــــــر -- واحدٍ ليا شافه يصـــــــد صــــــدود
سلام واثني السلام لمن حضــــــــر -- وعداد ماتذري هـــبــوب النــــــــــود
وعداد مافوق الجبال من الحجــــــر -- وعداد ما في العرق من النفـــــــــــود
وعداد من زار المدينه واعتمـــــــر -- ومن طاف بالبيت وركع بسجـــــــود
وحييت ياللي جاء من السجن وصبر -- صبرالنبي يوسف على أم جـــعـــــود
ويعيش من نجا الرفيق من القهـــــر -- وبطل حكم شيخ من دون شهـــــــــود
مكاحلة يوم الجواهل والخطـــــــــر -- هل بنــدق وخــيل وجهــام ســـــــــود
يرعونه في نجد لامال الزهـــــــــر -- في نجد ولافي الحـجاز ســـــنـــــــــود
حامينه بالحدب سابرات النظـــــــر -- مكاحلة مكحـــــــولهـــم بــــــــــــارود
وكل الرجال فعولهم ماتنحصــــــر -- ياما وياما من رجــــــال الجـــــــــود
وكم من رجال تنثر الدم الحمــــــر -- يوم البارود ويوم قــدح زنـــــــــــــود
واليوم في نعمه وفي روضٍ خضر -- والفضل لله ثم لأل ســــعــــــــــــــــود
حكام نجد اللي حمو كل الديــــــــر -- ومن جاء يبي حدانهم مــــــــــــــردود
وعبدالله وسيع البصر سمح النظر -- حبيب محبوب حليب كــــبـــــــتـــــــود
أظهر بني زيدان من تحت الصخر -- وخلا الزيود يحاربون زيـــــــــــــــــود
وزيره السلطان سلم من القـــــــدر -- وعساه يسلم من ظلام لحـــــــــــــــــــود
والله يجيره من سواعير السهـــــر -- وأخوانه اللي له ذراء وعضـــــــــــود
وعبدالعزيز اللي على المجد افتخر -- وخلا العيون الساهرات رقــــــــــــــــود
وخلا الغنم والذيب وكلاب الجعـــر -- تمسي مـــع الراعي بخـــــيــــــر وزود
وحما حدود البر وحدود البحـــــــر -- ورسا حـــــــدود ماوراها حــــــــــــــــدود
وابنصح شباب الشعب واعطيه الحذر -- يبعـــد عن الخــذلان والمنقـــــود
وبقراء آية الكــرسي وعـما والعصــر -- وأصحاب فرعون واصحاب خدود
أمـــا وردنا الــنار ولا مــاء نــهـــــر -- أنهارخـلــد جنهـة ومهـــــــــــــود
وياللي تشوف الشمس وتشوف القـمـر -- وتشوف الارض وخدها الممــهــود
وتذكـــــــر الله يــوم مـديــت البصــر -- وربي عطاكم البصــــر ممـــــدود
ماتعـــرف اللي خــالــقٍ كــل البشــر -- ولا تعرف الطارد من المطـــــرود
وياناس توبوا وأطلبوا الله في المطر -- الواحد المتعــــالي المعبـــــــــــود
مــدو أيديكم واركعوا لاجاء السحــر -- والله ينجي عبده المضهـــــــــــــــود
وركــب عـلينا الوقت واشتب الدهـــر -- وحتى الشمع في الارض راح خمود
تعكـفت روس النوامي والشجـــــر -- وكلٍ تعدى حده المحــــــــــــــــدود
وكل نزل في داره غيــــره وانعــثـر -- ويقول انا شيخ وعريب اجـــــــدود
امس يغني في البلاد من الصطــــــر -- واليوم ياحـــــــاوي و يامـــــــردود
والمياه قلت كـــود تحليـة البحـــــر -- ولا عاد نقع ولا شراب عــــــــدود
وصلاه ربي عد ماهل ااشهــــــــــر -- على الرسول محمد المحمــــــــــود
شفيعنا يوم القيامه والحشــــــــــــر -- يوم الحشر واليوم الماعـــــــــــود

الشاعر معيض بن مصلح مسفر المكيحيلي السبيعي