قصيدة شجن ومعاناة
 

اخواني اعضاء وزوار منتدى قبيلة سبيع
السلام عليكم ورحمة الله وبركاته هذه اول مشاركة فعلية لي في هذا المنتدى
وهي قصيدة جد محزنة حبيت انقلها لكم
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

كل ما فاضت عيوني باشت الأضلاع غنـا = الموارد في الضلوع وكل ضلع فـي ونـه
والتمني ما يحقق هقـوت القلـب ان تمنـا = بس قلبي ما يدانـي تبعـد الهقـوات منـه
وا وجودي وجد من جلي عن دياره مجنـا = تو عمره عشر واربع والليالي مـا تحنـه
ما وراه إلا عجوزٍ واختـه وعـود مسنـا = بين فقر وبين دين وبين ضيـم وبيـن منـه
ما ذبحهم غير دمع من الغبينـه مـا يكنـا = ويل من سود الليالـي بالمصايـب يبتلنـه
راح مثل الذيب وهبلته حياة الذيـب ظنـا = وآمن من الموت يومه بيـن مخلابـه وسنـه
راح ينقل دم قلبه وان ضـواه الليـل ونـا = الذيابـه مروحاتـه والسيـوف يدورونـه
ليا ذكر دم القرايـب عانـق البيـدا وثنـا = وان تذكر ضحكة امه زاغ قلبه من مغنـه
ما يلوعه في حشاه إلا ليا شاف البرق سنا = غاب عشر اسنين ما به من يرد العلم عنـه
ان حداه الخوف منا هزت الأشـواق منـا = يوم طال الوقت عود للديـار اللـي ربنـه
قـال مـا دام المذلـه والبـلاوي يبتلـنـا = والله ان الموت في الأوطان بين الربع جنه
يوم وقف في المنازل ما لقـى بيـت مبنـا = غيـر بيـت للهبايـب والـذواري يلعبنـه
راح يمه كنه اللي ضاربـه رمـح مطنـا = وعذابه ما دري ان اسهوم بقعـا يحترنـه
يوم قرب سمع له صوت من العلـه يحنـا = حصل امه عندها ضيف يقول الموت سنـة
قال يمه قالت عيوني مـن الدمـع انعمنـا = قال ابويه قالت اطوال النصايب قد خذنـه
قال واختي قالت اقفى القوم باختك مع ظعنا = قال ربعي قالت اسنيـن المجاعـة فرقنـه
قال جيتك قالت ان الموت ما ظنـي تونـا = واستلمها نازع الارواح روحـن مرجهنـه
ثم صاح من التفرق صيحة اللي فيـه جنـا = دق صدره وانطوى من حر ما به طي شنه
كل هذا حال قلـب مـن خلقـه الله معنـا = الهمـوم يوكلـنـه والـروابـع يوكلـنـه
ليه ادور للسبايـب والسبـب فينـا ومنـا = النفوس وما تسوي واليدين ومـا حصدنـا
لا تسودنا الخطايا نلحـق الشرهـه زمنـا = مـا جزانـا إلا عملنـا والخلائـق يثبتنـه[/poem]
اتمنى ان تحوز على رظاكم
اخوكم سلمان

رد : قصيدة شجن ومعاناة
 

مشاركه رائعه ومرحبا بك ياسلمان


صح لسانك ولا هنت على نقل هذه القصيده الطيبه

رد : قصيدة شجن ومعاناة
 

هلابك اخوي ابو تركي

المشاركة لم تكن بل اصبحت رائعة بمجرد مرورك عليها
تسلم اخوي وشاكر على مرورك

اخوك سلمان

رد : قصيدة شجن ومعاناة
 

[align=center][color=#000000][size=5]الف شكر اخوي سلمان على هالمشاركه الرائعه

وانا اعتقد انها قصيده خالد الدوسري التي عارضها ناصر الفريعني بقصيدته التوجديه[/size][/color][/align]

رد : قصيدة شجن ومعاناة
 

مرحبتين اخو شما
الشكر والتقدير موجهه لك اخوي على مرورك الكريم
والقصيدة انا متأكد انها لواحد دوسري بس مااعرف
منهو ومشكور مجددا" على التوظيح

تقبل تحياتي

اخوك سلمان

رد : قصيدة شجن ومعاناة
 

صح لسانك ولا هنت على نقل هذه القصيده الطيبه[/quote]



الله يعطيك العافيه ياخوي سلمان على هذه المشاركه الاكثر من ممتازه:)

رد : قصيدة شجن ومعاناة
 

أخي...سلمان

بدايه طيبه...و اختيار رائع

القصائد الطيبه هي التي تعطيك أكثر من صوره...تعبر عن واقع معين

فتجعل الصور القاريء و كأنه يعايش الحدث...لحظه بلحظه...و لا يسهب في كل فكره فتسبب الملل..

أتمنى أن أرى في المستقبل قصائد من قولك...و ليس من منقولك

رأيت منقولك الرائع...و أعطاني فكره عن مستوى ذوقك..و فكرك

و أنا واثق بأن قولك لن يكون أقل مستوى...بل سيكون أطيب..

تحياتي لك...

رد : قصيدة شجن ومعاناة
 

[size=5]الله لايهينك اخي سلمـااان

اختياااااااار رااائع وقصيده راائعه لاهنت

تحيتي[/size]

رد : قصيدة شجن ومعاناة
 

الله يعافيك اخوي
كلي مشاعر
وصح بدنك ولاهنت على مرورك اللي يظفي على المشاركة
صفت الامتياز

اخوك سلمان

رد : قصيدة شجن ومعاناة
 

اخوي مروض
مشكور مليون مرة على هالكلام اللي يدفع للمشاركة بالاحسن
والرائع هو اسلوبك في التوظيح

انا احب الشعر بس ماني شاعر ولو كنت كذالك مانشرت قصيدي
الا في هالمنتدى اللي يكفيه تميز انك من اعضاءه
ودمة ودام ابداعك

اخوك سلمان