قصيدة مجري بن مسند السبيعــي موجهة للشيخ /حثلان بن ناصر السبيعي
 

صحيح من قال اللوازم لها رجال
وصحيح من قال المواقف لهلها

تغرنا في صحابنا بعض الاشكال
مثل المرايه والمرايه مثلها

راع المثل قد قال من ظمن ماقال
ماكل من يبغا المراجل وصلها

المرجله تبغيلها قول وفعال
روس المعالي مايعوض بدلها

رجال لامنه برك للحمل شال
ولايرتكي للحمله الاجملها

ورجال مثل الجرف لاحرك ان هال
عن صعبها مايطلب الاسهلها

ورجلن صميدع راس لربوعه ظلال
لاكبرت القاله ومالت عدلها

ورجال يسمع هرج واشي وعذال
متخصصن في اهل النفاق وعملها

راعي نفاق عي وقصيرأحبال
يجمع محابيل الردا ويحبلها

ورجال ينفع مير نفعه تعلعال
شغله يغث الكبد ولادبلها

مافيه لافزعه ولابه تحمال
ولاكبرت اللقمه بافمه تفلها

وقت الرخا رجال ياوي ارجال
ونفسه رضاها مايعادل زعلها

ورجلن مغير أهروج واقوال وقوال
والمرجله من خلقته مافعلها

ورجال هيكل ثوب وشماغ وعقال
ويمناه من كل المراجل غسلها

ورجلن يهد امال ويشيد أمال
ومنازل الطيب الرفيعه نزلها

ورجلن كذوب أظعيف نصاب محتال
لاشاف غرات السوالف ختلها

ورجال بيته لرياجيل مدهال
رجله لعسرات المراجل عقلها

يكفخ علم جوده على روس الاطلال
ماهيب تنقض كلمته لافتلها

أجزل من الجزلين وفعوله أجزال
ومواقفه ماتلحق من جزلها

مواقفه تعرف وله طبعن لحال
غيث الكبود اللي تزايد محلها

هذاك حثلان عسا أيامه اطوال
شيخ غزيرات المراجل نهلها

مواقفه دايم على غيره أثقال
حثلان زيزوم المراجل فحلها

غيث الرفيق ليا لحقبه طرف حال
ومنصا الرجال اللي يبيسن بللها

شيخن يوصفبه على نايف الجال
منازله بلجود محدن نزلها

من ربعنا العزه مداغيش الابطال
وقفاتهم بالطيب محدن جهلها

يوم أمدحه مانيب ادور طلب مال
وقصيدتي مانيب ادور بدلها

افخر بمن طيبه لنا مضرب امثال
والرب قايل كلمت الحق قلها