دنيا قصيرة كم خدعنا سرابها= كم عاجلت طلابها بانقلابها
 

[poem=font="Traditional Arabic,6,black,bold,normal" bkcolor="white" bkimage="" border="double,4,gray" type=0 line=0 align=center use=ex num="0,black""]

دنيا قصيرة كم خدعنا سرابها= كم عاجلت طلابها بانقلابها
تمدك حبايلها وترخيلك الامل= حتى اذا استامنت يجرحك نابها
كم غالين عنا وطته بالثرى= صحيحن بلاعله شعر واشتكابها
خذنا من الدنيا حظوظ ولا صفت= عكرت لنا تركز علينا حرابها
دعتني طريح الهم والكود والقسا= اعد انا الايام وافهم كتابها
ما غير اسلي النفس بالقاف والقلم= وانقل خفي الجاش لا من طرابها
غديت مغرم بالمناظيم مولع= مثايل اعاودها واشوف السلى بها
ولا ضقت ناد القوم دورت نابي رجوم=ابدع به القيفان وانظم صلابها
كسيد الغضى يوم ان يقنب على النبا= روس المبادي هامها وارتقا بها
ادور المشراف وابعد عن الوطا= لا شاب روحي عمسها واستنابها
ارود الفيافي و الريادي اطوفها= ماملها لو يوم اترك قرابها
دعيت الولي يسقي دكاديك دوها= عارض من القبلة بالحال صابها
يخني عليها مرزماني حقبة= يجري شغايها ويملا شعابها
لا جيت فيحا خضر الله جالها= ليكن زل ايران فرشن زها بها
ترعى زهرها النيب ويزما بها الشحم=من درها نشرب حالي حنابها
حلت بها البدوان من كل قرنة = من كل حدب وصوب ساقت دوابها
تقاصروا جملة من كل حي اخوان= في جيرتن ما ضيع الله ثوابها
تهيض القرايح عند ما انظر نجوعهم= وابيح مكنون الضماير خفى بها
واتبع ثقيلات المعاني سمانها= حرين تسدد راي منهو خذابها
والحكمة اللي من مستوفي الحجا= وساع النهايا سعد منهواقتدابها
بروقن عدتني فلاني استخيلها = لو عشبها طيب شين الرعابها
ولاني اصد النفس عن مطلب العلا= يومن غيري سكنته قد رضابها
ولا احكم قالتن ماستنبنتها=واصبر الين الحق يعدل نصابها
وصديت عن غاوي مطلوبه الخنى= الفاينة والله ما اطق بابها
اللي جعل ذمته سلعة بسوق المال=جلبها لجل يتجر باع وشرابها
تقوده النسوان بالراي والامر= ما يصدر الا من حضرة جنابها
فلا فود طاله غير ما هو سواة ايديه= جرم الجريرة يوم سعى بارتكابها
كلمة تصدر به وكلمة تورده= سرداد مردادي نفسه هفا بها
وانا ان هرج بي صاغرن ما التفت له= قومن تلوي في النوادي رقابها
هم في الثرا وانا الثريا اطالها= ما ضرني هرجه عذولي حكابها
واللاش ماتعبا نفسه لفعل الطيب=تقصر عن الطالة وتبرك ركابها
وانا ركابي تقطع الحزم والوطى= كم عسرة خذيتها بانتهابها
يوم المثارى والعثارى تخلفوا=من سيفي العدوان تشكي عذابها
والخيل عند قطيها الرمح مانثنى= بالهية اللي تططحن كالرحى بها
والقدح من راسي ما تبع هفي القول= ولا اهاب غير الله مجري سحابها
وانا نسل من ينطح القوم بالقنا= وسيوف من دم المعادي خضابها
هياتهم ذاعت بالصيت والخبر=ما همهم ضول العدا واحتزابها
لهم ضربتن يرهب القوم وقعها= سناها المشوك والمثولث حقابها
العزوة مهنا العود بن راشد=نسل البيوت اللي ذرين حجابها
الحاكم الغطريف شباب ضوها= زبن اللهيف وجيرته يلتجا بها
ليل المساغب يجفن الكوم بالنصل= والفطح ما يذبح الا شبابها
ريفن على الخلان سعيرن على العدا= ستر العذارى كل حسنة سعى بها
جيت القصور اللي تقادم عهودها= حول الفريحة والزبارة زمابها
فوق النزاوة قامها وابتدر بها= مبرك حرايز فيح ومربط عرابها
مريتها كالطيف ولا خيال حلوم= تحكي عن اللي تحت صفحة ترابها
واللي جفوها واستقروا بغيرها= والناس عند الرزق لاشك دابها
اومت بحزن الصوت تحشرج وطوحت= كنها خلوجن من ضناها مصابها
تشكي ظلوم الوقت والوقت كم عثر= صروف الزمن حلت عليها خرابها
وهذاك داب الدهر لا دار وانتكف= كدر على العربان صافي شرابها
فقلت اسمحي يا دار والتمسي العذر= من عقب ما جض الخلايد عتابها
هذا زمان فيه ما جد واختلف = كبل هزابرها واطلق كلابها
ولا عاد بالايام خير وخيرة= لاصار نادرها فرسة غرابها
ووقت غدا ما عاد ترجع علايمه= راحت هويناته وجتنا صعابها
الشيخة اللي ما تسند على فعل = كالدومة الجوفاء سوس عثابها
والحكم لال سعود لله درهم= هم وحدوها عقب مالجهل شابها
يا ناشد ذا الوقت مالراي مالعمل= تبدي لك الايام فحوى جوابها
تبدي لنا الايام ما كان خافين= تظهر امورن ما حسبنا حسابها

نظم /عبدالله المهنا النعيمي
[/poem]

رد: دنيا قصيرة كم خدعنا سرابها= كم عاجلت طلابها بانقلابها
 

[SIZE=5][COLOR=purple][B]يا هلا ومسهلا [/B][/COLOR][/SIZE]

[SIZE=5][COLOR=purple][B]صح لسانك [/B][/COLOR][/SIZE]

[SIZE=5][COLOR=purple][B]قصيدة فريدة وكأنني اقرأ لذياب بن غانم[/B][/COLOR][/SIZE]

[SIZE=5][COLOR=purple][B]وانا مانيب خبير بالطرق الهلالي[/B][/COLOR][/SIZE]

[SIZE=5][COLOR=purple][B]لكن قريت هذا البيت فما استقام معي الوزن[/B][/COLOR][/SIZE]
[CENTER][COLOR=black][FONT=Traditional Arabic][B][SIZE=5][COLOR=purple]اللي جعل ذمته سلعة بسـوق المـال=جلبها لجـل يتجـر بـاع وشرابهـا[/COLOR][/SIZE][/B][/FONT][/COLOR][/CENTER]

[CENTER][COLOR=black][FONT=Traditional Arabic][B][SIZE=5][COLOR=purple]ليتك تشرح لنا كيف الوزن بهذا الطرق[/COLOR][/SIZE][/B][/FONT][/COLOR][/CENTER]

رد: دنيا قصيرة كم خدعنا سرابها= كم عاجلت طلابها بانقلابها
 

الله محييك طال عمرك وصح بدنك :

اللي جعل ذمته .......سلعة بسوق المال = جلبها لجل يتجر....باع وشرابها

فعولن مفاعيلن.....فعولن مفاعيلن==== فعولن مفاعيلن.....فعولن مفاعيلن

وهذا اللحن اللي ديونت عليه القصيدة والتفعيلة جميع

لعب بي وليفي لعب.....كورة ضربها بليه = سجل بها فوز ال.....برازيل بالدورة


دمت بود اخي .

رد: دنيا قصيرة كم خدعنا سرابها= كم عاجلت طلابها بانقلابها
 

االله واكبر