منتديات سبيع الغلباء - قصيده في الأمير/ مشعل بن عبدالله بن عبد العزيز . امير منطقة نجران

[center]قصيده بمناسبة زيارة صاحب السمو الملكي الأمير /مشعل بن عبدالله بن عبد العزيز ال سعود . لمحافظة شروره وتشرفت بألقائها امام سموه

[/center]
[poem=font="simplified arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
أسقي رمالك ياشروره مسك واكسيها زهور=وتزيني مثل الهنوف اللي لفا خطابها
خلي ملامح بسمتك تظهر على وجه القصور=اللي من الفرحه تشرع للضيوف ابوابها
جاك الأمير ابن المليك وجيته للدار نور=عشنا ليالي في حرا ساعه وربي جابها
يامرحبا يا اميرنا المحبوب يالوجه الطهور=ترحيبةٍ في جيتك ياسيدي نبدابها
يامرحبا ترحيبةٍ تنذاع بالصوت الجهور=ترحيبةٍ فوق السحاب المعتلي نرقابها
ترحيبةٍ فيها من الريحان وانواع العطور=والعود الأزرق والدلال الصفر مع صبابها
يامرحبا يأبن المليك الحاني الشهم الجسور=اللي معه ماتصعب الصعبه وهو طلابها
اللي لجل حب الوطن ينهي صعيبات الأمور=من هيبته سم الأفاعي ينحشر في نابها
اليا بطش بأمحاربين الدين بالسيف البتور=يقضي على الفتنه ودابرها ومنهو جابها
وليا فعل للخير يبقاله على مر العصور=يبقا توارثه البشر حتى يحين احسابها
كفه على شعبه سحابه تحمل افراح وسرور=تمطر كرم يملا سهول المملكه وهضابها
الله يديمه للوطن والله يجنبه الشرور=لأن البلاد ابحنكته تزاهبه ويزهابها
والله يحفظ اللي معه بالراي والفعل امخبور=من غيره اللي صحته لأجل الوطن ضحابها
سلطان سلطان المكارم صاحب القلب الغيور=سيف البلاد ولا تعزوا وقفته يدرابها
رغم الضروف اللي دعته ايغيب لأيام وشهور=الفرحه اللي بعد يوم النصر هو اسبابها
لأنه مجهز له رجالٍ فالمواقف ماتبور=من فعلها كل الدول قامت تعيد احسابها
حنا جنودك ياوطن في ساعة الشدات سور=نموت وأرضك ياوطن مأحدٍ يمس اترابها
واللي طمع فأحدودنا من باب عدوان وفجور=يذوق نارٍ من سبايب غلطته يشقابها
يذوق نار الراجمات اللي تذوب للصخور=و يذوق نار الطايرات اللي تهول اسرابها
ويشيب لأفعال الرجال اللي بنادقها تثور=موتت فخر ولا حياتن بالفخر نحيابها
واليوم يامشعل وجودك بيننا يضفي شعور=لأنك ولد من دولته فوق الدول علابها
واليوم حنا بالشبه شفناه والدنيا تدور=جتنا ملامح صورته مع جيتك نهنابها
ياسيدي مشعل لو احكي عنك ماتكفي سطور=لك سيرةٍ عطره على مر الزمن نقرابها
زيارتك مثل الوسام انعلقه فوق الصدور=واكبر شهادات الفخر في جيتك نحضابها
شف الفرح ياسيدي مرسوم بأوجيه الحضور=بوجيه ناسٍ بالمواقف تفتديك ارقابها
اهلآ هلا ياسيدي والمعذره لاجا قصور=هاذي مشاعر شاعرك في جيتك غنابها[/poem]