الشاعر مبارك العمري (الرادار) الالفاظ
 

[poem=font="Simplified Arabic,5,black,bold,italic" bkcolor="silver" bkimage="backgrounds/20.gif" border="double,10,darkred" type=0 line=0 align=center use=ex num="0,black""]
يا حاسبين إن الجمايل بالألفاظ=ترا الجمايل بالفعول الجزيلة
ماهي بحمل ينتظر وقت الاجهاض=والا علوم فعلها مستحيلة
اعطي خبر من شان يدري ويعتاظ=اللي تنومسه العلوم القليلة
اللي يسبب بين خلق الله ابغاض=الله عن عيون الخلايق يزيلة
واللي ليا منه عطا شي يعتاظ=ولا يقدم غير عجفا هزيلة
ياجعل مثلة يندفن تحت الأنقاض=ولا يحصل من العرب من يشيلة
مايخدم الا من يجي له بالأغراض=بايع جمايل يشتري من عميلة
طبايعة شينة وتاجي بالأمراض=واصبر وروحي من كلامة عليلة
مثلة على شور الرياجيل نقاض=متعلم في قدح راس الفتيلة
لاما اشعل الفتنة تحما بالوغاض=يبغا يشب النار بأية وسيلة
حتى صحيبي يوم قدح الكبس ناض=واصبح يساندله ويعطي دليلة
واللي يتسمع يوم سمع الفشق راض=كنه دخيل من سنين طويلة
وانا عيوني حددت بعض الأعراض=في وجه من حط الخطا في زميلة
مايدري إن الشعر من الراس لا هاض=ما عاد له من ضرب الأمثال حيلة
من شاعر بمعجمات الشعر خاض=من روس قوم يكسبون الجميلة[/poem]