عوص القوافي....محمد صالح المصعبي
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
[CENTER]بدع القوافـي بالـذي سوّانـا=نبدا بهـا بإسـم الله الرحمانـا
حقٍ ٍٍ علّي أصوم لـه وأصلـي=وأدعيه من شرّ القضاء يرعانا
يالله ترحمنـا نهـار اللـجّـه=يالله تسمحنـا جميـع خْطانـا
يالله من نار الغضـب تعتقنـا=ياالله في الجنه عسـى ملفانـا
من بعد ذا هاجس معي عنّيتـه=قال:السبب قلت:السهـر عنانـا
ياهاجسي عوص القوافي جبهـا=واللحن باجيبـه علـى مغنانـا
المصعبي غنّا الطروق الجزلـه=والهزل ماهو لـه ولاقـد كانـا
لا خير في شاعر يجيب الهزله=ياشينها لا قال:أنا ابـن فلانـا
ماخلّد التاريـخ شاعـر عثـره=ماخلّد إلا كـلّ مـن قـد جانـا
(مايستوي الزحزوح والمتزحزح=فرقهم اللـي فـرّق البحرانـا)
قـد قالها(خالد)ولـه صفقـنـا=وقلنا:يا(ابن مدعث)تصحّ لسانا
ياهاجسي ماانته قصير حبالـي=وشاعركْ شاعر مكرم الجدانـا
قالوا العرب شعرٍ ٍ كثير وقلنـا=مثل العرب لازم تكون أسمانـا
لا خير في رجلٍ ٍ حياتـه دسـه=ماهوب متجّري مـع العربانـا
لا خير في رجل ٍ طموحه حوله=ماهوب يطمـح للبعيـد وعانـا
لا خير في رجل ٍ قليل ٍ عرفـه=ماهوب ماخذ من طبـاع آبانـا
لا خير في رجل ٍ تنّكر لأصلـه=بعد الهناء في غربة الأوطانـا
لا خير في رجل ٍ بخيل ٍ طبعـه=مايذبح لضيفه سمـان الضانـا
لا خير في رجل ٍ ردي ٍ نهجـه=ماهوب يفزع والعـرب تنخانـا
لا خير ثم لاخير في من قالـوا=رجل ٍ ولا له فالمراجـل شانـا
لا خير في بعض العرب وسيْاره=يـاالله تبعـدهـم ولا تبـلانـا
خـوّة ردي الأصـل مانبغاهـا=خـوّه تسـوّد وجهنـا ولحانـا
من ساير الجربان يصبح مثلـه=ماعاد ينفعـه الدهـن وكوانـا
ماهيب خوّة كل خطـل إيدينـا=اللي متـى ناديـت لـه لبّانـا
دايم معانا وافـي ٍ فـي شبـره=عز الله إنّـه للوفـاء عنوانـا
في عسرنـا ودّه يصيـر فدانـا=وفي محنته تفـداه كـلّ دمانـا
هذي هي الخـوّه كـذا ديدنهـا=قـد قالها:شايـب لنـا ربّانـا
شيبان أمس بهرجهـم وصّونـا=واليـوم وصيّنـا بهـا أبنانـا
الله خلقنا مـن تـراب ولكـن=الفـرق فينـا سبّبـه مبدانـا
أحدن على نهج النشاما سـارح=وأحدن على نهج الردى سهرانا[/CENTER]
[/poem]

</B></I>